لدن

لدن _7_

#الكاتبة_دجلة
#لدنّ

لا تنسون المتابعه والتصويت للبارت❤️‍🩹

قراءه ممتعه🫶

__________________________

سلطان : بين النيران والخوف الي تارس عيون الشباب الصغار وأكبر خساراتي صديق عمري انا جبتها كلها خسارات صرت احط روحي بنص الموت وما احس بالخوف اشتدت الأشتباكات فترة اسبوع الماتو مو شوية گدرنة ناخذ منهم اسرى بعد هالفترة من هذا الصراع هدو شوية نخاف نتقرب من جهاتهم عددنه قليل وتعبنة احنه باقيين بمكانة والإمدادات قليلة صرنة وقت الصلاة نتناوب قسم يصلون وقسم باقيين عيونهم مفتحة ومستعدين لأي هجوم جنت من ضمن الي يراقبون وصار الرصاص يمطر علينة همة يصيحون الله واكبر واحنه يا الله تعبت بعد ما اگدر اوگف على رجليني گعدت بزاوية واجر النفس بالگوه بهاي اللحظات تذكرت لدنّ وين صارت
شوية وعيت على نفسي أكيد هسة بأمان يا ربي احفظها بهاي اللحظة نسيت روحي وافكاري متضاربة بين صديقي وشلون راح أبقى بدونة وبين لدنّ مجاي تطلع من راسي نفضت روحي وگلت الله كريم تهون هسة مو وقت هاي الإفكار وگفت على حيلي وگلت يا الله وجهت سلاحي وبديت الرمي بدون توقف فجأة سمعنا واحد يصيح النقيب احمد تصاوب ألتفتت وراي أشوفة غركان بدمة وواحد من الجنود ضاغط على كتفة يحاول يوقف الدم واسمع الثاني يحاول يوصل نداء

بعد ساعات وصلت طيارات إمدادات وطلعونة أحنة الباقيين

طلعنة من الموصل وخذو الجرحى وانا وكم شخص بعد رجعنة لبيوتنة بس رواحنة مكسورة

دخلت لبيتي فارغ شمرت روحي بفراشي ونمت بسرعة گعدت على صوت دگت الباب تعاجزت أگوم

بس ضحكني صوت جارتنة أم سلوم أسميها إمي

ولك سلطان أبو علوان أفتح الباب دهر فرني طاحت رجلية

كمت رحت فتحت الباب

شفتها حاطة صينيتها فوگ راسها دفعتني شو وخر من يمي شبيك ما تفتح الباب

يمة الباب ما بيه دفره دفريه ودخلي البيت بيتج هههههههههههه

تركتني ودخلت وعبايتها ترفرف ودخلت للمطبخ

حطت الصينية وعدلتلي الأكل

أم سلوم: تعال يمة خوش أكل مسويتلك عمت عيني ضعفان وعيونك تعبانة

سلطان :حبيتها براسها حنيتة عليه ماكو منها

بعدها خذت ملابسي وانا بعدني اكل گالت راح اغسلهن وارجع الكاك مخلص اخذ المواعين وعندي حجي وياك لا تنام ابو علوان

وراحت عبايتها ترفرف تضحكني سوالفها

عدها دكان صغيرون تبيع بيه كلشي

وعدها بنات ثنين مؤدبات وخلوقات يدرسن وهي معيشتهن احسن عيشة بكرامة والمنطقة كلها تشهد على تربيتها