The Sun in Her Eyes

18: Glowing Incandescent

Walang ideya si Harika na mananatili siya sa mansyon ng mga Ishida hanggang sa dumating ang araw ng death anniversary ng ama ni Waki na si Joseph Ishida—na malapit na kaibigan ng kanyang Lolo Dad.

Nagising siya, lumabas ng guest room at naririnig niyang abala ang mga tao sa buong mansyon na tila ba may malaking selebrasyon ang mangyayari upang gunitain ang araw na iyon. Nalaman na lang niya ang okasyon nang sabihin ng isa sa mga helper ang tungkol sa paghahandang ginagawa ng mga ito.

Waki and Melanie were busy. Harika also heard that Waki's brother Jed was traveling from Fawnbrook to their home to commemorate their father's anniversary of death. Naghahanda ang mga ito at natitiyak niyang maraming magiging bisita siyang makakasalamuha mayamaya lamang. She wasn't expecting such a hectic day. Buong akala ni Harika ay panibago at normal na araw lang iyon para sa kanya.

"You're awake... tamang-tama at aalis ako upang mag-grocery to buy some stuff. Gusto mo bang sumama?" Lumapit sa kanya si Waki at marahang ginagap ang kamay niya. Hindi niya maiwasang mapangiti nang salubungin nito.

She softly laugh. "Mahihirapan kang makapamili kung isasama mo pa ako. Imbes na naka-focus ka lang sa listahan ng mga bibilhin mo, tiyak na aalalahanin at babatayan mo pa ako. It would be best if you go alone. Okay lang ako rito," tanggi niya.

"Palagi mo na lang iniisip na mahihirapan ang isang tao kapag kasama ka. It's not what you think or doubt. Isasama kita dahil gusto ko, hindi dahil gusto kong mahirapan kasama ka," paliwanag nito sa kanya dahil nag-iisip na naman siya ng kung anu-ano. "Eat your breakfast first. Sasabihan ko ang isa sa mga helper na asikasuhin ka, ayusan ka at mamili ng dress na isusuot mo. Hihintayin kita sa front lawn at ire-ready ko na ang kotse."

Humigpit ang kapit ni Harika sa kamay nito saka tipid na ngumiti. "Okay. I'm going with you," aniya na tila excited.

Gaya ng sinabi ni Waki ay nag-almusal na muna siya. Kasabay sana niyang kumain si Melanie ngunit may tumawag sa telepono nito na kailangang sagutin, kaya naman ay mag-isa na lang siyang kumain.

Pagkatapos ay nagtungo siyang muli sa guest room, naligo at nag-ayos kasama ang isang helper na aasikaso sa kanya.

"Ma'am Harika, gusto n'yo bang mababang pusod ang gawin ko sa buhok ninyo?" anang matandang helper na sinusuklay ang tuwid na tuwid niyang buhok. Nakasuot na siya ng puting bestida na pinili niya nang papiliin siya nito.

"Sige po, manang."

Nakaharap siya sa malaking salamin na may mga ilaw at nakasalansan ang mga make up sa vanity table sa harapan niya. Sinusubukan siyang pagandahin ng helper na kasama niya. Ang kagandahan pa kay Harika kapag inaayusan, hindi na niya kailangan ng makapal na make up o matingkad na lipstick sa mga labi, primer lang at setting powder ay babagay na sa natural na ganda nito, saka kaunting tint sa labi upang mas maging kagiliw-giliw ang kanyang hitsura.

Sa tapat ng salamin ay sinubukan niyang ipagpalagay sa kanyang isip na presentable na siyang tingnan kahit pa hindi siya sigurado roon. Tiwala naman siya sa helper na nag-asikaso sa kanya na napaganda siya nito bago sila tuluyang umalis ni Waki patungong grocery store.

Iginiya ng matandang helper ang kamay nito at ipinasa siya patungo sa bisig ni Waki nang makalabas sila nang mansyon at maglakad sa front lawn kung saan ito naghihintay. Waki was pleased that despite her simplicity, Harika had such a sophisticated appearance. His gaze and smile gave her a non-verbal compliment about how lovely she was.

Inalalayan nito ang ulo niya nang makapasok sa passenger's seat matapos pagbuksan ng pinto ng kotse. Nang huli ay nagpasalamat ito sa matandang helper bago pinaandar ang kotse.

"I apologize for keeping you waiting. It would be simple for me to move quickly if I could only see my surroundings."

"Sinabi ko kanina sa iyo na hihintayin kita sa front lawn ng mansyon. So, don't mind about it." Nakatingin lang si Harika sa isang banda habang paulit-ulit ang pagsulyap sa kanya ni Waki. "May gusto ka bang bilhin o daanan pagkatapos nating mamili sa grocery store?"