"ငါတို့ အတန်းခေါင်းဆောင် ရွေးမှာလေ! မင်းဘယ်သူ့ကို ရွေးမှာလဲ ဂျွန်ဂယူ !"
"ငါလား? သေချာပေါက် ဂျယ်ဟော့ကို ရွေးမှာပေါ့..."
ဂျွန်ဂယူ အဖြေကြောင့် ယဲဒမ် က နှာခေါင်းရှုံ့သွားကာ ဂျွန်ဂယူမကြားနိုင်သော ပွစိ ပွစိ စကားကိုဆိုသေးသည်။
ဂျွန်ဂယူ သူ့ကို ထိုသို့သော အမူအရာ လုပ်ပြနေသဖြင့် နှုတ်ခမ်းလုံးလုံးကိုစုချွန်ကာ...
"ဘာလဲ ဘာဖြစ်လို့လဲ?"
"မင်းကတော့လေ..! ရုပ်လေးချစ်စရာကောင်းသလောက် မှန်ကန်တာကို မတွေးတတ်ဘူးပဲ! အမြဲ ခေါင်းထဲမှာ ဂျယ်ဟော့တစ်ယောက်ထဲရှိတာလားမင်းက !!"
"ဒါပေါ့ !ယွန်းဂျယ်ဟော့က ရုပ်လဲချောတယ်...စာလဲတော်တယ်...အနေလဲအေးတယ်...အိုး...
အားလုံး အားလုံး ပြီးပြည့်စုံလွန်းလို့ ..သူသာ အတန်းခေါင်းဆောင် ဖြစ်ရင် ဘယ်လောက်ကောင်းလိုက်မလဲ?"
"ဒီမှာ အတန်းခေါင်းဆောင်ဆိုတာ ရုပ်ချောတာ
အနေအေးတာနဲ့မဆိုင်ဘူးကွ...ဒီတစ်တန်းလုံးကို မှန်မှန်ကန်ကန် အုပ်ချုပ်နိုင်ရမယ်...အနစ်နာခံရမယ်...ဦးစီးဦးဆောင်ရှိရမယ်...အဲ့ဒါကြောင့် မို့ ငါတို့ အကုန်လုံးကတော့ ပတ်ဂျီဟွန်းကိုပဲ မဲ ထည့်မှာ !"
ပတ်ဂျီဟွန်းနာမည်ကြားတာနှင့် ဂျွန်ဂယူက မျက်မှောင်ကိုကြုတ်ကာ နှုတ်ခမ်းကိုဆူထားလိုက်သော ကြောင့် လူသား အန်းဂရီဘက် ကလေးလိုပင်...
"လာပြန်ပြီ ပတ်ဂျီဟွန်း ! ဒီမှာ မင်းပြောတဲ့ အချက်တွေကို ဂျယ်ဟော့လဲ လုပ်နိုင်ပါတယ်နော် !! ဂျယ်ဟော့လဲ ဦးစီးဦးဆောင်ရှိပါတယ်..
အနစ်နာခံပါတယ်..ပတ်ဂျီဟွန်းပဲလုပ်တတ်တာမဟုတ်ဘူး.."
"ဒါပေမယ့် ဂျယ်ဟော့က တစ်ခါမှ အတန်းခေါင်းဆောင်မလုပ်ဖူးဘူးလေ..ဂျီဟွန်းနီးက အရင်နှစ်တွေကတည်းက အတန်းခေါင်းဆောင်လုပ်လာတာ.."
"ဒါဆို ချွဲဟျွန်းဆော့ကိုပဲ မဲထည့်ကြပါလား? မနှစ်က ချွဲဟျွန်းဆော့ လဲ အတန်းခေါင်းဆောင် မဟုတ်ဘူးလား?"
ပတ်ဂျီဟွန်း အတန်းခေါင်းဆောင်မဖြစ်ဖို့အရေး ဂျွန်ဂယူက တော့ ရသလောက် နှုတ်လှန်ထိုးမည့် သဘောမှာရှိနေသည်။ အခုထိ လဲ တစ်ပြားမှ မလျှော့...
