حليمة وكناينها الخمسة

# حليمة وكناينها الخمسة
ح 2
رمضان. ياحليمة وينك
حليمة. أنا هنا خيرك يارمضان شن فيه
رمضان. وين محمد
حليمة. في الدار راقد خيره
رمضان. بنرفعه لولد عمي
حليمة. لا مستحيل ترفعه بترفعه للوسخ والمزارع
رمضان. غير وين كنتي أنتي المهم وخيره مستحيل
حليمة. مش من مستواه يمشيلهم ولدي الغالي
رمضان. ياودي أنتي ماينفعش معاك الكلام وبنرفعه غصب عنك
حليمة كانت تعيش في الريف بس الله غالب الناس تتغير وتنسى وين كانت وتشوف بس وين صارت
امشي رمضان لمحمد ونوضه
محمد. شن فيه يابوي
رمضان. نوض امشي معاي
محمد. وين بنمشي
رمضان. لولد عمي بنزوره
محمد. يابوي مانيش ماشي عندهم كساد وملل وبنمشي لأصحابي
رمضان. محمد هذا الكلام مش عندي تلقاني في السيارة وطلع
محمد. وااك وقتها الطلعة هذي وامشي مع بوه
حليمة كانت على نار كيف يمشي محمد معاه.
ووصل رمضان وولده واستقبلوهم
مصطفى. زارتنا البركة يارمضان والله كانه عمي زارنا
رمضان. الله يبارك فيك بوي مش موجود جبتلك ولدي محمد
مصطفى. ههههه والله صار عريس
محمد. كيف حالك ياعمي
مصطفى. الحمدلله يارمضان هذا ولدك يشبه عمي اسم على مسمى
رمضان. هههههههه ايه والله
خشوا وقدمولهم الضيافة
رمضان. وين نوال زمان كانت صغيرة ماشفتها أكيد توا صارت كبيرة وعروسة
مصطفى. ايه كبرت وصارت صبية وأنا سعيد بيها لأنه كبرت من غير أم
رمضان. ايه ماشاء الله هي من وين صغيرة بنت شطورة
مصطفى. ههههه ايه
وطبعا محمد ماكان عجباته المشية مقعمز في جهة وفاتح النت وماكان يسمع فيهم
محمد. من نوال لتتكلموا عليها
رمضان. ياودي امظني تكمل مع تلفونك وهذي بنت مصطفى وخطبتها ليك
مصطفى. ههههه عادي والله تشرفونه
محمد. اشمأز من القصة كيف ياخد بنت من هنا يصير خير ياعمي
رمضان. والله لو توافق حليمة مانلقى أحسن من نوال
محمد. ياعمي نبي الحمام
مصطفى. الحمام الخارجي نديرله في صيانة خش متع الحوش
محمد وين خش يدور في الحمام بالغلط خش في المطبخ والقي نوال محمد تفاجأة وأعجب بيها ومش مصدق
نوال. أنت مني وليش أنت هنا
محمد. أنا ولد رمضان وندور عالحمام
نوال بس هذا مطبخ
محمد. ايه شايف هذا مطبخ بس غلطت فيه
نوال. ايه أمشي للقدامك
ومحمد امشي وفي خاطرة اول نشوف بنت هكي ومتفاجأة تكون بنت بالجمال وهنا معاها تو بنقول لبوي موافق يخطبهلي ومايدورش أمي وقراراتها وأني نبيها ومستعد نعيش حتى هنا المهم طلع للمربوعة
Aml Mohalhel
.
.
.
..يتبع