#الكاتبة_دجلة
#لدنّ
لا تنسون المتابعه والتصويت للبارت❤️🩹
قراءه ممتعه🫶
__________________________
أيهم: نزلت لمستواها لدنّ استهدي بالرحمن وصدگيني ما راح اأذيج ولا اسمح لأي شي يضرج ما عندي اي مصلحة وياج
روحي غسلي وجهج وتعاي احجيلي كلشي صار وياج عسا ولعل اگدر اساعدج
لدنّ: گمت من مكاني ورحت غسلت ولفيت حجابي عدل
أيهم: گعدت على القنفة وانتظرها دارت براسي الف فكرة وفكرة
لدنّ: رحت گعدت على الگاع ما ادري ليش سويت هيج حسيتة استغرب من فعلتي
أيهم: ليش گعدتي بالگاع ؟
لدنّ: احسن هنا مرتاحة
أيهم: اتوتر هيج رحت جبت كرسي المطبخ وخليتة مقابيلي وكلتلها تگعد هنا
لدنّ: گعدت مقابيلة رفعت راسي وصارت عيني بعينة نزلت راسي خجل على خوف طاقة التوتر سيطرت علينة
أيهم: اي تگدرين تحجيلي كلشي صار وياج
لدنّ: ما راح تگدر تساعدني بس اريد منك خدمة صغيرة راح تحل كل مشاكلي
أيهم: احجي سالفتج بعدين طلبي التردينة
لدنّ: سكتت شوية اخذت نفس وبديت احجيلة كلشي من يوم الي اختفى بية بابا وفاة اخواني والرعب العشت بية والتشرد لحد لقائي بسلطان وبعده ٱنس وشلون وصلت للبصرة وصرت عندة كلشي كلشي حجيت بالتفصيل الممل مرت تقريباً ساعة اتقطع بالكلام مو سهلة احجي كل هذا الغصة الي بگلبي تسلب بروحي
أيهم: مركز ويه كل كلمة اسمعها منها تعاطفت وياها وگلت بيني وبين نفسي راح اساعدها
لدنّ: خلصت من كلامي رفعت عيني بعينة اريدك تساعد ٱنس
أيهم: صعبة بس راح احاول أكيد
لدنّ: بداعة كل غالي وعزيز على گلبك تساعده بكد ما تگدر لا تتخلى عنه واني بس بس يطلع وعد راح اشتغل بهاي الفترة وانطيك كل اتعابك بعدها راح اروح وما تشوف وجهي ابداً
أيهم: عدلت گعدتي هههههههههههه وفركت عيوني ومنو طلب منج اتعاب
لدنّ: ما اريد احد يتصدق علية وكافي الي صارلي
أيهم:بس انا ما طلبت شي منج
لدنّ: ماكو احد يساعد شخص ما يعرفة بدون مقابل
أيهم: رفعت تك حاجب عفية عليج تفهمين
لدنّ: گولي وين ألگاك من اطلع منا وشكد تريد حتى احسب حساب لكل شي
أيهم: وين ترحين عندج مكان تشتغلين بية ؟
لدنّ: لا بس راح ادور اني شاطرة بالطبخ اگدر اشتغل بالبيوت
أنت تقرأ
لدن
Short Storyبين الفزع والدماء فتاة تحكي رحلتها الطويلة للنجاة بحياتها من بين ايدي (د١١عش) التي جعلت من الدين غطاء تتستر به تُنهي حياة الإبرياء لتقع تلك اللينة بعدها ضحيه..؟؟؟ بداخلها حرب وظاهرها سلام ملامحها رقيقة وردود فعلها صلبة من ارض الموصل اقدم لكم ...
