ဒီနေ့ စနေနေ့မို့ ကျောင်းမသွားရဘူး။ ပြီးတော့ မေမေလည်း ဒေါ်လေးစီမတို့နဲ့ အလှူလိုက်သွားပြီမို့ အခု အိမ်မှာ ကျွန်တော်တစ်ယောက်တည်းပဲ။ တစ်ယောက်တည်းဆိုတော့ နည်းနည်းတော့ပျင်းဖို့ကောင်းတယ်။ ပျင်းလို့ ဇော်နိုင်ဦးကို ဖုန်းဆက်ခေါ်ပေမဲ့ အဲ့ဒီကောင်ကမအား။ ဟိုဘက်အိမ်ကို လှမ်းကြည့်တော့လည်း လူအရိပ်အယောင်ကို မမြင်ရ၊ စီးတော်ယာဉ်ကိုပါ မတွေ့ရတာမို့ ကျွန်တော် ဖုန်းထုတ်ပြီးစာလှမ်းပို့လိုက်တယ်။
💬ဘယ်သွားတာတုန်း
ကျွန်တော်ပို့လိုက်တော့ သူ့ဘက်ကလည်း ချက်ချင်းစာပြန်လာတယ်။
💬အပြင်
💬ဘာသွားလုပ်တာတုန်း
💬မနက်စာထွက်ဝယ်တာ
💬အတော်ပဲ ငါ့အတွက်ပါ ဝယ်ခဲ့ပေးလို့ရမလား
ကျွန်တော်ပို့လိုက်တော့ သူ့ဆီကနေ ချက်ချင်းဖုန်းဝင်လာတယ်။ ကိုင်လိုက်တော့ ဘာစားချင်တာတုန်းတဲ့ ကျွန်တော့်ကိုမေးတယ်။
"ရတယ်၊ အဆင်ပြေတာဝယ်ခဲ့"
"ဘယ်ဟုတ်မလဲ၊ စားချင်တာပြောလေ၊ ငါဝယ်လာပြီးမှ မကြိုက်ဘူးဆို ဘယ်လိုလုပ်မှာတုန်း"
"အဲ့ဒါဆို ကြေးအိုး၊ ကြက်သားနဲ့"
"ငါ့ကိုကြာအောင်လုပ်ပြီ"
"မင်းပဲစားချင်တာပြောဆို"
"ဟုတ်ပါတယ်... ဝယ်ခဲ့ပါ့မယ်"
"နေဦး မင်းအိမ် သော့ခတ်ခဲ့တာလား"
"မခတ်ဘူး... စေ့ရုံပဲစေ့ထားတာ"
"အေးအေး... ငါ မင်းအိမ်ကစောင့်နေမယ်"
"သဘော"
ပြောပြီးဖုန်းချသွားတယ်။ သူဖုန်းချသွားတာနဲ့ ကျွန်တော်လည်း အိတ်တစ်အိတ်ယူ၊ အဝတ်အစား သုံးလေးစုံထည့်၊ လိုအပ်သမျှ အသုံးအဆောင်လေးတွေပါထည့်ပြီး အထုတ်ပြင်လိုက်တယ်။
နောက်တော့ ခြင်းတစ်ခြင်းပါယူ၊ မေမေကြော်ပေးခဲ့သမျှ အခြောက်အခြမ်းတွေကို အဲ့ဒီခြင်းထဲ အကုန်ထည့်ပြီး ဟိုဘက်ကိုသယ်ဖို့ပြင်တယ်။ မထူး ညသွားအိပ်ရမှာပဲလေ နေ့ပါနေလိုက်လည်း ဘာမှမဖြစ်ဘူးမလား။
