بهاد الكلام الي قال انتهى حديثهم فقط بوصول اسامة الي قاطع حديثهم والي رسلاتو يامنة يعيط لياسين باش يجيو حداهم مجموعين على مينة مهزوزة فالعمارية ...مشاو بثلاثة دخلو وسط المجمع واغنية الف هنية وهنية كتسمع فارجاء المكان من صوت الاوركيسترا الي كان معروف فالمغرب حيا ليهم حفل الزفاف ...حطوها ووجهاتها نگافة لبرزة الي كانت كبيرة مزينة بالابيض والذهبي مرشوش ومطرزة وحتى انها مزينة باحجار لامعة فحال الكريسطال برزة نقدرو نقولو ملكية خاصة بالعرسان ....
رياض كان بحلة بلدية جلابة بيضة وتحت منها فوقية وبليغة صفرا مزيناتو بعريس مع الحروشية الي فالملامح ديالو حجبانو الغلاض ولحية السوداء والعينين مشفرين وكحلين تقولي مكحل سبحان من زين وجهو راجل كامل مكمل فزين وطبعا ناس اذواق ...ركب فالعمارية حتى هو شوي ونزلوه ومشا حدا مينة جلسو ...
رياض"قرب ليها حدا وذنيها" : تبارك الله على مرتي زينة البنات ...
مينة"ابتاسمات ونطقات مقربة ليه لكن كتشوف فالحضور" : يزين ايامك اراجلي ...
رياض : اححح على ديك راجلي ومن فمك فحال شهد ...
مينة "حنحنات وهزت ايدها المنقوشة بالحنك ولات ليها حمرا بزاف بغات تكحال ...مضرگة فمها " : واش غانسافرو نيشان ياك ؟
رياض"حرك راسو" عندنا مع لوحدة ورا ضهر ازين ...
مينة : مقلتيش ليا فين ياك ...
رياض "ضحك " : ههههه زعما نتي صبارة مال بيضتك حمات ...
مينة : درتي ليا تشويق وصافي ...
رياض : مبقا قد ما فات نيشان من العرس لفاس لوطيل ومع لوحدة عندنا طيارة ...
مينة : هممم هاني صابرة ...
رياض"هز ايدو وحطها ليها على ايدها طبطب عليها وسرح صباعو الخمسة تا خشاهم بين صباعها شابك ايديهم وضغط عليها وبقا شادها ليها فوق ركبتو " : احسن ليلة من بعد ليلة لاكط ...
مينة : احسن ليلة عشت ...
رياض : ان شاء الله ليالينا كلها افكار مع مشاكل طعم الحياة الزوجية ...
مينة : الله يحفض من المشاكيل ...
رياض "غمض عين وعين حلها" : وضرووري من تعطلتي نسيتيني ويجيو الولاد وتنسايني نتي وعلاش مبقيتيش كيف كنتي و و ...الخ ...
مينة "وركت ليه على صباعو بجهد تا عض شنايفو " : الي نطولوه نقصروه ماحدنا هنا نيت مزال ممشيتش معاك ...جمع راسك من ديعان فالليل وتعطال ...
رياض : واخا زيدي تاني ...
مينة : صحابك وكترة صحااب وديك نسهرو ممعاياش ...
رياض : نسهر مع زين ديالي ...
مينة : الله يجعلني نتيق ...
رياض : من متايقاش متايقاش لاش كتحلفي عليا ...
مينة : نبهت نبهت والفاهم. يفهم ...
رياض : وخا نساليو ونفهمك بطريقتي ...
مينة "دورات وجهها لحضور وتفيكسات كتصرط ريقها مبقاتش شافت فيه هههه "
رياض : سكت ليك ريح دابا ههههه ..
دازت اللبسة اللولة ومشات مينة دخلات لداخل لبيت الي ديال نجود هو فين كاينة نگافة باش تلبس اللبسة ثانية والي هي عبارة عن قفطان بوردو بالاكسسوار ديالو وتاج ذهبي على راسها وتغيير طفيف فالميكاب مناسب لقفطان الي غاتبلبس ...
اما في جهة الحضور في طابلة فيها ناس معارف ومن جيران طوابل كانو مزينين بالابيض وشرائط فالازرق كيبريو وطابلة ناب كبير بيض وسط منو شريط طوييييل ديال ساتان فالازرق وفاز كبير زاج فيه بوكي دالورد الاحمر والابيض ...
هاجر"بقفطان صومو وشعر مصايب مبركلي على طولو وميكاب خفيف ...دارت خصلات من شعرها ورا وذنها كتشوف ف صوفيا الي كتهضر فالفون تاهي ضاربة ليا حطة بقفطان موڤ بارد وشعر تاهي مصايب غير هي خلاتو سامبل مع الگصة ...كتهضر فتيليفون ومعصبة ...
صوفيا : وااا عطيهم الخدمة ديالهم ليلة تكون عندهم ا سهام ماشي سوقي الكلمة هي الكلمة ...وااا قفاطنهم اسهام را ناس عندهم العرس غذا فالعشية وغادين لمراكش ...تت اه ديهم دابا ...انا صباح عندي قراية فالعشية مغانلقاش كيفاش ندير رطموبيل غاديا بيها هاجر لخدمة غاتديني معاها ...ماس...قطعي تال بلاتي ونعاود نعيط ليك ..."حطات الفون "
هاجر : مالها ؟
صوفيا : ناس قفاطنهم وجدو وهي تهاونت مشات طلعت لفاس ضارت تا عيات وجات فحالها وخلات ناس كومند ديالهم كيتسناو فيها ..كتفقصني كيبان ليا نتفاهم معاها ...
هاجر : شوي وعيطي ليها شوفيها واش داتهم سي نو ديهم ليهم نتي ولا نمشي انا نديهم ...
صوفيا"هزات الفون وناضت" : انا نمشي نبعد شوي تنهضر معاها نتاكد واش داتهم سي نو دغيا نديهم بالخف ونجي ...
أنت تقرأ
نور الياسين
Randomمنقول هاني وجعت من جدييد له في قصة الي ممكن نقول تابعة لقصة يامنة وممكن تكون لا يعني الى مقريتيش يامنة بلا مترجعي تقرايها باش تفهمي هادي ...ولا ديال عائلة رمسييس القصة الي تسنيتوها شحاااال هادي والي نقول تولدات قصتو وسط القصة ديال واليديه فرض الحضور...
