قطع عليها التيليفون وخشاه فجيبو كمل الكماية حتى سالا ووصل على جدو واسامة لقاهم دومونداو العشا مشا غسل ايديه ورجع جلس معاهم يتعشاو لانهم مزال ليهم طريق طويلة ...اما هي ناضت مصدومة كتطرش فحناكها بالفقصة على فمها الي سرسب ديك الجملة اما كون اختاصراتها ليه ف كلمة لا ولا ترطبو ولا اصلا لاش هو دار ديك ردة الفعل من الاساس مادام عارفها كتموت عليه وباغياه وكتبغيه منذ نعومة اضافرها ...الشي الي خلاها من بعد ماكانت مصدومة انه قطع تزادت تصدمت انه صيق بالي غاتوافق على حسن ؟ ياااا دي حسن الي مبغاش يحيد من حياتنا غير سميتو جبدات ليها صداع ...
نوار : دابا مالو مالو ؟ مخلانيش نكمل ليه ومن فوق شوف اش قاليه راسو ؟ مالو على هادشي حيث غلطت ونسيت وريتو ريسطو ؟ و كيفاش "تفكرات تباتي فراحة الله ابنت ناس " دابا هو غضب تعصب تقلق ؟ "تلتخات فوق ناموسية " علاش كيدير معايا هاكا علاااااااش ...وعلاش هاذشي كامل علاااااش ..."دارت ايديها على وجهها شحال وهي تهزو" ياربي اش درت
اش درت علاش يوقع هاكا ياربيييييي ..."هزات تيليفون تا دازت ليزابيل باش تعيط ليه وهي ترجع خرجات وسداتو" خليه من بعد ونعيط ليه ...
ناضت من تما خشات رجليها فبانطوفتها ومشات نزلات مغيرة ملامح وجهها بزز لعادي فقط عينيها ووجهها باقين منفوخين بنعاس الي نعست ...لقاتهم كيحطو فالعشا ويامنة هازا بلاطو فيه حريرة بيضة وطبسيل تمر وكاس الما حداه دوا ...
نوار : هادو لعمو فؤاد ؟
يامنة : ايه ابنتي عندو خدمة مزيرة قاليا نديهم ليه البيرو راكي عارفاه مكيبغيش يتقل بزاف فالعشا ...هضرتي مع ياسين ؟
نوار"صرطات ريقها مبغاتش تبين را تخاصمو" : ها ؟ اه غير دابا وقطع ...
يامنة : ايوى صافي كنت بغيت نعيط ليه نشوف فين وصلو ونطمن عليهم ...
نوار"كتحك فناضرها بتوتر" : اه فالطريق را غادين ...
حركات ليها راسها ودخلات هي ويامنة مشات عند فؤاد ...لقات يوسف ويسرى والبقية جالسين ...
صهيب : فين داك سنبل اغا ؟
يوسف : شوف فين دالح هو ومصفرط ديال ولدك ...
صهيب : ولدي دابح عليه جوج خرفان جيدين ازين بسمية علي ...
يوسف : بزعط ...
نجود : واحد بنتك انت لاش مخليها وحدها تما ؟
صهيب : هاديك كتقرا من دار مدرسة من مدرستها دار هاهي عندها تلت سنين تكمل وترجع فحالها ...
يوسف : خليها تزيد ماستر تا مالك ...
صهيب : بغيت نجوجها ...
يوسف : لمن ؟
صهيب : واحد ميت لمرتو ...
يوسف : اسيدي الله يكمل بالخير"حيد طاقية تا حك راسو كيتفوه وهو يحبس هز فيه عينيه عاد سرات معاه ميت لمرتو يعني را راجل ميت خلوق مكاين بو راجل وغا تيطنز عليه ..." اسير الله يعطيك تونية فالجناب تبات تحك وتصبح تحك تا يطيبو ليك جناب والمصاصط اوجه اللفت البيض ...
يسرى : هههههههه اويلي بديتو تاني ...
سارة"مدخلة الخبز كتحط فيه" : بداو تاني ؟
يوسف : ماتسمعيش فيه كايطنز عليا بالكلابي الي حطو ...
