حليمة وكناينها الخمسة

#حليمة وكناينها الخمسة
حلقة 17:
في اليوم التالي هو كان يوم المحضر
عمتك حليمة توتي في الفطور لعمك رمضان العيلة كملت مازال كان الشيباني
بعد الفطور طلعت لعند ملاك وأما نوال فايتتها بالطويل ماعطتهاش أهمية
دقت عالباب فتحتلها ملاك
حليمة:صبحية مباركة
ملاك:الله يبارك فيك تفضلي
حليمة: الله يزيد فضلك
خشت هدرزت معاها
حليمة:بعدين بندير محضر مش تكلمي اهلك وطلعت
نزلت حليمة من الدروج لقت محمد راقي
محمد:كيف حالك يأمي
حليمة:اهلين كيف حالك ونزلت تجري
لما خش محمد للحوش
محمد:نوال وينك
نوال:نعم
محمد:أمي جاتك هنا
نوال :لا أنت وين شفتها كانت عالباب هي
محمد:لا القيتها في نهاية الدروج
نوال:مش عارفة مافي حد جاني هنا
محمد:اها تمام أنا نازل لبوي
في العشية وصلوا الناس وأهل ملاك ونزلت العروس سألوا عن الكنة التانية وين
حليمة:مانعلمش بيها
وهي جاية معاهم عمتك سالمة
سالمة:كيف ماتعلميش بيها أنتي امشيتيلها اليوم
حليمة:لا
سالمة:باهي قلتيلها انه بديري محضر
حليمة:لا
سالمة:ربي يهديك ياحليمة. سيبتها ومشت لحوش نوال
سالمة:نوال افتحي أنا عمتك سالمة
ن
فتحت نوال وعلى طول انهارت بكاء
سالمة:العفو خيرك يابنتي
نوال:في اللحظة هدي فقدت أمي وحسيته انه هي لتنادي عليه جيتك ليا غالية بغلاوة أمي
سالمة:وأنا اعتبريني أمك  اشكيلي شن صار خيرك مانزلتيش وين اهلك الباقي
نوال:أنا ماحد خبرني عالنزول يعني بننزل بروحي
سالمة: خلاص أمشي البسي وأنا النزلك معاي
نوال:فرحت مسحت دموعها ومشت
سالمة:سبحان الله قاعدة ماتغيرت من وين هي صغيرة نفس حركاتها الطفولية
لبست نوال وطلعت لسالمة
سالمة:خيرك مادرتي شي علي وجهك
نوال:مانعرفش ندير
سالمة:اه ياحليمة علي كترة فلوسك ماقدرتيش تجيبي مزينة هاتي نديرلك لكن راهوا مكياج عزايز
نوال:عادي ديري غير ديريه خفيف عالماشي وخلاص
كملت سالمة المكياج ونزلتها تغني عليها وتزغرت وصلتها للصالة وعمتك حليمة مش عاجبها الجو ونوال من عملة حتى هي كملتها يعني بلقطة حليمة معتبرتها ولا كأنها من العيلة اساسا
وبعد بيطلعوا جت سالمة لحليمة
سالمة:ايه ياحليمة كيف ماكسرتي قلب البنت اليوم الدنيا دوارة وتشوفي شن بيصيرلك ياحليمة وتي روحك الظلم يرجع لصاحبه وقولي سالمة ماقالتهاش توا سليمتك
حليمة:أنا ماظلمت حد وعارفة انه فيه محضر لو كان بتنزل
سالمة:حبيبك اليوم يوم اطيحي يشمت فيك ويفوت عنك وخلي هالكلام حلقة في أدنك ويجيك يوم ونحضرك
Aml Mohalhel
.
.
.
يتبع