ناضت نوار من بلاصتها قصدات جيهة المطبخ لكن فطريقها توقفات لبرهة ضارت هنا وهنا كتشوف لا يكون جاي شي حد ...استغلات الانشغال ودنيا خاوية وشدات فترمتها من لور كتحك فالتعبيزة الي عبز مجهدة ...ماقدراتش من خجلها تشد وراها حيث كان داير ايديه والى حكت يزيدها وحدة اخرا ههههه ...تا شداتها وكملت طريقها لكوزينة هزات دواها الي نسات مشرباتوش مع النهار هذا هو فالاصل الي خلاها ناضت باش تشربو وميخاصمش عليها حيث الي وقع صباح ومجيتو المفاجئة وخا كانت متوقعة ...تربجات فدماغها ونسات دواها ...يلاه كتشرب فيه حتى سمعات تاهي صوت الفران الي تسمع برا وخرجو دراري يشوفو شكون
ايساف"شد راسو " : واااااكواك الحق طوموبيلتي ...
الحبيب : ياربي سلامة ...
مشاو كيشوفو كان الشيفور الي ضربها بدون قصد بغا يبلاصي ويحط طوموبيل باش يمشي فحالو حتى ضربها مع الاسف الزاج ديال البولة الامامية تهرس ..
الشيفور"شاد راسو " : مشفتهاش اسي ايساف والله ما رديت البال را فرانيت بجهد فدقيقة تسعين داكشي باش تسمع فران مجهد ...
الحبيب : مخدمتيش الكاميرا ديال مارش اغييغ اصحبي ...
الشيفور : وراه خسرات ودرت مع المعلم صباح نجي يقادها وقدرت مع ولفتها وداكشي باش عبار هادي ماشي كيفها ...سمح ليا ...
ايساف"مشا طل على زاجة تبعو ياسين تاهو كيشوف فيها " : تفو تفووووو
الشيفور : سمح ليا سمح ليا صباح نديها نصايبها ...
ايساف : صافي غا سير ماتديها ماتقرب ليها ...
ياسين : ماوقع باس ايساف الي عندها حل تصايب ترجع حسن ...
الشيفور"عيان " : والله اسي ايساف ما شفتها ...
ياسين "صغر فيه عينيه بان ليه وجهو ماشي تالهيه وكيمسح مناخرو بكلينيكس وعينيه حمرين ووجهو مزنگ" : واش عيان ؟
ايساف"هز راسو شاف فيه " : مالك ؟
الشيفور : والله اخويا الى سخانة من صباح طحن فيا ...
ياسين : وجاي تخدم !؟ علاش ماجلستيش ؟
الحبيب : ومشيتي صباح تسخرتي تال فاس اصحبي ؟
الشيفور : اش ندير كانت صخرة ضرورية لحاجة ...
ياسين : الحاجة كاين الي يتقدا ليها كاينين عزارا عطا الله من يجيب ليها والى مكانش ليوم يكون غذا ...سير لدارك ودي معاك طوموبيل مكيان الي يقوليك جيبها ورتاح مع راسك راك بنادم ماشي حيوان ...
ايساف : مريض اصحبي وجاي تخدم هذاكشي علاش تلفتي فاش بغيتي تبلاصي قول راسك دايخ ...
الحبيب : سير اصحبي سير رتاح الى عرف الوليد مرضتي وجيتي تخدم غايتقلق منك ...سير شرب شي دوا وسير ماتجيش تا تولي لباس ...
ياسين : ماتبقاش تعاودها اسفيان راك فحالك فحالنا كل خدام بدراعو وفين ماكان تابع رزقو ..
الشيفور : لهلا يخطيك اخويا ...
ياسين : تسنى ...
بغا يمشي ياسين يدخل لدار وهو يوقفو ايساف بهضرتو ...
ايساف"كيجبد من جيبو لوراني بزطام " : ياسين تسنى انا نعطيه ..."جبد 600dh الي كانت فبزطامو " هادشي الي بقا ملي تيريت الصباح ...خوذ قدي بيه والي خاصك صباح ندوزو ليك لدار ولا يدوز عندك ياسين ...
الحبيب : انا ولا ياسين نيت ضروري ...
سفيان "حشم حيث داير الغلاط وصدقو هما هازينو " : اربي الى ما سمحو ليا بزااف ...
ياسين : ياودي كلنا ليها الله يشافي غذا ندوزو نشوفو الحاجة ضروري ...
سفيان : غادير خير ديما كتسول عليك ..
الحبيب : هي هادي ندوزو نشوفوها ...غير دي طوموبيل تاتشافا وديها لمعلم يقاد ليك الكاميرا ..
سفيان : لهلا يخطيكم ..."حدر راسو ومشا ركب فطوموبيل وزاد والمرض كيطحن فيه .."
ياسين : دخل صباح ديها صايبها متحتاجش شي حاجة ...
ولاو دخلو كان اشرف كيطل وصهيب واقف تيشوف وفؤادكيطل عليهم من لبالكون لفوق واقفين ومعاهم يوسف مفتاخرين بولادهم الي رباو رباو فيهم روح الانسانية قبل كل شيء ...
فؤاد : ارحمو من في الارض يرحمكم من في السماء ...الله يرضي عليكم ...
ايساف "كانت مسرحية زوينة ضروري يتقبها من شي قنت ههههه " : هاد شقفة مااا مشات تا تعطبت يا بنوار يا بلا بيها وكون ما تعطبت تلوح ليا راسها من شي جبل ...ياك تضربت ...
الحبيب : تابعاك تابعاك حيدتيها عليك ...يلاه وسد داك الفم وليتي كي نگافة ...
أنت تقرأ
نور الياسين
Acakمنقول هاني وجعت من جدييد له في قصة الي ممكن نقول تابعة لقصة يامنة وممكن تكون لا يعني الى مقريتيش يامنة بلا مترجعي تقرايها باش تفهمي هادي ...ولا ديال عائلة رمسييس القصة الي تسنيتوها شحاااال هادي والي نقول تولدات قصتو وسط القصة ديال واليديه فرض الحضور...
