الجزء: 124
♦️ أهل الغرام ♦️
بقلمي: نونة ✍🏻كرسيها مبعدة بيه على كرسيه جراتو لقبالته و كاتشوف فيه بحذر لا يعاود نفس الفعلة و يقرب جيهتها و هو كلينيكس بين يديه كايمسح فشعرو و وجهه و لحيته و كايشوف فيها عاقد حواجبه
هيام: (بنرفزة) ماتخنزرش فيا، ماعرت شكون خاصو يخنزر
تبسم ابتسامة جانبية و تكا بالغمرة د يده على الطبلة كايشوف فيهاشعيب: غا ضحكت معاك انتي اللي فزعية
هيام: (بعبوس) الضحك فحال هداك غير خلييه عندك مابغيتوش
شعيب: واخا اسكايريةغمضات عينيها بقوة و تخشات بوجهها فوسط عنقها كاتفكر المقطع اللي قراه دالقصة
شعيب: (شافها تزنگات ثاني و هو يتمرح فوق الكرسي ديالو متبعها بملامح مستمتعة) قوليليا صدقتي كايعجبك المسخ د السكايريات فحالك؟
هيام: (غطات وجهها بيديها كايرجفو بصمت)
شعيب: (غالباه الضحكة و حابسها) اش كايعلموكم تما؟ هادوك قصص زعما؟ (الصمت من طرفها) ااه و البوزيسيون دالقنطرة هي اللي تصلاحليك صراحة (ناضت مقادراش تزيد تگلس تا حبسها بصوته) غا جلسي صافي مانعاودش
صرطات ريقها بصعوبة و جلسات كاتهزهز فرجلها و حلقها شاحف عليها .. تا جابتلهم الحاجة الماكلة، زوقاتلهم الطبلة بالحوت مشكل، مشوي و مقلي و مطيب و طويجن كولشي على حقو و طريقو
الحاجة: (شافت فهيام) ياك ابنتي شوية دابا؟
هيام حركاتلها راسها بالايجاب الصوت ملاقياهش اللي تتجاوب معاها
الحاجة: و بصحتكم اوليداتي، زريقة الحوت اللي كايعجبك قاديتولك كيفما كاتبغي
شعيب: (بابتسامة) لهلا يخطيك الحاجة (شد يدها باسها مبسملها بطريقة رجولية)
مشات و هو يشوف فيها لقاها غاتبدا تاكل
شعيب: ناكلو الحوت و موراها ندوزو لمول زعزع نضربو شي كويسات د لاڤوكا باللوز مطحونهيام: (تحنحنات مباغاش تعيق تا هي بردة فعلها) احم و وخ
شعيب: ايه موراها نيشان نمشيو للدار و نتخشاو فبيت النعاس حيت لا بقينا كاندورو نقدر نتكيك يا فالطموبيل ولا فالصالون قدام امة لا اله الا الله
شافت فيه واحد الشوفة مغزفة كاتحلف عليه و هو كايدوي من نيتو ملامحه جادة
هيام: قلب عليا شي نهار نقجك
شعيب: (تبسم) مالك كاعية لاتكعايش
هيام: الله يرزقني برودة دمكشعيب: (غمزها) لا دمي سخووون و حامي
هيام: (خشات وجهها فطبسيلها كتاكل بلا ماتجاوبو)شعيب: (كياكل و يطلع فيها و يهبط) بزازلك كبرو مؤخرا مكانوش قد هكاك قبل مانسافر!
أنت تقرأ
أهل لغرام 💍 ❤
Romanceقررت نحط هاد القصة هادي! هي جزء ثاني لقصة القابلة رحمة و لكن غانشير لنقطة مهمة نتمنى تقراوها! الناس اللي ماقراوهش الجزء الاول يقدرو يبداو معانا هاد الجزء حيت قصة مغايرة تماما، احداث بعاد على الجزء الاول و اي حاجة غاتحتاجو تفهموها غاتفهملكم مع الاحدا...