حليمة وكناينها الخمسة

#حليمة وكناينها الخمسة
حلقة 19
{كم هم رائعون الوالدين يفعلون المستحيل من أجل اسعادنا ياليتنا نعرف قيمتها ولكن نضعر بيها بعد حين فهم من يعتني بنا وقت الضيق مايعرفوا راحتهم الضيق عليهم ولا علينا ان شاء الله ربي يحفظهم ويرعاهم}
استمرت الحالة هدي سنة ورمضان كل ماينقص يوم وكأنه سنة
آخر يوم في السنة وبعد فترة محمد وعمر سكنوا بعيد عن آهلهم حسب طلب حليمة ماتبيش بحداها كناين
رمضان:حليمة ضمي كل شي وتي دبشك وكان عندك حاجة تبيها خوديها
حليمة:خيره شن فيه والله ماعاد درت مشاكل وبنت مصطفى ماعاد نمشي شورها بكل
رمضان:أنا قلتلك ديري هكي ولمي حتى دبشي
حليمة:مش حنمس شي لعند ماتقولي شن صاير لأنه ليك فترة مش طبيعي
رمضان:من الأخير بعت الحوش عرفتي توا
حليمة:شن درت بالفلوس
رمضان:سكرت بيهم حليمة ديري لقلتلك عليه وأنتي ساكتة أنا مش ناقصة الهم واصل لحده
طلعوا حليمة ورمضان أول مامششوا لبشير
طق رمضان الباب
بشير:شن فيه وين بتسافروا
رمضان:أنا ماعاد عندي حوش نبي تسكن أمك عندك وأنا ندبر راسي
حليمة:والله ماصارت رجلي علي رجلك
بشير:تي من قاللكم بنستقبلكم يوم مشيتلكم مستحق طلعتني برا قلت ماعندي ورتة اطلعوا برا هدا حوشي
طلع رمضان وهو الدمعة عالخد وصلوا لولدهم
طلعوا لولدهم أقاللهم باهي أنا ناخد أمي وأحمد عنده بوي وبعدها بالعكس مع محمد وعمر
وافقوا وعمتك فاطمة قلبت الدنيا جبدت علي
فاطمة:خيرني أنا وين كنتها أسمهان لكانت الكل في الكل
علي:خلي تمشي هاليوم علي خير وغدوا عند عمر أو محمد يعني يوم بعد يوم تحملي وخلاص شن بديري
فاطمة: بنتحمل بس هاليوم بعدها خلاص ماعاد دخلني بيهم
أما عمك رمضان امشي لولده أحمد مادورتش قاعد في المربوعة مش كيف حليمة لسان
في اليوم التاني الصبح حليمة قررت تختبر الكناين لطايحة فيهن كل وحدة
أول ماناضت صبت طاسة ماء عالفراش وقالتلها درتها تحتي سامحيني يابنتي
فاطمة:قعدت تعارك ومرة تضرب قالتلها حتى الصغار ماعاد يعملوا فيها أنتي قاعدة بعقلك
جي علي يجري قاللها شن صار
قالتله:أمك مدايرتها تحتها
حليمة:الدمعة علي خدها
علي:بدأ حتى هوأحرف من مرته بدي يضرب فيها مش منه من مكر مرته ليه
حليمة:ياخسارة ربايتي فيك ياريتني عقمت قبل مانحمل بيك
فاطمة:قبل ماتروحي تغسلي فراشك واغسلي الدنيا
وعمتك فاطمة مافي حاجة تبي غسل إلا ماجابتلها وعمتك حليمة تغسل وتحط
بعد ماكملت علي طلعها برا واتصل بعمر وجي رفعها
Aml Mohalhel
.
.
.
يتبع زعما شن بيصير في عمتك حليمة ورمضان في الحلقات الاخيرة غدا ان شاء الله