حليمة وكناينها الخمسة

#حليمة وكناينها الخمسة
حلقة 20:
جي عمر ورفع امه للحوش وأول مالاقتهم الست ملاك
ملاك:وين جاية ياحليمة
عمر:شن وين جاية هذا حوشي وتجي فيه امتى ماتبي
ملاك:ياروحي لو هذا حوشك فاختار يأنا ياهي وإذا اخترت أمك انا ارفعني لأهلي ومشت للدار
عمر:تي كيف تتكلمي هكي
حليمة:ياولدي مانبيش نخربلك حوشك بايديه في الأخير هدي بتكون مرتك
عمر:تي كيف يأمي هذا حوشك التاني
حليمة:هذا حوشي التاني ونجيك في الفرح انا كلملي خوك احمد يجي يرفعني من هنا ماعاد نقدر نتحمل كلمت ولدها احمد وطلعت معاه امشت للحوش خشت علي اساس رحبت بيها
بعدها اشرت لاحمد للمطبخ
حنان:وين معقولة امس بوك واليوم امك
أحمد:شدي بيها اليوم وغدوا نديرلها حل وبوي نقول عليه محمد يقعد عنده اليوم
حنان:ان شاء الله غير مش غدوا عندي دبر راسك انا من غدوا عند آهلي مش حنروح لعند مادير حد لبوك وامك ترفعهم لدار العجزة ترميهم في الشارع دير لتبيه المهم عندي لا
سمعتهم حليمة وبدت تبكي والدمعة علي خدها وطلعت من الحوش
سمعوا تسكير الباب طلع احمد القي أمه ماهناش طلع في الشارع القاها تمشي امشالها يجري
أحمد:امي وين ماشية
حليمة:بنمشي وين ماترفعني الطريق
احمد:شن الكلام هذا لتقولي فيه يأمي شن بيقولوا عليه الناس
حليمة:لو تهتموا بكلام الناس مش هكي درتوا العار أنتم مفروض اول مابعنا الحوش درتولنا حل في الآخير احني آهلكم احني لربيناكم وكبرناكم شن وصلكم هكي لو ماكنا موجودين معاكم لكن توا ياندم
أحمد:يبكي بالله عليك يأمي سامحيني هذا الشي مش بيدي
حليمة:الله يسامحك بس لما يحيطوا بيك مش بنات ناس هذا لبيصيرلك
أحمد:مقعمز علي ركابه ويبكي من غدوا نمشي نجيب بوي وتسكنوا عندي
حليمة:شن الفايدة توا بعد خلاص توا امشي لمرتك سلامتك ياولدي ياولد بطني سلامتك ومشت تباعدت عن أحمد هلبا وكانت تبكي وين بتمشي بعد مااولادها سيبوها في الشارع وفجأة ضربتها سيارة اغمى عليها

Aml Mohalhel
.
.
.
يتبع