The Sun in Her Eyes

20: Just Like A Dream

Kinumusta ni Jed si Harika matapos nitong makipag-usap sa mga bisitang nasa loob ng mansion. Binati siya nito, pinalakas ang loob at inabot ng halos isang oras ang kanilang huntahan upang alalahanin ang masasayang alaalang mayroon sila noon. Jed used to go to Harika and Waki's school to support the various school organizations they were involved in back then. Mas natutulungan lang nito si Harika sa ilang mga bagay dahil pareho silang miyembro ng school broadcasting noon kumpara kay Waki na nasa publication. Marami itong naibigay na advices at tips upang mapagsabay ang pag-aaral at ang responsibilidad bilang miyembro ng school broadcasting. Ang nagustuhan pa ni Harika sa ugaling mayroon ang kuya ni Waki ay iyong mabusisi ito sa mga bagay-bagay at metikuloso pagdating sa maliliit na detalye. Mas madalas din niyang makita ito sa study room ng kanilang mansyon kasama ang kanyang Lolo Dad kung saan ay naging tutor nito ang matanda sa ilang law and political subjects na mayroon ito sa kursong kinukuha nito noon. Kumpara kay Waki na kasing edad niya, mas naging close siya kay Jed at itinuring na rin niya itong kuya o nakatatandang kapatid. Ito rin siguro ang naging dahilan upang pagtakpan niya ang pakiramdam ng kakulangan at pagiging only child sa pamilya, dahil ang lahat ng tungkol sa kanyang ama at ina ay nalaman at nakilala na lang niya base sa mga kuwento ng congressman sa kanya habang lumalaki. At ang mga bagay na mayroon na lamang siya ay ang mga litrato at naiwang damit ng kanyang ina, and for her father, she has zero knowledge about him. Kaya noong araw na makagaanan niya ng loob si Jed Ishida, naituon na niya rito ang mga bagay na gusto niya para sa isang kapatid.

Hindi rin nawala sa kanilang pag-uusap ang tungkol sa kalagayan ng mga paningin niya. When she was answering him about the development of her vision, she kept her tight smile on. Ayaw ipakita ni Harika na halos mawalan na siya ng pag-asa noon dahil sa kanyang mga matang walang kasiguruhan kung makakakita pa. Dr. Yetter said that she will regain her vision sooner, but when will that be?

Nang maramdaman niya ang mainit na gagap ng kamay ni Jed ay saka siya nito pinangakuang tutulungan siya nito sa insidenteng nangyari noong Retirement Party. Jed is a junior investigator based in Fawnbrook who could help her in determining who was truly responsible prior to the incident. Sa kadahilanang hindi pa nito magawang matulungan at mahawakan ang kaso ni Harika marahil ay nakabinbin na rin ang kasong kabilang siya na hawak na ng iba... na magpahanggang-ngayon ay wala pa rin siyang balita o update man lang sa development ng insidenteng nangyari sa kanya halos buwan na ang nakalilipas.

"Ano na ang mga plano mo pag-alis mo dito sa mansyon?" tanong ni Jed nang mabanggit ni Harika ang planong paglisan niya sa pagdating ng linggong iyon.

"Babalik ako sa unit na tinutuluyan ko, kuya Jed. I don't know, I just wanna live on my own and not depend myself to anyone," tanging tugon niya.

Pinagmasdan siya ni Jed na halatang hindi kumbinsido sa naging sagot niya. "Wala kang kongkretong plano pag-alis mo rito at gusto mong mamuhay mag-isa... tama ba ang narinig ko?"

Harika bowed at him.

"How can you even do that? Harika, hindi ko pinanghihimasukan ang gusto mong mangyari, pero sa tingin ko hindi makabubuti sa 'yo ang pinaplano mo. Pag-alis mo rito at nakabalik ka na sa unit mo... ano na ang gagawin mo?" Natigilan siya sa mga sinabi nito. "Look, kung iniisip mong nagiging pabigat at naaabala mo na ang mga tao rito, naiintindihan kita... but right now you have to be practical and I have to be skeptical with your decisions. Matanda ka na at may isip, alam ko, pero hindi kumpleto ang five senses mo para mabuhay mag-isa at hindi dumipende sa ibang tao. I know it's difficult for you to think the life of people when you're with them, pero sa sitwasyon mo ngayon, kailangan mo talaga ng mga taong gagabay sa 'yo hanggang sa manumbalik na ang mga paningin mo. Hindi sa 'di ako sumasang-ayon sa kagustuhan mong mangyari, pero ang kaligtasan mo lang ang inaalala ko..."

Natahimik si Harika sa mga narinig niya mula kay Jed. Naiintindihan nito ang mga bagay na tumatakbo sa isipan niya, ngunit sa kabilang-banda ay may punto rin ang mga sinabi nito sa kanya. Tama ito, kanino ba siya didipende kung mag-isa na lang siya habang walang nakikita. Kanino siya tutungo at hihingi ng gabay? Sa mag-inang Sullivan? Now, she's having an internal conflict. She has reasons, but Jed has a point as well. Naguluhan siya bigla, kung bakit ay hindi niya alam.