#الكاتبة_دجلة
#لدنّ
لا تنسون المتابعه والتصويت للبارت❤️🩹
قراءه ممتعه🫶
__________________________
سلطان: هالمرة مرت شهور مو مجرد ايام كل معركة اگول هاي نهايتي كل ليلة قبل لا انام اتشهد هاي اذا جان اكو وقت نام بية خسرنة هواي ابطال مثل كل مرة المساعدات تتأخر تعبنة طاقتنه خلصت اكتشفنة خيانات والواقع الي محد گدر يستوعبة خيانة الضباط وافعالهم الي تكسرنة وتخسرنة ارواح
اليوم وصلنة لنهايتنة بهذا الوقت احنه محبوسين داخل دائرة حكومية ما نگدر حتى نباوع من الشباك بعد تبادل طويل بين الطرفين خلص العتاد ما باقي الا شي قليل
ضلينة نباوع بعيون بعض بكل خيبة كل نظرة بيها وداع مكسورين ماكو اي فرصة نعيش بعد تشاهدنه كلنة ماكو اي شي نسوية بعد الأمدادات ما وصلت وايسنة انها توصل
فجأه الضابط جان صغير بس شجاعتة تعادل عشر زلم بالوقت الي سكن الهدوء بيناتنه وملك الموت يفتر يتنظر نهايتنة تحرك من مكانة وبدا يجمع كل الرصاص العدنة ويحطها بسلاح واحد
سلطان: سيدي لا تتهور
_ ما دام راح اموت ما اموت خاتل وجبااان
سلطان: كلامة دگ بگلبي بلشت ادور وياه على الرصاص الباقي ترس بيها السلاح وقرر يطلع يواجه لوحده
هوه الوحيد الي عنده سلاح يواجه بيه الخيبة واضحة بعيون الشباب ولا واحد منهم تحرك من مكانة استسلمو للموت
طلع وانا وراه رحت حس علية وكالي ارجععع
سلطان: ما تراجعت
صاح بعلو صوته
_هاي اوامر يا عسكري
سلطان: تراجعت بخطوات خفيفة ورجعت بعدها لمكاني
بلش تبادل النار ضرباتة خفيفة مقابل ضرباتهم بس ما استسلم
لما توقف الصوت كلنة گلنة مات انا ما همني نزلت واحس الشباب وراي كلهم نزلو
شجابكم
_احنه رجلنة بالموت سوة
وصلنة شفناه بعده ما ميت طلعنة كلنة برا وضامين رواحنه ورا الحجر والصبات
بهاي الأثناء وصلت الطيارات بدت تقصف مواقع د١١عش
الفرحة الصارت بعيونه ما يوسعها الكون كلنة ركضنة على جهة الأمان
ما فكرنة نترك المكان ونرجع اخذنه عتاد واسلحة ونزلنة عليهم بعد دقائق خلص الأشتباك صفيناهم الطيارات قضت على اكبر عدد منهم
نسينة تعبنة بوقتها فرحة النصر زادت عزيمتنة واصرارنة
اشتغلو الشباب بالهواسات والرمي
صرت بالنص وخليت عيني بعين الضابط رفعت ايدي وگلت
يا تاج الوفه ويا مرضع الطيبات
وياظهر الرجوله بأطهر العتبات
ماظنك يليث عله الخيانة تبات
تنام الدنيه وتغفه وعينك لامتنام
أنت تقرأ
لدن
Cerita Pendekبين الفزع والدماء فتاة تحكي رحلتها الطويلة للنجاة بحياتها من بين ايدي (د١١عش) التي جعلت من الدين غطاء تتستر به تُنهي حياة الإبرياء لتقع تلك اللينة بعدها ضحيه..؟؟؟ بداخلها حرب وظاهرها سلام ملامحها رقيقة وردود فعلها صلبة من ارض الموصل اقدم لكم ...
