حليمة وكناينها الخمسة

#حليمة_وكناينها_الخمسة
حلقة 10:
قعمز رمضان:هيا احكي ياحليمة
حليمة:بنقولك خطبة بنت فاطمة ماصارش
رمضان:كيف مش مشيتي خطبتيها
حليمة:حكت كل شي لرمضان والله يارمضان ماعندي لمن نشكي همي بكري عمر يحكيلي وأنا ماكنت معاه بكل
رمضان:ياحليمة مش مرة تانية تعرفي الناس هدوم مظاهر بس وكم من مرة قلتلك احسبي الناس زي بعضها لكن أنتي ماشية لفي دماغك تستاهلي ليجيك مش مرة تانية تراعي شعور الناس بالله عليك شن منظرك توا كيف سيباتك بعد ماكنتي هي وبس توا نقعيها واشربي ميتها ياحليمة يأيامك السودة
حليمة:ماعاد تزيدها عليه توا انا لفيا مكفيني ماتزيدش عليه أكتر
رمضان:يوم ارفعتك لمصطفي قتلك غيري بس والله باهي لاجبرتك تلبسي نفس الشي مش حتى شفتي الناس علي حقيقتهم وتوا تصبحي علي خير ياحليمة
عمك رمضان رقد وهو في سابع حلم وعمتك حليمة طول الليل تبكي وتندم علي ايامها هي وفاطمة مشوا زي شراب الماء
وبعد مر اسبوع جي وقت الفضانية
رمضان:هيا شني عزمتوا علي الناس كلهم
عمر:مازال جارنا لكانت أمي تمشيلها
رمضان:هه قصدك عمتك فاطمة خليها في سرك معناها كملوا
امشي رمضان للحوش كانت حليمة هي وكناينها
رمضان:شن ياحليمة بلكي عندك كلام قبل مانمشوا
حليمة:لا ماعندي شي سلامتكم توصلوا عالسلامة
رمضان:مستغرب من تغير حليمة تغير جدري باهي مع السلامة
وصلوا لعيلة مصطفى واستقبلوهم وحددوا العرس بعد شهرين واعطوا المهر وانه البيان التلبيسة بعد اسبوعين وكملوا وروحوا
حليمة:بعد ماوصلوا طلعتلهم مبارك يامحمد عقبال مانفرح بيكم أنتم الاتنين
محمد:الله يبارك فيك ويديمك فوق راسنا
عمر:أنا مازال
حليمة:مازال لأمتى تراجي فيا لعند مانموت توا بنعرسك أنت ومحمد تجي بعد شهر شهرين مالياش دخل وبعد مانعرسكم لبديره دير
عمر:ربي يطول في عمرك لبديره باهي انا فيه بس كيف عرس من غير عروس يأمي كيف تجي
حليمة:عروس جاية نختارلك زينة البنات ونقهر بيها الحساد
رمضان:ان شاء الله غير ماتجيش زيك بس
حليمة:😠 خيرني انا من زيي ياحنة
رمضان:لا ماقلت شي انا اختاري لتبيه
حليمة:هدا شي طبيعي
رمضان:غير ان شاء الله ماتطلعش زي الأولى بس
حليمة:والله مانخليك تضحك عليه يارمضان..لا لا أكيد بنختارها من عيلة كويسة وراقية هكي شوي وووو
رمضان:إدا كان هدا كلامك لبديريه باهي
عمر:امالا انا نستأدن بنرقد تعبت
محمد:حتى أنا تصبحوا على خير
حليمة:ياكبدي علي اولاد مالقيت فيهم الخير توا بنلقاه بعد مايتزوجوا..
Aml Mohalhel
.
.
.
يتبع