အချစ်သူရဲ​ကောင်း (Completed)

အခန်း(၂၀)

💏 အချစ်သူရဲကောင်း 💏
💏 အခန်း(၂၀) 💏

တစ်ခါမှ မကြားဖူးခဲ့သည့် ဂစ်တာသံကိုကြားလိုက်ရသဖြင့် ခေါင့် ခြေလှမ်းတွေ တန့်သွားကာ သခင်လေး၏ အခန်းအနားသို့ ဖြည်းဖြည်းချင်း ကပ်သွားလိုက်ပြီး သခင်လေးကို လှမ်းကြည့်လိုက်တော့ သခင်လေးက အခန်းရှေ့က ဝရန်တာမှာထိုင်ပြီး ဂစ်တာတီးနေလေသည်။ သည်ကိုရောက်တာ ကြာပေမယ့် သခင်လေး ဂစ်တာတီးတာကို သူတစ်ခါမှမမြင်ဖူးခဲ့သလို သီချင်းဆိုတာကိုလည်း သူ တစ်ခါမှ မကြားဖူးခဲ့ပေ။ သည်ဂစ်တာ သခင်လေး ဘယ်ကရတာလဲ။ ရန်ကုန်ကနေလည်း ပါလာခဲ့တာမဟုတ်ဘူး။ ရန်ကုန်ကနေ သခင်လေးခေါ်လာတော့ သခင်လေးကို တမင်သက်သက် အဝတ်တစ်ထည် ကိုယ်တစ်ခုနှင့်ပင် ခေါ်ခဲ့တာဖြစ်သည်။ သူ သခင်လေးကိုကြည့်ကာ သီချင်းသံကို နားစွင့်လိုက်မိ၏။

🎼🎼🎼 နှုတ်ဆက်ခြင်းမှာ ဝေးကြပြီ...  ဒီညတွေဟာ တို့နှစ်ယောက်အတွက် အမှတ်တရဖြစ်မယ်ဆိုရင်... နောင်နေ့ တွေမှာ နောင်နှစ်တွေတိုင်း... မင်းသတိရပါ... ချစ်သူ... လမ်းခွဲခြင်း က ပူလောင်လွန်းတယ်... ဒါအမုန်းမဟုတ်ဘူး မင်းအတွက် ပေးဆပ်ခြင်းပဲ...  ငါသွားမယ့်လမ်း ကြမ်းတမ်းနေလည်း... မင်း... နားလည်ပါ ချစ်တဲ့သူ...  နင်ဟာ ငါ့ရဲ့ကမ္ဘာ...  နင်ဟာ ငါ့ရဲ့အသည်း...  နင်ဟာ ငါ့အိပ်မက်ပါ... နင်ဟာ ငါ့မျှော်လင့်ချက်... ငါတို့ဝေးသွားရင်  ပြန်မဆုံဖြစ်ကြရင်  မင်းနှလုံးသားမှာ... ငါအမြဲတမ်းရှိပါစေ ... 🎼🎼🎼

🎼🎼🎼 ဟိုးတုန်းကလို.. တမ်းတတယ်...  ခဏလေးရင်ခုန် ပျောက်ရှတဲ့ အလွမ်းရဲ့အိပ်မက်... ကြေကွဲစေတယ်..  ငိုကြွေးစေတယ်... အဆုံးအဆမဲ့စွာ ဝေးစေတယ်..  လမ်းခွဲခြင်းက... ပူလောင်လွန်းတယ်...   ဒါအမုန်းမဟုတ်ဘူး မင်းအတွက်ပေးဆပ်ခြင်း... ငါသွားမယ့်လမ်း... ကြမ်းတမ်းနေလည်း မင်းနားလည်ပါ ချစ်တဲ့သူ...  နင်ဟာ ငါ့ရဲ့ကမ္ဘာ... နင်ဟာ ငါ့ရဲ့အသည်း...  နင်ဟာ ငါ့အိပ်မက်ပါ  နင်ဟာ ငါ့မျှော်လင့်ချက်...  ငါတို့ဝေးသွားရင်  ပြန်မဆုံဖြစ်ကြရင်  မင်းနှလုံးသားမှာ ငါအမြဲတမ်းရှိပါစေ ... 🎼🎼🎼

သီချင်းပြီးသွားတော့ သခင်လေးက ဂစ်တာကို ကိုင်ထားရင်းကနေ ဝရန်တာမှာထိုင်နေရင်းနှင့် ကောင်းကင်ကြီးကို မော့ကြည့်နေ၏။ အဲ့ဒါဆိုရင်တော့ သေချာပါတယ်။ သခင်လေး ဟိုမိန်းကလေးကို သတိရနေတာပဲ ဖြစ်မည်။ သခင်လေးက အဲ့သည် မိန်းကလေးကို သတိရပြီဆိုလျှင် အခုလိုမျိုး ကောင်းကင်ကြီးကို မော့ကြည့်လေ့ရှိတာကို သူသာအသိဆုံးပဲ။ အခုလည်း သခင်လေး အဲ့သည် မိန်းကလေးကို သတိရနေပြန်ပြီ။ တစ်နေ့မှာ နှစ်ဆယ့် လေးနာရီ ရှိပေမယ့်လည်း သခင်လေး အဲ့သည် မိန်းကလေးကို သတိရသည့် အချိန်ကတော့ နှစ်ဆယ့်ငါးနာရီလောက် ရှိလိမ့်မည်လို့တောင် ထင်ရလေသည်။