حليمة وكناينها الخمسة

# حليمة وكناينها الخمسة
الحلقة 3
محمد طلع للمربوعة وكمل معاهم الهدرزة ونسي التلفون وقصته
محمد. يابوي بنجي هنا في عطلة الصيف وبنصيف هنا عجبني الجو هنا
مصطفى. مرحبتين بيك نتشرفوا بيك والله
رمضان. بتصيف هنا وبعدها أمك شن بدير فيك
مصطفى. هههههه ايه مش مصدق إنها هي نفسها بنت عمي حليمة لكانت هنا وتحصد في الزرع وتوا ماتبي حتى تزورنا
رمضان. هههههه الناس مع الوقت تتغير يامصطفى
محمد. معقولة أمي كانت هنا تسكن
رمضان. ايه كانت بس جدك وحناك ماتوا وعاشت مع جدي وحناي
محمد. هههه والله فكرتها إنها كانت عايشة في المدينة من الأول
رمضان. هههه ايه يامحمد تأخر الوقت هيا بنروحوا
مصطفى. لا ماصارت أقعدوا لغدوا
رمضان. بما إنه محمد عجبه الجو تو نجي في نهاية الأسبوع توا بالإذن منكم
مصطفى. أكيد تجي عندنا مش حننساها وياريت تجيب معاك حليمة والأولاد
رمضان. إن شاء الله بس مانضمنلك إنها تجي معانا
وطلعوا وفي الطريق
محمد. بوي عمي مصطفى كم عنده بنت
رمضان. هههه وين شفتهم أنت
محمد. شفت وحدة في المطبخ
رمضان. أنت مشيت للحمام أو تقصقص على بنات الناس عنده 10
محمد. يابوي والله غلطت خشيت في المطبخ
رمضان. شني أمالا البنت عجباتك
محمد. ايه عجبتني
رمضان. شن رأيك نخطبهلك
محمد.  ههههه عادي
ووصلوا للحوش وتلقتهم الست حليمة من الفم والقت محمد مهموم وهي نادت عليه ومارد عليها ومحمد كان كل تفكيره في البنت وكيف حيعرفها من بين إخواتها التسعة
حليمة. تعال يارمضان خيرك شن درت في الولد وخيره مارد عليه
رمضان. هههه هذا يفكر في بنت مصطفى لخطبتهله
حليمة. نعم نعم وأنا مانبي نخطب لولدي منهم
رمضان. ياحليمة الواحد ماينسى وين كان
حليمة. وكان وهذاك زمان بس توا نعيش هنا في المدينة ونحن عيلة متحضرة وغنية وهما حالتهم عادية ومانبي لولدي بنت أهلها فقراء
رمضان. البنت خطبتها وفات ومانكسر كلمتي وأنا خطبت البنت مش حالتهم المادية وبعدين هذا ولد عمي وعمك وانتهى الكلام
حليمة. لا ومستحيل نوافق ولا نمشي نخطبها ولا نمشي لحوشهم ولا نمشي لمنطقتهم بكل
رمضان لو كان تبطلي كلمة مستحيل لأنه بالنهاية توافقي وهذا الكلام كله عالفاضي
حليمة. ماعرفت ترد عليه أنا بنرقد تعبانة بالسلامة
في الصبح التاني
كان محمد نايض بكري ولأول مرة
محمد. كان يتأمل أنا لازم نتغير ومن اليوم ساد سهر ونوم و النوض بكري ونشتغل مع بوي
وقصت على تفكيره أمه
يتبع