الجزء: 126
♦️ أهل الغرام ♦️
بقلمي: نونة ✍🏻رحمة 📩 للصراحة انا معجبة كبيرة بيك، كانجي للريسطو غير باش نشوفك، كاتجي معاك اللبسة ديال الشيف ... كاتحمقني
كانت ضانة تا هاد الميساج غايخليلها vu عليه تا جاوبها
داوود 📩 جاني فضول نشوفك شكون انتي من دوك الزوينات اللي كايجيو عندي؟ صيفطيلي تصويرتك نقدر نكون كانعرفك و تقدري تكوني كتعجبيني تا انا!
غير قرات داك الميساج طلعات معاها الصهدة و هزات ضفارها لفمها كاتعض فيهم و تنفس بقوة و تمتم
رحمة: كنت عارفاه الزهواني لاخر خاصو غير اللي تجبدو اننن هنننن
داوود 📩 فين مشيتي جاوبيني؟
رحمة ولات كولها حمرا مزنگة كترجف
📩 وخ انا نصيفطليك تصويرتي ولا اش بانليك ندويو آپيل فيديو؟
داوود 📩 اهاه ندويو انا نصونيليك!
رحمة 📩 صبر انا اللي نصوني عليك
شوية جات فكرة لذماغها و عاودات سيفطاتليه
رحمة 📩 بعدا واش مزوج، راجل زوين و محترم فحالك تقدر تكون عندو شي مرا فحياتو وانا ماكرهتش نعرف اش عندك؟
داوود 📩 لا لا مامزوجش كنت مزوج فأيام الشباب و لكن مرتي توفات الله يرحمها من ديك الساعة وانا وحداني باغي اللي تونسني!
عينيها خرجو فداك المساج، حلقها شحف و طلعات يدها لحنكها ندباتو
رحمة: اويلي .. اويلي اويلي اويلي اوييييلي الراجل نكرنييي، قتلنييييييي اويلي وعديييييييي اويلي
غززات سنانها خارجة من ديك المحادثة و صيفطاتليه بنمرتها الاصلية ميساج
📩 فينك شكادير؟
طول مجاوبهاش واخا كايبانلها اونلاين، خرجات للمحادثة الثانية و صيفطاتليه ميساج📩 نصوني دابا مامشغولش؟
فالحين جاوبها
📩 لا لا مسااالي ازوينةرحمة: (عينيها خرجو فالتليفون) زوييينة! اعععع و مجاوبنيش على ميساجي كايجاوب الكلبة (تفكرات راسها هي اللي مصيفطاليه بنفس النمرة) اوووف على فقصة
دخلات تصونيليه ابيل فيديو يلاه شعلات الكاميرا تا بانلها مقابل معاها التليفون بين يديه و مصغر عينيه فيها
داوود: مغاتبدليش فيك هاد الفعايل؟
رحمة: (شافت فيه معبسة) علاش دغيا كاتعيق بيا
داوود: حيت نتي مفروشة (جلس جنبها و دور عليها يدو) مغاديريش عقلك؟ غادة و تحماقي؟
رحمة: (تكات على صدره كاتفرنس) و نشوف زماني واش مل مني ولا اش قضيتو (علات عينيها فيه) هاد الخطرة واخا تعيق بيا دير راسك ماعقتيش و بلوكي النمرة دغيا
أنت تقرأ
أهل لغرام 💍 ❤
Romanceقررت نحط هاد القصة هادي! هي جزء ثاني لقصة القابلة رحمة و لكن غانشير لنقطة مهمة نتمنى تقراوها! الناس اللي ماقراوهش الجزء الاول يقدرو يبداو معانا هاد الجزء حيت قصة مغايرة تماما، احداث بعاد على الجزء الاول و اي حاجة غاتحتاجو تفهموها غاتفهملكم مع الاحدا...