"သမီးတို႔ေရ ၊ အျမန္ျပင္ၾကကြယ္
သူေဌးႀကီးေစာင့္ေနရရင္ အားနာစရာေတြ
ျဖစ္ကုန္မယ္ "
အခ်ိန္ကား နံနက္၈နာရီပင္ မထိုးေသးေသာ္ျငားေဒၚျမလြန္းညို၏ အကဲပိုပို ႏိႈးေဆာ္သံက တက္ႂကြစြာပင္ ထြက္ေပၚလာ၏။
နီညိုေရာင္ပါတိတ္ဝမ္းဆက္ကို ေက်ာ့ေမာ့ေနေအာင္ဝတ္ကာ စိန္စီဘရက္ျဖင့္ တခမ္းတနားျပင္ဆင္ထားသည့္ ေဒၚျမလြန္းညိုက ဧည္းခန္းထဲမွ ေန၍ ယခုတိုင္ ဆင္းမလာေသးသည့္ သမီးျဖစ္သူမ်ားအား ေအာ္ေခၚေနသည္။
ဒီေန့ဟာ ႏႈန္းကို ေဆျြပမ်ိဳးျပအေနျဖင့္ "FAME"အိမ္ေတာ္ႀကီးထံသို႔ ေခၚေဆာင္သြားရမည့္ေန့ ျဖစ္သည္ႏွင့္အညီ သူမတို႔ သားအမိေတြကပါ အေသအခ်ာ လိုက္၍ႀကီးၾကပ္ေပးရမည္မဟုတ္လား။
သခင္ႀကီးေစာေစးလ်မ္းက ပံုႏႈန္းအား ျမင္ေတြ့ဖူးပါေသာ္လည္း ဓာတ္ပံုထဲတြင္သာ။
လူကို ကိုယ္တိုင္ကိုယ္က်ေတြ့ျမင္ဖူးခ်င္ပါသည္ဟု ဆိုလာေတာ့လည္း သူမတို႔ဘက္မွ ျငင္းရန္မသင့္။
တစ္ခ်ိန္တစ္ခါက်လ်ွင္ မိသားစုေတျြဖစ္လာမယ့္ အတူတူ အခုကတည္းက တရင္းတႏွီးဆက္ဆံထားသင့္သည္သာ။
ဒါမွ ေနာင္မ်ားအေနျဖင့္ လိုအပ္သည့္ကိစၥတို႔ရိွလ်ွင္ လက္မခက္မည္မဟုတ္လား။
"ခတၲာညို ပုလဲညို !
ညည္းတို႔ ၾကာလွခ်ည္လား
ႏႈတ္ခမ္းနီဆိုးေနတာလား ႏႈတ္ခမ္းနီ ဝါးစားေနၾကသလား "
"လာၿပီ မာမီ၊ ခဏပဲ ခဏပဲ"
ေဒၚျမလြန္းညိုက သည္းမခံႏိုင္ေတာ့စြာ ထပ္၍ေအာ္လိုက္ေလေတာ့မွ သမီးႀကီးျဖစ္သူ ခတၲာညို၏ အသံစူးစူးက စြာကနဲထြက္ေပၚလာ၏။
ထို႔ေနာက္ မၾကာမီပင္ အိမ္အေပၚထပ္ေလွကားမွ ႂကြၾကြရြရြဆင္းလာေသာ သမီးျဖစ္သူႏွစ္ေယာက္အား ေတြ့လိုက္ရသည္။
"ဟင္ "
ေဒၚျမလြန္းညိုတစ္ေယာက္ သမီးျဖစ္သူေတြရဲ့ ဝတ္ပံု၊စားပံုကို ၾကည့္ရင္း ထိုေနရာမွာပင္ ေသြးေဆာင့္တက္မလို ျဖစ္ရ၏။
အႀကီးမျဖစ္သူ ခတၲာညိုက ရင္ဟိုက္ေသာဆြဲသားအက်ႌကို ဒူးအေပၚေလာက္ထိတိုတိေနသည့္ ကိုယ္က်ပ္ စကပ္ျဖင့္ တြဲ၍ ဝတ္ဆင္ထားသည္။
ESTÁS LEYENDO
အိမ်ကြီးရှင်ရဲ့ ကောင်းချီးလေး[Complete]
Romanceနှုန်းဟာ အန္တရာယ်များတဲ့ သက်ရှိအနုပညာလေးပဲ တို့မိ၊ထိမိလိုက်တာနဲ့ ဘဝတစ်ခုလုံး ပုံအပ်ချင်မိလောက်တဲ့အထိ ဆွဲအားကြီးတယ်...။ ********************************************* [Uke မိန်းကလေးလိုနေတာမျိုး၊weakဖြစ်တာမျိုး မကြိုက်ရင် မဖတ်ပါနဲ့ဗျ( Mentally Strong...
![အိမ်ကြီးရှင်ရဲ့ ကောင်းချီးလေး[Complete]](https://img.wattpad.com/cover/312367568-64-k577620.jpg)