حليمة وكناينها الخمسة

#حليمة_وكناينها_الخمسة
حلقة12:
مر اليوم عادي مافيه أحدات جديدة
في الصباح اليوم التالي
حليمة ناضت الصبح
رمضان:وين ياحليمة علي خير
حليمة:طالعة مع محمد وين طالعة هيا مع السلامة نمشي النوض محمد تأخرنا
رمضان:التغير ربي يجعله خير مع السلامة
حليمة:طقت الباب علي محمد محمد يامحمد وينك هيا وقت
محمد:شوية وطالع استنيني برا
وطلعوا حليمة ومحمد وصلوا للمحلات
حليمة:توا خلينا نأخدوا الحاجات المهمة قبل وبعدها لو قعد الزايد حتى غدوا
محمد:باهي خلاص توا وين بنبدوا
حليمة:خلينا نخشوا لمحل الدهب ونشروا الدبلة وتابعها
خشت حليمة للمحل
حليمة:عفوا ياخ اعطيني الدبل والأطقم
واختارت وطلعت
محمد:شن مازال توا
حليمة:وين احني كيف قلنا باسم الله قاعدين ماشرينا شي توا بنلفوا علي محلات الملابس وبعدها العطور وكملنا
محمد:بس هدا ساهلة نكملوا بسرعة هيا
لفت عمتك حليمة عالمحلات بالكامل واشترت حاجاتها وصلت عند محل
حليمة:مركز معاي يامحمد اني شفت المحل من قبل
محمد:لو نقولك تنصدمي هدا اول محل خشيناله عاودنا من جديد
حليمة:ايه صح هدا هما المحلات بس تعرف مازال أنا شفت فستان في محل بنمشي بنشريه وخلاص
محمد:خليه غدوا انا تعبت من بكري واقف ونمشي قصدي نجري وراك
حليمة:شن تعبت هدي مازال شوية بس القفطان في المحل وحافظاته وأما اكبر انت أو أنا لأنت اتعبت من توا
محمد:باهي باهي هيا نمشوا نشوفوه
مشت عمتك حليمة بدل من محل لفت عليهم كلهم كل محل تخشله تلقاه مش هو المحل لعند ماوقفت في محل
حليمة:هو وآخيرا القيتك
صاحب المحل:تفضلي ياحاجة الدوري في حاجة
حليمة:لا بس فيه فستان القيته عندكم رجعت بناخده
صاحب المحل:تفضلي
محمد:جبد كرسي وقعمز خلاص وينه يامي القيتيه
حليمة:استنى اندور فيه بس تعرف هو القيته بس ماعجبنيش نبي نشوف محل تاني
محمد:مازال فيها محل تاني هو باهي هيا بس آخر محل ماتلقيش خليها غدوا يجيبك عمر
حليمة:خلاص خلاص آخر محل
وخشت حليمة للمحل واختارت كدا قفطان وخشت تقيس فيه ومحمد يستنى الأول ضيق والتاني طويل هلبا والتالت شين مش حلو طلعت عمتك حليمة
محمد:شن صار اخترتي واحد
حليمة:لا ماصارليش ماعجبونيش
محمد:أمي أنتي العروس أو نوال اختاري لي يجي قدامك وإلا بنسيبك في المحل وبنطلع
عمتك حليمة من الخوف خدت لقدامها وطلعت ووروحت
وصلوا للحوش
حليمة:واااااك عييت رجليا كله من هالمنحوسة رجليا اااااااه
رمضان:شن صار معاكم
Aml Mohalhel
.
.
.
يتبع ...........................