نور الياسين

البارت 13

ايوى كل زوجين راه عندهم طريقتهم فالتعبير عن الحب التعبير عن الاشتياق العشق القبل العناق ...هو قادر انه فلحضة ينسيها العالم الي عايشين فيه ويصنع ليها عالم خاص بيهم بزوج ...وهي فلحضة بالكياتة ديالها والعفوية انها طيحو فشباكها وتخليه هو راسو يصنع ليها هاد العالم …هادو هما الازواج نهار مخاصمة نهار حب نهار بنهارو وكل نهار واش فيه ولكن صبر خاص يكون حاضر ديما لان صعب اي زوج يكونو مفاهمين لاقصى درجة لان كل شخص وطبع ديالو وتواحد ميشبه لاخور الا في بعض النقاط الي كتكون مشتركة ...
من بعد ماتش اخور ضار بيناتهم تلاح على ضهرو داير ايدو على عينيه كيلتاقط انفاسو من بعد معركة دوز عليها ماشي دوزوها حيث هي مسكينة غا تابعاه فاش دار مزال معندهاش الخبرة الكاملة انها تبادل مع وخا هكاك كيحس بيها انها تاهي كتبغيه فالفراش وبصراخها واهاتها كيعرف انه وصلها لداك الشعور وجرباتو (على قول اريا ستارك تجربة ذلك الشعور هههه ) ....
نوار"جرات الغذا عليها مفرقة رجليها كتلتاقط انفاسها ..." : بغيت نشرب ...
ياسين "ضور راسو حيث كانت حداه القرعة هو بقا عريان ماجرش عليه الغذا معندوش علاش يحشم اصلا وراها حلالو علاش غايحشم ...خوا ليها الما ومد ليها الكاس ..."
نوار "شربات وحطات الكاس حداها رجعات كتنفس " : اوفففف ...
ياسين : دوشي ؟
نوار" خسرات سيفتها حيث عيات " : نوو مافياش بغيت نعس ...
ياسين "ناض من حداها وتحنى عليها هوووب هزها بين ايديه ماهضرت ماتكلمت عارفاه هزها مكاين نقاش هو قاد بمسؤلياه دخلها لدوش دوش ليها عاونها وصافي دغيا قرب ليها لبرودوي باش تعوم وعاونها دارت فوطة وهزها حطها فوق ناموسية " : نعسي بلا ماتلبسي البيت سخون ...دابا حسن ..."باسها فشفايفها ومشا هو يدوش تاهو "
شروق شمس يوم جديد ...لبسات حوايجها من بعد ما فطرات وطلعات لبسات غير سورفيت كحلة فيها كتبك بالبيض وسروالها سليم وسبادري بيضة جمعات شعرها اسفنجة مهملة هزات صاكها فيه لوازم ديالها تيليفون وشارج وبزطامها ...تقابلت مع المري دارت ايلاينر خفيف و عكر غوز تاهو خفيف فالدرجة ديالو رشات بارفانها ...عاد نزلات لقاتو كيتسناها ....
صهيب : مشينا ؟
مينة : يلاه عمو مشينا ...نمشي معاك فطوموبيل ؟
صهيب : لا دي ديالتك خليت طوموبيل لياسين حيث ياسين خسر ديال بوه وبغا يدي ديالي تاهي يخسرها ...
مينة : هههههه غا ساعف معاه راه كيتسنا هاد اليومين توصلو طوموبيل الي شرا ...
صهيب : وايلي تانتي غا نضحكو مهم يسلك راسو ...مشينا ؟ "شاف فساعتو " باش منتعطلش نحطك ونمشي لمحكمة واحد الجلسة ديال طلاق شديتها بزز خاصني نحيدها ليوم ...
مينة "تابطات دراعو " : يلاه يلاه ...
ركبو بزوج وانطالقو شدو طريق فاس ...مسافة الطريق حتى كان دخلو لمدينة مسافة طريق اخرى حتى وقفها قدام لا كلينيك ...
صهيب : الى ساليتي طلعي لبرطما را فيها ايساف دابا باقي بقاي معاه نسالي ونرجعك لازرو ...
مينة : صافي مزيان حيث خاصني نبقا معاه بغا يكمل الخدمة مع اركان قاليا وقت الي ساليتي ليوم وصلي عليا باش نعطيه المعلومات الي بغا ديال شركة ...
صهيب : وعليه ...
باستو فراسو شكر واحترام ليه حيث وصلها ومن ديما كديرها ليهم كاملين ...رضا عليها ونزلات دايرة صاكها جنب حيدات نضاضر دشمس حتى هزات عينيها فاسم الكلينيك ...."طيبة"
رجعات نضاضر وحنات راسها ودخلات ...علاش داخلة هي اصلا ؟ كان ممكن ترسل باقة زهور ممكن تعيط فتيليفون تعتاذر وتستفسر منها ...علاش لقات رجليها وصلوها لكلينيك وهي داخلة وفي عقلها غييير هو الي دار حادثة ...لحد الان مزال ماعرفاتش راه وقعات ليه بسبابها هي ...رجليها وصلوها بناءا على طلب الام ديالو ...ممكن احتارمتها وماقدزاتش ترجع السيدة في مقام امها ....
وصلات الاستقبال سولات على الاسم والتيليفون فوذنها كتاصل بيها ماجاوبتهاش عدة اتصالات حتى سولات على سميتو عاد مشات لغرفة ديالو ...بالصدفة لقات البروفيسور واقف هو وطبيبة الي هي بنتو والحاجة ...كملو معاها وهي ضور شافت فيها وابتاسمت ...
ماجدة "شيرات ليها " : اجي بنتي ...
سمية "شافت فين كتشير طلعاتها وهبطاتها " : احم مهم الحاجة نسالي هاد الليلة والى بغيتي نوصلك معايا ...
ماجدة : ان شاء الله بنتي الله يرضي عليك ...
مينة "مشات طبيبة وقربات لعندها سلمات عليها" : خالتي سمحي ليا ماجيتش البارح كان عندي واحد الضرف ...
ماجدة "حطات ايدها على كتفها " : مااعليش ابنتي من الخير ...
مينة "حكات شعرها من لور ونطقات بخجل " : احم كيف بقا ؟
ماجدة : اللهم لك الحمد ربي شاف فيه وصافي ...دخلي تشوفيه ابنتي ...يلاه بغات تقوليها بلاش قلبها ولا يضرب حتى شدات صدرها حيث شحال ماشافتو مافهماتش علاش بدات كتوتر وترعد ...ماجات فيه تنطق حتى لقاتها سبقات وحلات الباب شافت فيها وشيرت ليها براسها باش دخل ...