الجزء: 37
♦️ أهل الغرام ♦️
بقلمي: نونة ✍🏻
رحمة: (لاحظات نظرات داوود العصبية و سخطه، تبسمات باغا تلطف الجو و تقدمات ناحيته، جلسات جنبه مبسمة) هاد الجمعة بيناتنا كاتريحني، اليوم عجبني الحال بزاف مع البنات، عاونوني فالطياب و هيام نصباتلنا الحريرة
بسمة: (جلسات مقابلة معاها) فاش جينا الريحة خلات معدتي كاتزغرت بالجوع ههههه (شافت فهيام) خاصك تعطيني الطريقة اللي كاتنصبي بيها الحريرة!
هيام: (تبسمات بخجل) ههههه واخا كوني هانية
جلسو مجمعين علاما يوصل وقت المغرب، حتى سمعو صوت خطوات شي حد مقرب للصالون، علات راسها مترقبة شكون، غير بانلها شعيب .. ناضت عنده بسرعة بفرحة
رحمة: الحبيب ديالي كانتسناك من قبايلة
شعيب: (تبسم و بادلها العناق) هانا جيت غير كانو عندي شي لعيبات كان خاص نقادهم
علا راسو فالجميع شاف فباه و بادله تا هو الشوفة بنظرة بجوج عارفين المعنى ديالها، كان مبدل حوايجه بجابادور و سروال قندريسي بينوه فحال شي عريس، حسن و قاد لحيته و معطر .. الوسامة كاتنقط منه فحال العسل، عينيه كانو كايدورو عليهم كاملين حتى حبسو عليها .. كانت جالسة وسط البنات بإطلالتها التقليدية البلدية، كاتبان رقيقة مثل وردة بنفسجية .. مع بشرتها الحنطية و داك اللون اللي لبسات جا مع بشرتها .. بانت بسيطة و فنفس الوقت خاطفة للأنفاس .. دور عينيه من عندها لداوود من جديد غير تقابلو هاد المرة بنظراتهم تنهد مفكر كلامه ليه البارح .. زير على قبضة يده بقوة و رجع شاف فمو تبسملها و باس على جبهتها
.............
على آذان المغرب، مجموعين كاملين عند الصالة مونجي الطويلة .. كاملين فرقو صيامهم بالتمر و الحليب كايدعيو بدوام النعمة و طول العمر و راحة البال و جمعتهم دوم
داوود: الله يدوم جمعتنا (شاف فيهم كاملين و تبسم) النهار اللول داز طويل شوية بصحتكم كاملين و الله يخلينا مع بعضنا
رحمة: (بفرحة) الحمد لله على هاد الجمعة اللي تجمعنا و الحمد لله حيت تا شعيب معانا هاد العام (شافت فيه و تبسمو لبعضهم) انا فرحانة بزاف ربي يخليكم ليا
داوود: (شد يدها زير عليها و هزها لفمه، باسها قبلة رقيقة و قرب همسلها فوذنها) شهاد السر كاينزل عليك فكل رمضان هممم؟
سمعات همسه بدات كادور عينيها حشمانة و تزنگات كتهمسليه
رحمة: بديتي ثاني؟
ضحك كايدوز يدو من وراها كايتحسس اسفل ضهرها بصباعه و هي كاتصفار و تخضار بين يديه و دور فعينيها تا قرب باسها بين تجويف عنقها قبلة خفييفة كتبورش خلاتها تزيد تزنگ كثر قلبها باغي يسكت!
البنات قشعوهم .. بداو كايتغامزو عليهم فحال حالتهم و بداو فطورهم فجو عائلي، هيام نزلات عليها واحد التزنيگة خلات خذوذها يبانو حميمرين و عامرين .. عينيها كانو كايدورو يمين و شمال .. مثوثرة من نظرات شعيب اللي حساتهم منصبين عليها كان كايشوف لجيهتها ماهزش عليها عينيه
أنت تقرأ
أهل لغرام 💍 ❤
Romanceقررت نحط هاد القصة هادي! هي جزء ثاني لقصة القابلة رحمة و لكن غانشير لنقطة مهمة نتمنى تقراوها! الناس اللي ماقراوهش الجزء الاول يقدرو يبداو معانا هاد الجزء حيت قصة مغايرة تماما، احداث بعاد على الجزء الاول و اي حاجة غاتحتاجو تفهموها غاتفهملكم مع الاحدا...
