روايه هو و هي

( الحلقه السابعه ) ❤

( الحلقه السابعه ) ❤
ف الحلقات السابقه :____
أحمـــد : نامى على طول بقا ماتكمليش سهر عشان تعرفى تقومى بدرى
مريم : حاضر ... تصبح على خير
أحمـــد : وإنتى من أهلى
مريم : بتقول ايه ماسمعتش ,,,
أحمـــد : بقولك وانتى من أهل الخير
.....
((بيبدأ اليوم التانى : أحمد ماشى مع الشله بتاعته وفجأه 3 بنات يعرفوه
ومنهم واحده جميله اوى اسمها مى معاهم وبتحب أحمد بجنون .. بتتكلم وعماله تهزر معاه بايديها
ومريم داخله مع صحباتها من باب الجامعه ))
........................ ( الحلقه السابعه ) ❤ _ ( يا حوستى السوده )
مي : ازيك يا احمد ؟ مش باين ليه بقالك كم يوم
أحمـــــد : موجود اهو بس موضوع كان شاغلنى شويه كده والحمد لله ربنا كرمنى من عنده
مى : خير ؟ مانت مواضيعك كتيره
أحمـــــد : طبعا خير يا بنتى ... عقبال عندك اخوك بيحب وواقع لشوشته
مى : مين ؟ اخويا مين ؟
أحمـــــد : ركزى يابنتى .. انا
مى : وهو انت فاكر نفسك انك بالنسبالى اخ ؟
أحمـــــد : مى ! هنعيد الكلام ده من تانى ؟ احنا من ساعه ما عرفنا بعض واحنا بنضحك وبنهزر
وقولت اكتر من مره ف وجودك قدام الناس كلها انى بعتبرنا كلنا الشله بتاعتنا دى اخوات واصحاب ... صح ولا لا ؟
مى : ماليش دعوه انا بالكلام ده .. ومش انا يا احمد اللى تقولى اخوات واصحاب
وانت عارف ومتأكد انى بحبك وبحبك من زمان كمان
أحمـــــد : يااااااااااربي ... انتى بتكركبى بطنى ليه يا مى دلوقتى .. انا مالى ؟ وعمرى ما وعدتك بحاجه ولا كلمتك على اساس حب .. صح يابنتى ولا لا ؟
مى : أحمد انا عارفه انت بتتكلم على ايه ,, وانا مش بلومك دلوقتى .. انا بس بوضحلك انك كنت عارف انت بالنسبالى ايه ؟
أحمـــــد : طيب مانتى بردو عمرك ما سالتينى انتى بالنسبالى ايه ؟ ولا عمرك سالتينى انا شايفك ازاى ؟
انا مش شايفك غير صاحبتى الجدعه وأختى اللى بخاف عليها وبحبها وبحترمها زى اختى
مى : فاكر مره كده ف وسط كلامنا والهزار والشله كانت موجوده .. لما قولتلكوا .. انت لو جوزى يا احمد كنت هخنق أى واحده تقرب او تفكر مجرد التفكير انها تقرب منك
أحمـــــد : اه فاكر !!! وايه لازمته كلامك ده يعنى دلوقتى ؟ ماحنا عارفين انه كان هزار
مى : وحياه غلاوتك عندى مش هزار .. ويانا ياللى بتحبها ؟
أحمـــــد : اه !!! طب شوفى وركزى ف كلامى
اى تعرض ليها سواء كان بالخير او بالشر ساعتها قضيتك هتبقى معايا انا
ووقتها هتشوفى أحمد مختلف تماما عن أحمد اللى تعرفيه
وهقولهالك للمره الاخيره يا مى .... البنت دى لو اتعرضتيلها
ساعتها وحياه تراب ابويا .. ما هرحمك ... سلام
........................
((أحمد بقاله نص ساعه بيرن على مريم ومش بترد عليه وبيبعتلها رسايل )
_مريم ! انتى فين ؟
_مريم ! ردى عليا ابعتيلى اى رساله طيب طمنينى . قلقتينى عليك
_انتى كويسه يابنتى ؟ طيب شوفى الرساله بقي انا مش على اعصابى
_وبعدين يا مريم انتى فين .. تليفونك مش مقفول وده اللى مجننى ,, يعنى بتسمعى الرنات والرسايل ولا لا عاوز افهم
........................
((بيحضروا اصحاب احمد ))
أحمـــــد : بقولكوا ايه يا شباب ؟ انتوا ماشوفتوش مريم ؟ او اى حد من شلتها
مجدى : انا عن نفسي ما شوفتش ... استنى الواد علاء بيجيب سندويتشات وجاى
ممكن يكون شافهم
مصطفى : انا اتخيلت بواحده من صحباتها بس معرفش هى ولا مش هى
أحمـــــد : انا فعلا غبى جدا !! المفروض كنت اخدت رقم اصحابها عشان ف موقف منيل زى ده كنت عرفت اوصل لمريم
مجدى : هههههههههههههههه تليفونها مقفول ولا ايه ؟
أحمـــــد : ماهو اللى مجنن أمى ان التليفون مفتوح والرنه بتوصل
مجدى : استنى استنى الواد علاء وصل اهو اساله
أحمـــــد : علاء ! ماشوفتش مريم ؟ او حد من شلتها ؟؟؟؟؟؟
علاء : اه ياعم شوفتهم . هى واصحابها .. ايه ده انت ماشوفتهمش ولا ايه ؟
أحمـــــد : امال انا بسالك عليهم ليه ؟ بقولك ايه هى وراها محاضرات ايه دلوقتى
انا رايح اسال ف المدرج بتاعها . اقولك انت وهو تعالوا معايا عشان تدوروا من ناحيه وانا من ناحيه
أحمـــــد : استنوا انتوا هنا خلاص شوفت ساره صاحبتها هناك اهى
.........................
