لدن

لدنّ_16_

#الكاتبة_دجلة
#لدنّ

لا تنسون المتابعه والتصويت للبارت❤️‍🩹

قراءه ممتعه🫶

__________________________

لدنّ: دخلت لغرفة تمارا جانت كلش ضلمة ماكو حتى بصيص نور صغير اشوف شي منه تسلل ضوه الاستقبال لغرفتها ماكو على سريرها التفتت اشوف الكرسي فارغ حطيت ايدي على كلبي من الخوف وين راحت

شوي ولاحظتها مدده بالگاع ولا حس ولا حركة صرخت بصوت

تمااااراا ركضت عليها ونزلت على ركبي خليت راسها بحظني

تمارا اصحي حبيبتي تمارا اجت امها على الصوت حاولنا نصعدها على الكرسي بهذا الوقت أيهم مو بالبيت

اخذت عباية خالة ام أيهم وطلعت للشارع من الخوف الي بگلبي ما ادري شسوي شافوني الجيرران شلون ابجي وحاطة العباية ركضو علية

_هاا خويه شبيج

الله يخليكم طاحت بالبيت ما تتحرك دخلت انا واحد منهم لگيت خالة أم ايهم تحاول تصحي بتمارا وتبجي

سمعت صوت سيارة ركضت وفتحت باب الكراج حتى يدخلون السيارة طلعو ام ايهم والرجال ويدفعون بكرسي تمارا لونها باهت صاير نفسها ضعيف صعدناها والرجال شخط سيارتة وللمستشفى

وصلنة حولها الدكتور للعمليات بأسرع وقت جانت ماخذة جرعة زايدة من الدوا ولازم يسولها غسيل معدة كلنة فهمنة بهاي اللحظة انو هي حاولت تنتحر

نهد حيلي گعدت على كرسي وايدي ما سيطرت على رجفتها ضليت ادعي يا رب كلشي ولا الموت يا رب احفظها التفتت على خالة أم أيهم شفتها تدعي ودموعها ما نشفت

رحت يمها وحضنتها

_شلون بيها راح تموتني ناقصة عمر ليش تسوي بروحها هيج

حاولت اهديها واني بحاجة شخص يهديني ويطمن گلبي

شوي وشفت أيهم داخل وصل يم امه

أيهم: وينها يمة وينها

_بعدها بالعملية

أيهم: ليش هيج سوت

لدنّ: تحرك من مكانة بسرعة وتقرب مني حجى وهوه معصب عيونه جانت حمر ويييييييين جنتي عنها

حجيت بخوف على ما نظفت رحت الها لغرفتها ولگيتها طايحة

غمض عيونة وضرب الحايط الوراي بقبضة ايدة بهاي الأثناء طلعو تمارا من غرفة العمليات ونقلوها للعناية

أيهم: ركضت على الدكتور وسألتة شلونها

_نزل راسة وگالة لازم تنحط تحت المراقبة لحد ما تستقر حالتها

رحنة كلنة لغرفة العناية منعونا من الدخول بقى أيهم يباوع عليها من الشباك

سمعت صوت خالة أم أيهم گالتلي لا تزعلين منه خايف عليها بس ما تدرين شنو معزتها عنده لو عنده بنية ما يحبها بكثر ما يحب اختة