لدن

لدنّ_25_

#الكاتبة_دجلة
#لدنّ

لا تنسون المتابعه والتصويت للبارت❤️‍🩹

قراءه ممتعه🫶

__________________________

سمر: ما اهتميت ودرت وجهي كافي سلطان ما كفاك السويتة تريد تذلني وتهيني اكثر ليش هيج تسوي

بس لأن حبيتك لك يا ريتني ما شفتك يا ريتك ميت هذيج الليلة ولا ملفيتك أمي

والله لنعل ابو الحب الوصلني لهيج مرحلة طلعت بسرعة ودموعي تمطر رحت اتسحب دخلت للبيت حتى أمي ما تشوفني

رحت گبل على حضن زهرة اناشغ مثل الطفل وهية ما فاهمة شي

أيهم: غلط السويناه ما جان المفروض نخليها تجي هيج نهينها

سلطان: هسة تأكدت مني

أيهم: من زمان هسة تكدر بعد يومين تجي وتطلبها من بيتها رسمي

رجعت على البيت شفت لدنّ كاعدة وتسولف هية وتمارا صحتلها وكلت الها بعد يومين يجي سلطان يخطبج رسمي

لدنّ: مشاعر خوف على فرخ ما اعرف شلون هيج كل المشاعر تتجمع سوية

تركتهم وصعدت للترك فتريت فوك ما اعرف شنو اسوي نظفتة واريد بس اشغل نفسي

سلطان: رحت على امي للدكان حتى اكولها تجهز نفسها شفت سمر گاعدة بمكانها رحت عليها

سمر: درت وجهي ما اريد اشوفة اكتيفت من الصار

سلطان: سمر انا اسف

سمر:درت وجهي علية شفتي ترجف رجف أغص بالكلمة مرتين يلا أحجيها على شنو اسف اسفك هذا مشية على الغشمة

احجي وأاشر على گلبة لك انتة جارحلك بشر من گد التعب البية حتى الهوا يلچمني

سلطان: انا اخوج شوكت ما ترديني تلگيني عد عيناج تردين تشكيلي تعاي اشكيلي

سمر: هه ضحكت بأستهزاء اشكيلك وانا متعوبة منك ششكيلك خليتني بلا لون باهتة اتركني سلطان ترا التعب والقهر وصل لغمج روحي

انا الخليتني بَلا لون
ششكيلك ؟
انا الكِل ما اصفن تجي ببالي وأغنيلك
عن يَاهي اسولفلك ؟
انا المتعوب منك حَيل ..
شحچيلك ؟

سلطان: نزلت راسي ما زعلت عليها ذاك الزعل بعدها صغيرة ما تعرف الحب شنو انا مجرد نزوة راح تگدر تنساني

دخلت للبيت واسترجعت ذكريات كلام سمر دگ بگلبي من گالت يا ريتك ميت وما ملفيتك أمي اتذكر هذيج الليلة عبالك صارت البارحة

بعد ما طردني عمي من بيتهم بسبب اتهام بنتة ألية طلعت اجر بخيوط الخذلان جنت صغير وتوني صاير عسكري