أحمـــــد : ساره !!
ساره : أحمد ازيك ؟ مش باين ليه
أحمـــــد : مش باين ايه بس دنا برن على مريم م الصبح مابتردش ولا شايف حد منكوا
ساره : اممممممممممم
أحمـــــد : ايه فيه ايه ؟ مريم كويسه ؟
ساره : اه ماتقلقش كويسه بس النهارده اتصرفت تصرف غريب شويه ولسا انا والبنات مش فاهمينه
أحمـــــد : تصرف ايه ؟ احكى قلقتينى
ساره : النهارده واحنا داخلين من باب الجامعه يدوب مشينا شويه ل جوه لغايه ما قربنا عند الكافتيريا اللى انت بتقعد فيها ع طول .. ومره واحده لقيناها اتخنقت مننا وقالتلنا انا ماشيه مروحه
مالك يابنتى فيه ايه استنى مالك ؟ طب استنى اما ننادى على احمد ييجى يوصلك ماتسوقيش عربيتك وانتى ف الحاله دى
وبعدين ياسيدى لقيناها مره واحده بتقول : محدش يجيب سيره اللى اسمه أحمد ده على لسانه تانى مره
أحمـــــد : هه !! باب الجامعه والكافتيريا ؟؟؟ يا نهار اسود ومنيل عليا وعلى دماغى
دنا وقعت وقعه ما يعلم بيها الا ربنا
ساره : ايه ها ايه ؟ فيه ايه ؟ ايه اللى هى شافته عند الكافتيريا ؟
أحمـــــد : شافت كل خير والحمد لله .... اه يانى يا غلبي يااااااانى
ساره : ههههههههههههه شافت ايه بجد انا والبنات ماخدناش بالنا من حاجه
أحمـــــد : ساره .. روحى على محاضراتك يا ساره وسيبينى ف اللى انا فيه والنبى .. سجليلى رقمك هنا عشان شكلى هحتاجك كتير الفتره الجايه
ساره : اهو ياخويا .. انتوا تعكوا الدنيا واحنا نيجى نحلهالكوا ..
....................................
((أحمد بيكلم نفسه )
طب اروح فين واجى منين دلوقتى يا ربي ... البت شافت ايه ؟؟
ياعم قول ماشافتش ايه
يعنى كان لازم يا مريم تيجى ف الوقت ده .. دنا كنت بنهى حوار مى للأبد
اه .. ماهو قليل البخت يعضه الكلب ف الموووولد ,,
يسيب المولد كله وييجى يعضه هو ..
دنا حاسس ان مدلوق عليا شكاره طماطم ضاربه وحمضانه وكل الناس عماله تفعصها ف وشى .. اعمل ايه ف الحوسه دى ؟ ؟ ؟
البت هتضيع منى ....
وانا عارف دماغها .. الحمد لله جزمه قديمه وهتطلع روحى
..........................
مجدى : ايه يابنى لقيتها ؟
أحمـــــد : اه يا حبيب قلبى لقيتها .. لقيتها يا عنيا
علاء : هههههههههههههههه فيه ايه ياعم انت متنح ليه كده وبتتكلم بيأس كده ليه ؟
أحمـــــد : يأس ايه بس دنا مضروب بالنار
مجدى : ايه ياعم ؟ ماتنطق
أحمـــــد : مريم يا سيدى !!
علاء : مالها ياعم
أحمـــــد : مافيش .. الحمد لله كويسه
علاء : طيب يا عم الحمد لله .. خضتنى يا شيخ انا فكرتها تعبانه ولا حاجه
أحمـــــد : بس شافتنى الصبح وانا واقف مع مى
علاء :يا نهار اسود ... لا خليها تتعب احسن
أحمـــــد : اه ياعم شوفت بقا الحوسه اللى انا فيها
مجدى : حوسه ايه بس دانت بتعيش احلى فترات حياتك هههههههههههههههه ربنا يصبرك ويعينك ع اليومين الجايين
علاء : لله الأمر من قبل ومن بعد ✋.. أى مشاوير يا معلم اى عمليات تجسس عاوزنى اقوم بيها انا ف الخدمه .
مجدى : وانا مفضيلك نفسي اهو من دلوقتى لغايه ما نرجعلك البت
مصطفى : افرجها يارب من عندك . دا الواد غلبان
أحمـــــد : ماتحرمش منكوا يا كلب البحر انت وهو .. ده العشم بردو
خلينا ف المهم انا عندى خطه !!!!
علاء : قول يا سيد المعلمين .. جاهز
مجدى : معاك يا اسطا
مصطفى : قوينا ع الشر يارب