حليمة وكناينها الخمسة

#حليمة وكناينها الخمسة
حلقة 22:
نوال مشت لرمضان حكتله علي صار مع حليمة ارتفعله الضغط نادت الممرضة قاسوله الضغط القوه راقي هلبا
جاه الدكتور:الحمدلله عالسلامة
رمضان:الله يسلمك
الدكتور:لو ارتفع الضغط شوي تاني ممكن صارلك سكتة قلبية
رمضان:الحمدلله علي نعمة الصحة
قعدت معاه نوال وقاللها ارفعيني لحليمة ورفعاته أما عند محمد مشي لعمر يبي يستفسر منه حكاله على صار معاه هو وعلي قبل الحادت
محمد ماستنتج شي :كيف تسمح لروحك ياعمر تسيب أمك تطلع هكي وأنت قلبك مبرد
عمر:توا هي عند أحمد تلقاها عنده
محمد:ماقالاش علي أنه امه في المستشفى طلع طول لأحمد بعد ماكتشف انه آخر حد كانت عنده أحمد وصل لأحمد
محمد:وين أمي
أحمد:أمي عند عمر
محمد:شن هي لعبة توا كنت عند عمر قالي عند أحمد وين مشيتوا بيها
أحمد:مانعلمش ماجتنيش أنا
محمد:هيا مع السلامة ورجع للمستشفى بدون ماحد يعرف من أولادها
وصل للمستشفى وشاف أمه وبوه ونوال عند حليمة
رمضان:حليمة وينك وين لسانك كنت نتعارك معاك ديما وارجعي
استمرت نوال كل يوم تزور فيها وتحكيلها علي كل لصار من بعدها
وكانت عند حليمة تتخيل انه هي بمكان مظلم والدور علي ضي الدور الدور بعدها شافت باب يجي منه ضي مشت فتحاته حاولت بس مانفتحش حاولت حاولت بعدها انفتح وأول ماتشوف تلقاها نوال والضي مشع بدرجة كبيرة وتنادي عليها وتقوللها هيا تعالي ياعمتي نبوك بيناتنا من جديد هيا محمد وعمي يستنوا فيك
طلعت معاها وين ماكان الضي والقت رمضان ومحمد ومشت معاهم
ناضت حليمة في الحقيقة وأول مانادت باسم نوال
فتحت عيونها القتها راقدة عالكرسي كان واضح عليها التعب والإرهاق قعد حليمة تنادي عليها
حليمة:نوال نوال
نوال:ها شن من ناضت تجري عمتي الحمدلله عالسلامة توا نمشي نقول لمحمد وعمي والدكتور
حليمة:بالله عليك يابنتي سامحيني أنتي لنقدتيني من الموت فأنتي طلعتيني في الظلمة لكنت فيها فقلبك هذا صافي وأنا لمايصلح نشوف في الصح ونمشي للغلط وأنا نادمة على كل شيء نتمنى تسامحيني لو مت كنت نندم توا
نوال:ربي يسامحك ياعمتي
مست نوال تجري خبرتهم وكانت فرحانة بالطير وبعد يومين روحوا بيها في حوش محمد
أول ماروحوا
رمضان:كلم كل أولاده والراجل لخدي منه الحوش والمحامي
وجمعهم كلهم وصلوا كلهم
رمضان:أنا جمعتكم كلكم هنا لتعرفوا شي لا أكتر لأنه أنا ماناخد في رايكم أنا نكتب وصيتي كلها لمحمد ونوال هما للقيتهم في وقت عازتي ماخلونا في الشارع زي الباقي
حليمة:أنا كل دهبي وجميع مانملك كله لنوال هي سبب في رجوعي للحياة
بشير:مستحيل نقبل مايصيرش
رمضان:أنت بدات ماعندكش حق تتكلم هدا لقلته وهما يستاهلوا كل الخير
حليمة:كنت تعرفنا وقت خليتنا في الشارع أو أنت ياعلي والله مادرتها تحتي هدي ماء كله والله أنتوا يأحمد وعمر مانشدتوا عليه وين مشيت ليا فوق من شهرين لمعلوماتكم لو بتشوفوني
رمضان:الراجل هدا قدامكم هو شري مني الحوش وكل فلوسه مشن لبشير لكن للأسف
كل واحد طلع حامق والدنيا ضاقت عليهم وماعاد شافوا شيء بعيونهم#حليمة وكناينها الخمسة
باقي حلقة 22:
كل واحد طلع حامق وكيف هكي صار
بعد بفترة طلعت نوال حامل وحليمة تعامل في نوال غير شن تبي يانوال
جابت ولد وسماته رمضان
بعد مرور 5سنوات
محمد بني حوش بجنبهم وأولاده الأخرين قطعوا علاقتهم بيهم ولاتربطهم أي صلة قرابة وبعدها نوال جابت بنتين توأم سمتهم سالمة وحليمة
وعاشوا في سعادة وهناء
Aml Mohalhel

النـــــــهاية
مهما كان تعامل في الناس بقسوة فاعلم أنك ستلقي أفعالك تنتظرك وبكل رحابة صدر فالناس الطيبة ولنحن ماعاملينهم قيمة هما الأشخاص الأوفياء لن يتركونا بمنتصف الطريق
اعتدر لر فيه أي أخطاء املائية أو صار في الرواية سهو أو جانب ماعطيته حقه
أتمنى الرواية نالت إعجابكم وحسن رضاكم