الجزء: 96
♦️ أهل الغرام ♦️
بقلمي: نونة ✍🏻
تقطع عليها الخط عقدات حواجبها مستغربة و حطات التليفون فمكانه .. دورات راسها فالدار شافت لوراها و تبسمات ليه كان كايشوف فيها قربات عنده كاتمايل بمشيتها على الوحدة و نص .. جلسات فوق رجليه مدورة يديها عليه و قربات باستو فشفايفو قبلة فرنسية من داكشي الرفيع!
بعدها من عليه بشوية بعدما كان منساجم معاها فالقبلة و يديه قابطين فجنابها
"اش هاد القاعدة فيك كاتجاوبي على تليفونات الناس؟"
هزات كتافها بدلع كاتمتم بخفوت
"كاتصوني و هو ناس! صدعني و جاوبت عادي مالك؟"
تأفأف بصوت عالي و تمتم بجدية
"راك عارفاه مكايبغيش اللي يجاوب على تليفونو فبلاصتو، غاينوض مقطوع يتعرا عليك"
ضحكات ضحكة مسموعة كتكسل فوق منه
"واش شعيب يتقلق مني انا؟ اصلا انا وياك واحد معاه هو .. مكاينش فرق بيناتنا تا انت مرة مرة كاتصيفطليه ميساج من عندي ولا كاتصوني عليه و لا گاع كادير راسك انت هو انا كاتبغي دخليه الدغل فيا فداك الضحك الباسل ديالك واخا عارف داكشي ديال شحال هذا و عادي جدا!"
تنهد جارها لعنده و تبسم
"ياسمين يا ياسمين من نهار تزوجنا و انتي غادة و تزياني! اشنو السر؟"
ياسمين: (قهقهات قهقهة مسموعة) سفيان يا سفيان .. الحليب ديالك السبب ابب هههههه
عض شفته شادها مغزف عليها و ناض بيها بين يديه لبيتهم يدوزو معركة و حرب فوق سريرهم!
.................
داخلة لداك الريسطو مثوثرة و دقات قلبها متسارعين .. وقفات ضامة يديها لبعض بصاكها هازاه و كاتقلب عليه بين الطبالي حتى سمعات صوته نادى سميتها من وراها، دارت بسرعة لعنده و تبسمات داخلها كايرجف
سلمان: (قربلها كايطلع و ينزل فيها) لاباس عليك؟
تويا: (الرجفة متحكمة فيها كاتنفس بالجهد حركاتليه راسها بالايجاب كاتشوف فالكدمات د وجهه و يده اللي معلقة برأفة)
ورق نظراتها، تحنحن كايحك على رقبته و نطق بجدية و هو مبسم بدفئ
سلمان: عادي ماشي شي حاجة خايبة هههه بعدا هذا ديالك (مدلها واحد الشاصي فيده عطاهلها)
شداتو من عنده و هي مثوثرة .. شافت شنو فوسطو و تبسمات عينيها كايلمعو شافت فيه .. كان صباطها اللي خلاتو وراها داك النهار .. تبسملها بخفة و همس بخفوت
سلمان: السندريلا عاودات تلاقات مع الامير و عطاها صباطها!
تويا: (جبدات تليفونها كتبات فيه) شكرا بزاف، عزيز عليا هاد الصباط
سلمان: تا انا تهليت فيه و قلبت عليك من بعد الحفل و لكن ماكانتش سميتك من المدعوين!
تويا: حيت جيت مع صاحبتي و صافي، فاش عرفت الحفل ديالك تحمست نحضر
أنت تقرأ
أهل لغرام 💍 ❤
عاطفيةقررت نحط هاد القصة هادي! هي جزء ثاني لقصة القابلة رحمة و لكن غانشير لنقطة مهمة نتمنى تقراوها! الناس اللي ماقراوهش الجزء الاول يقدرو يبداو معانا هاد الجزء حيت قصة مغايرة تماما، احداث بعاد على الجزء الاول و اي حاجة غاتحتاجو تفهموها غاتفهملكم مع الاحدا...
