حليمة وكناينها الخمسة

#حليمة_وكناينها_الخمسة
حلقة 9:
في اليوم التالي قامت التحضيرات لاستقبال عمر
حليمة فرحانة بالطير بجية ولدها واتصلت بعمتك فاطمة
حليمة:كيف حالك يافاطمة
فاطمة:من أنتي ماعرفتكش
حليمة:أنا حليمة معقولة ماعرفتينيش
فاطمة:هدي أنتي حليمة
حليمة:بنقولك اليوم ولدي مروح من برا مش تجي عازمتك مدايرة عشاء
فاطمة:ان شاء الله تو نجي
حليمة:امالا توا مع السلامة
صفاء:وين أمي بتمشي
فاطمة:هدي حليمة عازمتني علي ولدها
صفاء:مش قلتي ماعاد نعرفها ولاتعرفني
فاطمة:أكيد وانا من قالك بنمشيلها تراجي تراجي وأنا قاعدة هنا
وبعد مرور ساعة وصل عمر واستقبلوه واستقبلاته حليمة بالبكاء وحالة دارت
حليمة:الحمدلله عالسلامة ياعمر
عمر:الله يسلمك كيف حالك تي غير وقفي بكاء والله كأنه مروح من حرب
حليمة:والله ياوليدي خيرك رحت هكي ضعفت ورحت أسمر
عمر:أنتي تعرفي يأمي كل شي بالوقت مانلحق علي شي
حليمة:توا نعرف كيف نخليك وترجع عمر الأول مليان وابيض تللش
عمر:باهي ديري لتبيه وهدا الكلام مش وقته بعدين نقعمزو واحكيلي كل لتبيه
حليمة:باهي باهي
وكمل اليوم وحليمة مستغربة كيف فاطمة قاعدة ماجتش فاتصلت بيها
حليمة:ايوا يافاطمة انا حليمة أكيد عرفتيني
فاطمة:والله عرفتك وماعرفتك
حليمة:كيف الكلام هدا تقوليه انا صاحبتك حليمة
فاطمة:أنا نصاحب كان الناس لفي مستواي أما انتي أخرتك تجي في دبش من العصر الاول وين انا لانعرفك ولاتعرفيني وبنتي نخطبت لولد ناس وحالتهم فوق الريح ووين جت تخطب كانت لابسة من افخر الملابس من تركيا والذهب مالي ايديها ورقبتها
حليمة:هذا كلامك يافاطمة في الآخير تبعيني علي خاطر وسخ الدنيا
فاطمة:والله كيف ماتفهميها افهمي وأنا كنت النادي عليك معتبراتك شبه خدامة تساعدني انت في الآخير يعني وين كنتي عايشة في الريف ومتعوده عليه الكلام هدا مع السلامة ونتمناك ماعاد تتصلي وتنسيه الرقم هدا وسكرت عليها الخط
حليمة:هدي آخرتك ياحليمة وحدة كيف فاطمة تضحك عليك أخ عليا أخ كيف بنقول لرمضان فاطمة لعاطيتها قيمة ترفض ولدي وحتى أنا فاتتني حي عليك ياحليمة سترك ربي لماكلمتي الولد وقلتيله خطبتلك بنت كمهدا ليلتي سودة
كملوا روحوا الناس وخش عمر وقعد يحكي لأمه كل صار معاه من وين مشي لعند ماروح وحليمة كانت متحسرة علي صار معاها وكانه حد عاطيها كف
وبعد ماناض عمر وطلع بيرقد خش رمضان
حليمة:تعال يارمضان تعال ماعندي لمن نشكي
قعمز رمضان:هيا شن احكي ياحليمة
Aml Mohalhel
.
.
.
يتبع......