نجود"نزلت على يوسف لقرفادة تا زگا(غوت بشوي ) " : نهل الماسخ الخانز الي حطها ليك البغل تعاير ليا فبوه ؟
صهيب "تكا كيلعب بواحد ساروت فايدو وتكااارشخ بالضحك " : اااااارررعد ...
تم نازل الياس هو ونجوى جاو مع تبربيقة الي عطات نجود ليوسف فقفاه ههههه
الياس"تسمر" : اياااو تا عطاتو ولا عينيا غيسو ...
يوسف : غانغيسهم ليك باذن الله انت وياه ..."ضار عند نجود كيحك فضربة " تي شوري اميمتي كضربي فيا وانا بو ولاد وقريبا بعد ستة شهور غادي نولي جد ...
نجود : والعقل باقي ديال ولد خمسطاش لعام ...وباقي نعطيك علاش دور را المراگات عندك نتا حافييين وزادو حفاو يتبقي الستر ...
يوسف"حدر راسو تيبرگم " : واتي تتحشمينا وتبتيتيتتاكمم
نجود : اش كتبغم عليا تم ؟
نوار"حبست ضحكة وضارت عند الياس شادين ضحكة حاضيين الستون بين نجود ويوسف "
صهيب : قاليك كتحشميه اميمتي وعيقتي عليه ...
يوسف "هز راسو بجهد وخرج عينيه" : ووووواولد لحرااااام ...
نجود : ولد لحرام ؟؟؟
صهيب : ههههههههههههههههههههههههههه
الياس : واربي الحبيييييييب "عنق باش يضحك براحتو "
نوار "نسات واش تخاصمت مع ياسين " : ههههههههههههههههههههههه
يسرى : ههههه اصافي نعلو الشيطان ...
نجوى : ههههه ياربي تستر سكت نتا ويلي "كتغمز ف الياس"
الياس "بغا يسخف " : واتقول اخويتي تقوووول واش صبرت ...
نحود : دابا من الي حطو زدتي ولد لحرام ...
يوسف"كيطرش فحناكو" : وااا ينعل طاسيلة مي انا ها فمي هااا ...
نجود"بيضت فيه عينيها" : كتعاير ف مك ؟
يوسف"ناض على وقفتو فقصاتو " : وااااعوووووووك عوووك اعباد الله ...
نجود "ربعت ايديها" : ايوى بقا غا تنفخ عليا من فوق اييييه ...
يوسف"عض شنايفو ماعرف واش يهضر ولا يسكت هههه " : انمشي نكمي ...
صهيب"خرج عينيه هو الياس" : وليتي تكمي ؟؟؟ فؤاااااااااااااد
يوسف "نقز بالفقصة مشا طار من حداهم وخرج كيندب فحناكو ويصرفق فيهم ضوروه وعرفو كي دوروه "
يسرى : اويلي هههههههه
نجود"غمزتهم " : يلاه يلجم داك الفم شوي عندو ...ههههههه نوض عيط ليه قوليه غانضحكو نوض يعطيه دود كي هبيل ههههه
سارة : كي درتو ليه اخالتي ههههه
صهيب "ناض يسوس فحوايجو" : سرو نيييييت ههههه "غوت عليه" وعليا بليميييييين ميدوز لينا هاد العشا وما كنتي حاضر ...
يوسف "من بعيد" : تاكل فيه سم ...
نحود : ياااااك ؟
يوسف : انا غاناكل سم ونموت وتهناو ...
نجود: هههههه اجي امسخوط اجي عند ميمتك ..
أنت تقرأ
نور الياسين
Diversosمنقول هاني وجعت من جدييد له في قصة الي ممكن نقول تابعة لقصة يامنة وممكن تكون لا يعني الى مقريتيش يامنة بلا مترجعي تقرايها باش تفهمي هادي ...ولا ديال عائلة رمسييس القصة الي تسنيتوها شحاااال هادي والي نقول تولدات قصتو وسط القصة ديال واليديه فرض الحضور...
