အိမ်ကြီးရှင်ရဲ့ ကောင်းချီးလေး[Complete]

Part(29)/Unicode

"ချစ်ခြင်းမေတ္တာ"ဆိုသည့် စကားဟာ
သိပ်နက်ရှိုင်း၏။ ချစ်ခြင်းနှင့်မေတ္တာကို ပေါင်းစပ်ထားသလို ခံစားရသောသူမှာလည်း တသိမ့်သိမ့်ကြည်နူးရပြီး ချစ်ရသူအား နွေးနွေးကလေး ထွေးပွေ့ချင်လာစေသည်။

သို့သော်ငြား တစ်ခါတစ်ရံကျ ဘ၀ဟာ
ပြဇာတ်ဆန်လွန်းသည်လေ ။
ထိုသို့ပင် သူတို့ဘ၀တွေဟာလည်း ပြဇာတ်တစ်ပုဒ်ထဲကလို ကံကြမ္မာဆိုတဲ့ ဇာတ်ဆရာအလိုကျ..။

ကံကြမ္မာဟာ သူနဲ့နှုန်းကို တွေ့ဆုံစေခဲ့ခြင်းဖြစ်သော်ငြား
၄င်းကံကြမ္မာကပဲ သူနဲ့နှုန်းကို ဝေးသွားစေပြန်၏။

မည်သို့သော်သောမျိုးစိတ်ကလေးမှန်းမသိကတည်းက တစ်မြတ်တနိုးနမ်းရှိုက်ခဲ့ရတဲ့ ပန်းကလေးဟာ အခုတော့ လေ့အဝှေ့မှာ
သူ့အဝေးကို ကြွေလွင့်သွားသလို ..
ထိုအမျိုးသားဟာလည်း သူ့အနားက ထွက်ခွာသွားခဲ့သည် ။

အကြောင်းပြချက်ဟူ၍ ရေရေရာရာမရှိ။
သူ့သွေးသားလေးနှင့်အတူ သူ့အနားက ထွက်ခွာသွားပြီး
အဓိပ္ပာယ်ကောက်ရန် ခက်ခဲလှ
သည့် စာတစ်စောင်ကိုသာ ချန်ထားပေးခဲ့၏။

{ ကောင်လေး .. နှုန်းမရှိတုန်းလိမ်လိမ်မာမာနေရမယ်နော်..
နှုန်း မင်းအနားက ထွက်သွားတာဟာ ဘ၀တစ်သက်စာအတွက် အပြီးတိုင်မဟုတ်တာမလို့ နှုန်းပြန်လာတဲ့အထိ စောင့်ပေးမယ်မလားဟင် ~ နှုန်းရဲ့ခံစားချက်တွေ သိပ်ကို ရှုပ်ထွေးနေတယ်
ကောင်လေးရယ် ဒါပေမဲ့ သေချာတာတစ်ခုက နှုန်းမင်းကို
မမုန်းရက်သလို မင်းအပေါ်မှာ စိုးစဥ်းလေးတောင်
မကောင်းမြင်လို့မရခဲ့ပါဘူး ၊

နှုန်းဘ၀မှာ မင်းဟာ ပထမဆုံး မြတ်နိုးရတဲ့ နှင်းဆီလေးပါ။
နှုန်းတစ်ဘ၀လုံအတွက် မင်းကို နမ်းရှိုက်ချင်သေးတာမို့ နှုန်းရဲ့
ပျိုတိုင်းကြိုက်တဲ့ ကလေးအဖေရွှေရောင်နှင်းဆီခိုင်လေးက
စောင့်နေပေးရမယ်နော် ။

ကလေးတွေနဲ့ မင်းကို ခွဲထားတယ်ဆိုပြီး
ငါ့ကို စိတ်နာချင်နာလိုက်ပါ ကောင်လေး
ဒါက ငါ့လိုအသုံးမကျတဲ့သားတစ်ယောက် နောက်ဆုံးအနေနဲ့
လုပ်ပေးနိုင်တာဖြစ်လို့ပါ။

ငါ့ကိုလိုက်မရှာပါနဲ့ ~
ငါမင်းရှာမတွေ့နိုင်မဲ့နေရာမှာ အလုံခြုံဆုံးရှိနေပါတယ်