بالغزل القليل الادب عندو كيعجبو يطلق ليها دوك الكلمات الي مفهومين وما مفهومين يعني قصدهم باين ...بقا فوق منها كيداعب فيها حتى حس بالقضية عندو كتزير يعني مشهيييها وهي مزال ما برات باسها ف شفايفها بوسة خفيفة وتبعها بوسة فعنقها جمعها ليها بوسة واستنشاق لعطرها الي بسبابو شي نهار غاياكلها ...وناض من عليها ...
نوار "ناضت كتقاد فحوايجها " : انا غادي نزل تحت تلحق علينا ؟
ياسين"تقابل مع المجر الي فماريو جر سكة حتى حلو وجبد منو بوكسر : ضروري ..
نوار : غادي نجلسو برا ونتوما فالصالون ...
ياسين : ان شاء الله ...
شافتو هز بوكسر وضار غا بان ليها حط ايدو على لفوطة وهي طيييير من حداه غاديا تنجري وتعرج مخلياه كيغوت على ديك الخفة الي كدير وديما تيوصيها ماتجريش باش ماتعكلش ووالو لمن تعاود وتحاجي خبيرتك اسمحمد ...
هبطات لعندهم وجهها حمر بجرا والحشمة وهضرته شي نهار غاتقتلها غا فبلاصتها ...لقاتهم قدام الباب فجريدة مفرشين ومقادين لجليسة بمساعدة نعيمة وراوية وحتى يسرى دارت ايديها غير باش تفوج يامنة من قنطة الحيوط ...الي كانت جالسة لايحة عليها كاب خفيف وشال على شعرها كتهضر فتيليفون مع راجلها الحب الاول والاخير الي كان من نصيبها وعاشت معاه المر والحلو ...
يامنة : قربتي توصل ؟
فؤاد : قربت اغزالي شنو توحشتيني ؟
يامنة : ههههه اه ...
فؤاد : نرجع ؟
يامنة : اويلي على ترجع ههههه سير قضي غراضك تاتسالي ورجع ايام الله طويلة ...
فؤاد : ساعات الله بعيدة عليك طويلة المكان الي مافيه مولات الدار خالي ايامنة خااالي (هي خاوي زعما ) ...
يامنة "ابتاسمات بحب حتى تغمضو عينيها كل نهار كتحمد الله الي لاقاها ربي بهاد الراجل الحنين فيها والوحش على الي ياذيها ولا يقرب ليها " : شحال غاتبقى تما ؟
فؤاد : نسالي الخدمة يومين الى كتاب ...
يامنة : ان شاء الله ...وامتا غادي لموسكو ؟
فؤاد : تما غاتمشي معايا اغزالي غاتمشي معايا ماتوحشتيش دارك تما ؟
يامنة : توحشتها ولكن مسموح ليا نمشي دابا ؟
فؤاد : ديك ساعة يحن رب العالمين راحتك هي اللولة من هنا لتما ربي يعجل شفاء ...
يامنة : صراحة توحشت تما خاص نشوف دار اش خاصها واش ناقصها ...
فؤاد : يكون خير "شاف فالبلاكة لقا راسو قرب لازرو هضر معاها شوي وقطع " ...
الحبيب "شاف في يامنة " : الحنانة امتا غادي الوليد لموسكو ؟
يامنة : قال نولي شوي ونمشيو انا وياه ...
يسرى : متعطليش على طبيب الي متبعة معاه ...
يامنة : لا لا هو الى طول سيمانة ....
الحبيب : مزية نيت بغيت شي وراق خاصين بالازدياد ديالي ...
علي ؛ بغيتي تجوج ؟
الحبيب : لا بغيت نطلع الوراق بانني مريض نفسي تا الى دبحت مك يعتابروني هبيل كي داك الي فلق لنوار الوجه خهههههخهخخ ...
نوار"مع وقفتها سمعاتو ...جلسات حدا يسرى تنخششات فيها
الحبيب : هاا ضحية جات ...
يامنة : تفرق عليها ههههه "شافت فيها " كيف بقا وجهك ابنتي ...
نوار"كتقلب فيها يسرى فوجهها " : شوية الحمد لله ...
يسرى : مرة مرة الى ضرك هزي راسك شوي وفيكسيه حتى يحبس صداع كان عليك تبقاي مفيكسياه تحسبا لاي ارتجاج ...
علي : واتصرفيقة الي متحسي بارتجاج فمخك ماا نسميها تصرفيقة ...
اشرف : حمدي الله ما نزل على حبك بحجرة هههههههخ ...
الحبيب "كان بغا يطنز وهو يبان ليه ياسين هابط " : احم ...
ياسين "حنحن حتى ضارو جيهتو واولهم اليز طلعاتو وهبطاتو بديك الشورط الي لابس ورجلين الحرشيين حتى طلعات ل تيشرت الزرق المزير عليه شادة زغبات من شعرها وكتلويهم على صباعها وشنايفها قربات تعضهم مبتاسمة بشهوة وهي كتشوف فيه ..."ضورات
عينيها لنوار لقاتها كتخنزر فيها وهي تضور وجهها " ...
ياسين : الحنانة شوية دابا ؟
يامنة "هزات فيه راسها وشادة جنبها " : مزيااانة ولدي ...
ياسين "شاف فالحبيب " : تبعني نتا ...
الحبيب : واخا خويا ..."سبق ياسين لداخل دخل جيهة الممر الي كيدي لمكتب ديالو فين كيكون كيجمع الحسابات ديال سيمانة اخر شهر والعام وثلاثة شهور وكيجمع الفلوس ولا يجمع خلصة الخدامة ويدوز الحساب لسالم هو يخلصهم ...
دخل ليه كاين ف اخر الممر بعيييد ...وتبعو سد الباب ...
ياسين "واقف كيقلب فشي وراق حتى دخل عليه الحبيب .."
الحبيب : خويا بغيتيني ...
ياسين "حك لحيتو وهو كيشوف فالوراق " : شنو بان ليك تهضر نتا حسن ؟
الحبيب "حك قرفادتو عارف راسو داير شي حاجة متيضلموش " : عرفتي شي حاجة ؟
ياسين "باقي مبرد " : شنو وصلتي من هضرة ؟ وليتي وصال الهضرة فحال لعيالات ؟
الحبيب "غمض عينيه عرفو اش قصد لكن ما عرفش راه وصلات لنوار كيحساب ليه عرفو غي دراري " : احم ..."حنحن مالقا مايقول سوا " سمح ليا ...
غير قالها حدو كمل اخر حرف من الجملة حتى ضار ياسين كي الرعد شدو من قرجوطتو وزدحو مع الحايط بجهد ...
أنت تقرأ
نور الياسين
Разноеمنقول هاني وجعت من جدييد له في قصة الي ممكن نقول تابعة لقصة يامنة وممكن تكون لا يعني الى مقريتيش يامنة بلا مترجعي تقرايها باش تفهمي هادي ...ولا ديال عائلة رمسييس القصة الي تسنيتوها شحاااال هادي والي نقول تولدات قصتو وسط القصة ديال واليديه فرض الحضور...
