خلاها كتلهت ماغوتت ماعاتبت ...رجعات تلتخات بلاصتها وضورات وجهها كتسمح دموعها وتنهد وتشوف فالطريق ...ولات نعلات الشيطان واستغفرت مولاها وبقات حاضية غييير دنيا البيضة الجبال الضايرين بيها ...مسافة خمسطاش لكيلمتر على قرية وادي لوابرونن ...وصلو لواحد القرية صغيرة تما فيها ديور ديال الخشب على شكل اكواخ خشبية تقريبا ...حتى توقفات سيارة ديال سمارا ونزلات منها مكبطة وطاقية الفرو على راسها مبتاسمة وغمازاتها يبانو من الطرف ....
ياسين"وقف طوموبيل وضار عندها" : نزلي ...
نوار"رجعات تغوبيشة وهي تحيد سانتيغ وحلات الباب نزلات السم كيطيح والثلج كيتساقط ...حتى ضار عندها عنقها بجنبو محاوطها بايديه ..."
ياسين : سو ثانكيو فور ناو ..
سمارا : اوكاي ..."غمزاتو" عندكم الاحتياجات ؟
ياسين : كلشي وجدتو ...
سمارا : سو شهر عسل سعيد ...والى احتاجيتو شي حاجة راك عارف كيفاش تواصل معايا ...في حالة مجاوبتش راك عارف (يعني طالعة كتسلق شي جبل شاهق )...
ياسين : فور ناو ممحتاجكش ايام غادي ندوزهم ويذ ماي وايف سو لو غانحتاج عارف كيفاش نتحرك ...
سمارا : يعني مافكرتيش ؟
نوار"هزات فيها عينيها ورجعات شافت فيه كتحاول تعزف شنو كاين "
ياسين"باس راس نوار وبقا معنقها جنبو كيمسح ليها فدراعها ويهضر" : نهار يوصل الوقت ...
سمارا"ابتاسمات ليه " : از يو لايك "الي بغيتي...وتحركات مخلياهم بزوج كانو قدام واحد الكوخ قدام الباب كاين سقيفة وعاد دروج وفي ديك سقيفة كاين فوطوي ابيض تما الي غايبقى برا يطل على الطبيعة والقرية الي كيبانو اكواخها من فوق خارج دخان التدفئة والطبخ...
نوار"كتشوف وتدور راسها لور حتى شاف فيها ياسين "
ياسين : عجبك ؟
نوار"حركات راسها"
ياسين : تبقاي ساكتة ؟
نوار"هزات فيه عينيها ونطقات ببرود" : شنو بغيتيني نقول ؟
ياسين"ضرب ليها منخرها بخفة " : نوار المفششة الي كنعرف جوج كلمات بجوج دمعات ...
نوار : عيييت من البكا....
ياسين : شنو كنتي كديري من دابا شوي قبل "غمزها"
نوار"تفكرات البوسة وحدرات راسها كتدوي بحرقة" : كنت كنقوليك نتا الي كتبكيني ونتا بوحدك الي كتمسح دموعي ...ونتا الي مرضتيني ونتا الي داويتيني ....دابا ...
ياسين"عقد حجبانو" : دابا شنو ؟
نوار"نطقات مضيومة " : دابا بغيت ندوز هاد ليام ضاحكة فرحانة كنت ناوية ندورو نتصورو مع بعضياتنا ايامنا ماتنساش نبقاو نتفكروها ديما ..."هزات كتافها وعوجات فمها"
ياسين : علاش مغاديش نعاودو نرجعو هنا ولا اي بلاصة فدنيا نمشيو ليها ...عايشين حياتنا مرة خدمة مرة مفوجين فقنت من بلدان الله ...الغيار كيوقع بين المراة وراجلها ...
نوار"هزات فيه عينيها شفارها فيه دموع" : مافهمتش انا علاش لدابا ساكت مباغي تقول والو علاش بغيتي غير تفقصني ...من البارح وانا على دمعتي لدابا ونتا باغي غير تبكيني وتقهرني ...شنو دابا ؟؟؟
ياسين"دورها قدامو وتقابل معاها" : ماعاش ولا كان الي يفقصك ومنخليش الي يفقصك ...
نوار"ضحكات بلهلا يطريه ليها" : ههههه ودابا اش كدير ؟ "هزات ايديها كتشير " اش كدير ؟ شكون هادي ؟ علاش معرفتينيش عليها ؟
ياسين"حرك راسو ضار كيشوف هنا وهنا ورجع تقاد مقابل مع وجهها كيمسح دموعها" : هادي نتي تعرفيها شكون وهي معندها بيا غراض فحياتي كيما كانت الي عندو بيا غراض من ساسي لراسي هو نتي ...الي خاص بيا نتي تعرفيه ...
نوار"ضحكت معوجة فمها باستهزاء" : تههه وا مقلتي ليا هي شكون معرفاتني انا شكون معرفنا عليك ولا عليها والو ...بغيتي غييييير تفقصني صافي...
ياسين"تحنى باسها " : الي وصليك شكون هادي حتى عرفتيني عندها مالو موصليك شكون هي مزيان ؟؟؟
نوار"عوجت راسها يمين شمال ورجعات شافت فيه" : الي وصليا غير خاف عليك فحالي كاملين خفنا حيث ماجيتي حتى لغذ ليه سخيت عليك حتى مخليني وحدي ...
ياسين : ابدا واش تسخاي عليا ...ميحتاجش تشكي فهادشي ونتي عارفاني معاك كيفاش داير نسخا على راسي ومنسخا بيك ...واقيلة كتسناي حتى نغيب عليك غيبة الدوام عاد تعرفي !!
نوار"بلا متحس" : الله يحفض "صوتها تغنغن" اهى واااا فقصتييييييني فقصتيني اهى اهى...ومالك هاكا مالك مكتقول الحاجة حتى تفقصني ...
ياسين"رفع حاجبو بصدمة كيسمع لهضرتها كي ولات مطلوقة بزاف فعز المشكيل من جيهتو " : شفتي علاش ؟ باش نشوف هاد ردة الفعل الي درتي ونسمع هضرتك الي لغيتي بيها فطوموبيل ...ونسمع منك اناني... الحاجة الي كنتي كتخبي هنا "حط ايدو على قلبها" تخرج متبقاش نوار الساكتة حتى تمرض ...كان فنيتي ديك ساعة مع تفيقي نعاود ليك شنو وقع وشنو جرا..من الي خرجتيها من فمك خليتك تكملي وسكت باش تبقاي مكملة وتخرجي وتعرفي تحاوري وتناقشي عند اول مشكيل بيناتنا ...
نوار"هزات ايديها فزوج ملاقياهم" : وعلااااش مديتينيش معاك علاااش خليتيني هاني تفقصت وخرجت الي فقلبي ...علاش مديتينيش ؟
ياسين : مكرهتش نوار مكرهتش نديك معايا فكل دقيقة وساعة ...نديك توقفي على شنو نتقدا وشنو نديو ومعامن تلاقيت..."رجعات بيه الذاكرة لحوار الي ار بينو وبين طبيب ديالها اختصاصي الاعصاب والصرع "
أنت تقرأ
نور الياسين
Разноеمنقول هاني وجعت من جدييد له في قصة الي ممكن نقول تابعة لقصة يامنة وممكن تكون لا يعني الى مقريتيش يامنة بلا مترجعي تقرايها باش تفهمي هادي ...ولا ديال عائلة رمسييس القصة الي تسنيتوها شحاااال هادي والي نقول تولدات قصتو وسط القصة ديال واليديه فرض الحضور...
