لدن

لدنّ_23_

#الكاتبة_دجلة
#لدنّ

لا تنسون المتابعه والتصويت للبارت❤️‍🩹

قراءه ممتعه🫶

__________________________

جبار:طلعت من يم سلطان وانا مقرر اربيها على اتهامها والله لخلي امها تشگ ثوبها عليها وانا طالع من بيت سلطان باوعت على محل ام سلوم شفتها بدكانها ويمها بنية اتوقع هي هاي سمر ركبت سيارتي وشخطتها حيل حتى الجانو يمي ضاجو من خليت الترابة تعلگ

سلطان: بعد يومين وما متصل على لدنّ رفعت تلفوني واتصلت على أيهم

_الو

_ الو زين سمعت صوتك وين جنت ما شفت مكالماتي

_جنت مريض

_اريد اجيك للبيت اوصفلي حتى اوصلك

_هسه ؟!

_اي هسه عندك مانع

_وصفتلة البيت وسديت الخط گمت حتى اغير ملابسي صاير هوسة البيت اعدل واسمع صوتها من وراي

سمر: سلطان

سلطان: غمضت عيوني بقهر عدلت وگفتي حجيت وانا منطيها ظهري شجابج

سمر: اطمن عليك

سلطان: فرگاج بس كلشي ما اريد بس بعد ما اشوف خلقتج

سمر: شوكت تفهمني

سلطان: طلعت جگارة وسحبت منها نفس وبعدني منطيها ظهري فهمتج كلش زين وعرفت غايتج
درت وجهي عليها اجت تركض تريد تحضني
حطيت ايدي گدامها امنعها

سمر: احجي ودموعي عشرة عشرة راحت روحي من شفتهم شايلينك وانته فاقد الوعي ما تحس بشي والله تخبلت
تقربت اريد امسك ايده وهم صدني

سلطان: تمادت وانا منطيها وجه زايد سحبتها من ملابسها ودفعتها برا البيت لا تخليني اشوف وجهج بعد وحريمتج اعقد عليج لا عبالج السويتية يكسرني لا تدرين هسه صرت اكرهج ضعف كرهي قبل بمليون مره

هية طلعت من البيت وشوية وندگ الباب رحت فتحت وانا وجهي مگلوب على بالي رجعت طلع بوجهي أيهم
بقيت صافن بوجة حتى تفضل ما گتلة

أيهم: جنت قريب العنوان الي نطانيا سلطان وصلت وشفت بنية طلعت من بيتة وهية تبجي وحالتها حالة كلت خاف هذا مو البيت رجعت سئلت ولد عن بيتة مره ثانية واكدلي العنوان رحت علية فتحلي الباب وهوه منفس درت وجهي على جهة البنية ورجعت باوعتلة شفتة مرتبك

سلطان:دخل للبيت دخلت گدامة واستقبلتة گعد بالصالة گعدت مقابيلة شفت انعكاسي بالمراية حسيت روحي مكسور وذليل اليتم ما سوه بية هيج اوووفففف يا لدن لو تدرين شسويتي بحالي

أيهم: الحمد لله على السلامه

سلطان: الله يسلمك

أيهم: ليش ما رديت على اتصالاتي يومين لدن تروح وترجع گدامي وانا ما اعرف شگولها متربط