حليمة وكناينها الخمسة

#حليمة وكناينها الخمسة
حلقة 7:
نوال:تفضلي ياعمتي نسمع فيك
حليمة:احني اليوم جايين نخطبوا فيك لولدي
نوال:تحشمت ومتفاجأة بنفس الوقت عالنصيب ياعمتي
حليمة:بس أنا مانبيكش ورفضت ولحد الآن رافضاتك جيت غصب عني وأحسن ليك ترفضي لأنه حتشوفي ايام ماعمرك شفتيها
نوال:ياعمتي هدا القرار مش قراري قرار بابا لو ماتبينيش اقنعي بابا هو نفسه توا نستأذنك
حليمة:تنفرزت من كلام نوال وبثقتها بنفسها وقعدت ساكتة لعند روحت
وأما عند رمضان ومصطفى
رمضان:والله يامصطفى أنا جايك بنطلب بنتك المصونة لولدي محمد علي سنة الله ورسوله
مصطفى:وأنا اعطيتكم مانلقاش خير من ولد عمها أحسن ناس
محمد:بس أنا نبي موافقتها هي من بعدك لنتأكد أنها موافقة
مصطفى:ايه أكيد
وكملوا موضوعهم وروحوا عيلة رمضان وصلوا في الحوش
حليمة:البنت شايفة روحها شن عاجبكم فيها أصلا مستحيل توافق لأنه تجكتر هلبا
محمد طلع لدار وهو متنفرز من كلام أمه
رمضان:توا عجبك هكي أهوا الولد مشي حامق توا أنتي شن نوعك من البشر ماتحبش الخير لصغارها الكلام هدا مش وقته بكل
حليمة:تي أنا مانبيهاش تكون كنتي أفهموا ياناس
رمضان:أعطيني سبب مقنع لحتى ترفضيها
حليمة:هدي بتكون بنت أكبر عدوة ليا
رمضان:وليش عدوتك كانت مرأة طيبة والميت ماندكره إلا بالرحمة
حليمة:عندك الحق الدافع عنها كانت حبيبة القلب ياروحي
رمضان:من قالهالك أنه كنت نحبها هذا كان زمان قبل ماتتزوج هي ونتزوج أنا وتوا خلاص تم الموضوع المرأة ميتة شن بتولي من جديد للحياة
حليمة:أنا نعرف كيف نخليها ترفض نحكي كل شي لمصطفى وبعدها يرفض يعطيك بنته
رمضان:مصطفى كان خوي قبل مايكون ولد عمي وأنا حكيتله كل شي وكل لصار قعمزي في مكانك ماعندك ماديري أنا مستحيل نخون خوي يابنت عمي
حليمة:أنت أول مرة تقولي بنت عمي معناها الموضوع وصل لحده مع السلامة بنرقد
وأما عند مصطفى
مصطفى:تعالي يابنتي نبيك
نوال:تفضل يابابا
مصطفى:اكيد عرفتي ليش جي رمضان اليوم وأنا وافقت على خطبتك بس نبي القرار الأول والآخير ليك أنتي فهدي حياتك انتي أنا غدوا أو لبعده ربي يأخد أمانته ونبي نتريح ونتهنى عليك
نوال:يابابا أكيد القرار ليك وأنت ماترضى الشر ليا وبتختار لي الأحسن فالقرار لبتأخده أنا فيه
مصطفى:ربي يخليك يابنتي ويرضى عليك
نوال:ويخليك ليا ويطولنا في عمرك يأحلى اب في الدنيا
أما عند محمد كان طول الوقت يفكر في كلام أمه كيف البنت هي نفسه لغيرت حياته
Aml Mohalhel
.
.
.
يتبع