حليمة وكناينها الخمسة

#حليمة وكناينها الخمسة
حلقة 6:
محمد:هههههه خيرك مع أمي يابوي حرام عليك
حليمة:مش تشوف ياولدي ماسد ضميت الحوش وطحت من رواه توا هازي عليه 😭
رمضان:انا عاجنك وخابزك وعارف كل شي فيك والدموع التماسيح هدوم مايمشوش معاي
اسمهان:الحمدلله عالسلامة ياعمتي شن صايرلك
حليمة:تعالي يأسمهان يابنيتي ماتفهميني إلا أنتي كلهم باعوني
اسمهان:خليني النادي علي حنان وفاطمة مايعلموش
حليمة:باهي غير تعالي ارفعيني لداري وبعدها كلمي لتبيه
أسمهان:انا عارفة تحتك فلوس وذهب وفي الاخير يرجعلنا واكيد أنا كمهدا ماجيتك ولاتخطيت عتبة حوشك
حليمة:شن قلتي ماسمعتكش
أسمهان:لا ماقلت شي كنت ندعيلك ربي يطولنا في عمرك
رفعتها للدار وجن باهي كناينها يلون في شواربهن وروحون
في الصباح اليوم التالي:
رمضان:اليوم بعد الغداء بنطلعوا ياحليمة
حليمة:وين بنطلعوا
رمضان:وين يعني كيف ماقلتلك أمس
حليمة:أنت بتخطب لمحمد لتبيها وأنا بنخطب لعمر لنبيها
رمضان:لو قبل عمر باختيارك خودي
حليمة:أكيد هذا سلم ولدي لياخد في كلامي
وبعد الغداء
رمضان:حليمة هيا عطلنا وقت
حليمة:غير كيف بنتحمل مصطفى وبنته الهم الأحرف هيا هيا جيت
رمضان:حليمة وين ماشية أنتي
حليمة:ماشية معاكم
رمضان:توا امشي غيريهم تقول كان داستهم من العصر الحجري
حليمة:هدا مستواهم الناس لماشيتلهم مش من مقاهم نلبسلهم الدبش الباهي للناس الباهية
رمضان:لتبيه توا يمشي لكن ياحليمة تو ندسهلك في يوم ماتنسيه امشي قدامي
وصلوا للريف وحليمة تفكر كيف ترجع تخش للحوش وجرح قديم يرجع ينفتح والماضي بينعاد من جديد
خشت رمضان وحليمة ومحمد
مصطفى:مرحبتين مرحبتين بولد العم بالله عليك يارمضان ماتقوليش هدي هي نفسها حليمة
رمضان:والله هي نفسها بشحمها ولحمها
حليمة:شافت لرمضان شبحة مات في مكانه كيف حالك يامصطفى
مصطفى:الحمدلله ياحليمة تفضلي تفضلي نوال داخل تعالي يانوال سلمي علي مرت عمك
نوال:اهلين كيف حالك ياعمتي
حليمة:تلوي في شواربها الحمدلله كيف حالك أنتي
نوال:الحمدلله تفضلي
حليمة:خشت للحوش وتشوف لكل زاوية في الحوش تعرفي يانوال كل زاوية في الحوش ادكرني بزمان
نوال:لو دكريات حلوة كويس
حليمة:فيه من حلوة وفيه مرة ومظلمة كظلام الليل وأنا الصراحة رافضة وكل الرفض اني نجي هنا
نوال:تفضلي ياعمتي هدي الصالة توا النادي علي نساوين خوتي يسلموا عليك
حليمة:قبل ماتكلميهم نبيك في موضوع
نوال:تفضلي نسمع فيك
Aml Mohalhel
.
.
.
يتبع ياترى شن بتقوللها ......