حليمة وكناينها الخمسة

#حليمة وكناينها الخمسة
حلقة 4
قصت على تفكيره أمه
حليمة. محمد غريبة نايض أبصر شن صاير
محمد. اليوم بننزل ندور خدمة مع بوي
حليمة. وشن السبب قبل نوم ورقاد
محمد. ماهو يأمي نبي بنت عجبتني ونبي نخطبها
حليمة فرحت وتحسابه إنه بنت من منطقتهم مافكرت إنه هي نوال نفسها باهي يامحمد وينها ومن أهلها وأمتى شفتها
محمد. ههههه يأمي بشوي عليه أنا لحد الان مانعرف اسمها لأنه عندها تسع خوات
حليمة. وكيف عرفت انه عندها تسع خوات
محمد. شفتها أمس بنت عمي مصطفى
حليمة. قصدك حتى انت تبيها البنت
محمد. ايه وأنتي شن عرفك
حليمة. قبل بتحكيله إنها بنت وحدة بس استغلت الفرصة وإنه مايعرفها ومع الأيام بينساها لا مانعلمش بس سألت لانه لبنات نعرفهن ويشبهن بعض بدرجة بنت ماتعرفيها من التانية
محمد. حتى لو كان أكيد لما نشوفها نعرفها لأنها حسيتها مميزة وفيها غمازات بوجها نعرفها بيهن
حليمة. وأنت وين شفتها
محمد. هههه تعشت معانا
حليمة. شني تعشت معاكم وكيف وين ماتعشت مع نساوين خوتها
محمد. من هنا استغرب ليش ماقالت مع خواتها أمي شن البنت ماعندها خوات
حليمة. عرفت انها نفضحت ايها ماعندها والبنت مانبيها تكون كنتي وبعدين من قالك إنه عندها تسع خوات
محمد. بوي قالي هكي بس ليش ماتبيها البنت كويسة
حليمة. أنا وأمها كنا أعداء ومانحبوا بعض كيف تبيني نقبل ببنتها وسادك كلام نوض أفطر واندب على أيامك
محمد. عارفك تغيري الدوة باهي نايض
نوض محمد فطر وطلع وكان كل تفكيره هي بنت مصطفى وآخده عقله وكمل نهاره وكأي يوم وروح المغرب للحوش والقي بوه وأمه طالعة
محمد. أهلين بوي وين أمي
رمضان أمك طالعة وأسمهان جابت العشاء جيبه وخلينا ندردشوا جميع
محمد. باهي تو نجيبه وعندي معاك حساب
رمضان. هههه وخلوا من بيحاسب التاني
محمد جاب لعشاء وتعشوا
محمد. بوي ليش قلتلي إنه عمي مصطفى عنده عشر بنات وهي عنده بنت بس
رمضان. من قالك إنه عنده بنت
محمد  أمي بس حتى هي في الأول قالتلي عنده عشرة بس فهمت من كلامها إنها بنت بس وبعدين ليش كدبت عليه
رمضان. ههههه ياولدي عارف إنه هكي بيصير بس نبيك تتشوق ونستنى من هي البنت وكيف بتعرفها بين تسع خوات
محمد. يعني هدا هي نوال لكنتوا تتكلموا عليها مع عمي
رمضان. ايه البنت عجباتك وتبيها واللا
محمد. أكيد بس مش توا بعد مانكمل الحوش وندور خدمة
رمضان يقدم لفيه الخير أنا تعبان بنرقد تصبح على خير
Aml Mohalhel
.
.
.
يتبع ....