#الكاتبة_دجلة
#لدنّ
لا تنسون المتابعه والتصويت للبارت❤️🩹
قراءه ممتعه🫶
__________________________
صعدنه بالسيارة ومديتلة ايدي بيها الفلوس الي انطانياهن ناقص منهن شي قليل
أيهم: شنو هذا
لدنّ: فلوسك
أيهم: ليش رجعتيهن ومنين شتريتي هاي الغراض
لدنّ: اني عندي شوية فلوس دبرت روحي بيهن
أيهم: بس هذن مني تعبج وي تمارا
لدنّ: ما تعبت وياها
أيهم: لا تسوين هيج مو من اولها ترا ورانا مشوار طويل راح نحتاج بعض
لدنّ: خليت الفلوس على التكية وهوه سكت ما حجى شي
سئلتة وين راح نروح
أيهم: اوصلج للبيت وارجع للمستشفى
لدنّ: وديني للمكان الي شفتني بية اول مرة
أيهم : مو اليوم
لدنّ :تعصبت واني جنت گاعده بالكرسي الوراه رفعت رجلي شوية ودفعت الكرسي برفسة خفيفة بس هوه حس بيها
أيهم: غمضت عيوني وبده صبري ينفذ رفعت اصبعي بتهديد وخليت عيني على المراية حتى تعكسلها صورتي وابين
هااااااي اخررر مرة تگعدين بهذا المكان
لدنّ: من الفشلة نكتمت
أيهم: راح اوصلج بس ما انتظر عندج فلوس من تخلصين تندلين طريق البيت
لدنّ: رفعت نفسي وعدلت گعدتي اصلاً مو بحاجتك. اني حجيت هيج لو خلقته نگلبت
أيهم: راح تبقين طول عمرج ما تعرفين تحجين ولا تتصرفين
وصلتها للمكان الي تريدة وتركتها ومشيت حتى ما انتظرت ثواني
لدنّ: اي حقك ما تصدگ تفتك مني نزلت راسي بس ما ألومك اني ما وراي بس المشاكل
تنهدت ورحت تقربت من البيوت والعمارة احوس بالنص ساعة اكو زلم هواي يطلعون ويدخلون ولا واحد منهم سلطان ردت ارجع بس كلت لا اصبر شوية
شفتلي صبة من هاي العاليات وصرت وراها حتى محد يشوفني وعيني بس على هاي العمارة المشبوهة
شوية وما احسلكم بس واحد سحلني من ملابسي حسيت اختنگت گمت ارافس واحاول اصرخ بس صوتي راح جان شاد على ملابسي بقوة وخانگني اخذني واني اشوفه يتقرب من العمارة هاي نهايتي راح اموت شمرني گدام باب وحده من الشقق ودگ الباب
جبار: جاي جاي
لدنّ: طلع واحد لابس بس الجينز وبحلگة جگارة اول ما فتح الباب باوعلي
جبار : شنو هاي صيدة جديدة؟
_ تكلم هذا الماسكني. تراقب المكان وهاي ثاني مرة اشوفها هنا
أنت تقرأ
لدن
Kurzgeschichtenبين الفزع والدماء فتاة تحكي رحلتها الطويلة للنجاة بحياتها من بين ايدي (د١١عش) التي جعلت من الدين غطاء تتستر به تُنهي حياة الإبرياء لتقع تلك اللينة بعدها ضحيه..؟؟؟ بداخلها حرب وظاهرها سلام ملامحها رقيقة وردود فعلها صلبة من ارض الموصل اقدم لكم ...
