حليمة وكناينها الخمسة

#حليمة_وكناينها_الخمسة
حلقة 11:
حليمة:ياكبدي مالقيت الخير في أولادي توا بنلقاه بعد مايتزجوا مادافعوا عليه حتى بكلمة
رمضان:مش تعرفي ياحليمة الناس الأولى تقول كلام الزين يتخد بالدين ياحليمة خلي لسانك مايقول كان الكلام الباهي
حليمة:بالله عليك يارمضان توا بنسكته لساني بعد شن
رمضان:امالا توا تحملي مايجيك هيا سلامتك
حليمة:ياناري عليك ياحليمة يأيامك ياحليمة غير شن درت في عمري لحتى صار معاي هكي لاعاد لقيت راجل لا ولد كلهم سيبوني توا خليني بنرقد ليا من يوم كلام فاطمة لاعاد نومي نوم ولانهاري نهار
وفي اليوم التالي
ناضت حليمة جهزت الفطور ونادت علي رمضان والأولاد
حليمة:البيان بعد أسبوعين شن يعني هي بتشري أو أنتم بتعطوها فلوس أو شني
رمضان:شن صار ياحليمة أنتي كنتي ماتبيش حتى اسمها
حليمة:أنا ندير فيه هدا كله علي خاطر ولدي مش علي خاطرها هي نعتبره خاطب بنت تانية ونكسيله
محمد:لو بتطلعي بتشريلها عادي كمهدا نعطوها فلوس وتشري هي
حليمة:خلاص غدوا نطلع أنا وياك
عمر:خش عليهم صباح الخير عالجميع
حليمة:صباح النور تعال درتلك دحي عيون لتحبه
عمر:ايه جي في وقته طول الفترة ندكر فيك يأمي بالعيون
حليمة:ياريت هالحاجة الباهية لمدكرني بيها
عمر:تي باهي يأمي مع العمل الشاق هدا ومدكرك حتى بالدحي
حليمة:عارفاتك من يوم يومك اهم حاجة بطنك
عمر:سعادة البطن أولا تم سعادة الناس مش هكي صح يأمي
حليمة:ايه هدا الصح عاد كيف
محمد:هيا مع السلامة طالع للخدمة مع السلامة
عمر:توا أمي معقولة هدا محمد لنعرفه الأول لكان مايحبش يخدم وباير وكان طلعته كلها مع اصحابه وتبزعيق فلوس عالفاضي
حليمة:هدا ياحنة بوك رفعه لحوش مصطفى أبصر شن موكلينه شكله سحر
رمضان:ياريته سحر كل حبيب بدي يخدم وبيكون حوش وعيلة
حليمة:وهدا كله وخطب بنته ياولدي كان نقولك قلتلهم مستحيل تخطبوها لكن شي
عمر:خيره يامي العيلة شكلها كويسة وانتي اكيد تعرفيهم أكتر مني في الأخير عيلة ولد عمك
حليمة:ياريته عمي العيون ولا عيلة عمي
عمر:يأمي عيلة عمك لو عندك معاهم عداوة انسيها في الآخير هذا ولدك ولصار مع محمد مستحيل يتصدق كيف تغير هكي للأحسن ولو كان بسبب البنت فهي وجه خير للعيلة
حليمة:والله باينته وجه فقر زي أمها ياحسرة عليك ياوليدي في من طحت بس
وطبعا لأنه رمضان طلع كمهدا حليمة مش واخدة راحتها في الكلام عليهم
عمر:ياودي يأمي انتي ماينفع معاك الكلام كلامك قاعد هو نفسه مع السلامة .
Aml Mohalhel
.
.
.
يتبع