الجزء: 102
♦️ أهل الغرام ♦️
بقلمي: نونة ✍🏻
طلقات عمر يلعب فالارض و عقلها مع رحمة اللي دور دور و تصوني عليه .. تا جاوبها بعد مدة طويلة
رحمة: (بلهفة) حبيبي اش واقع راه قلبي غايسكت بالخلعة عليك!
شعيب: (بصوت مبحوح و مهدود) الواليدة غي تهدني انا بخير
رحمة: اش وقع شنو؟
شعيب: صاحبي طراتليه واحد الحادثة يدو تقطعات
رحمة: الله يا ربي مسكين كي دايرة حالتو
شعيب: (تنهد) مزال مافاقش
رحمة: واش طرا هادشي فديك الخدمة ديالكم؟
شعيب: (مابغاش يشطنها) لا ماشي الخدمة غير تهناي انا غانمشي دابا القضية عندي مرونة شوية
رحمة: مابقيتيش غاتجي غدا؟
شعيب: (تنهد) لا مغانجيش غدا نقدر مانجيش فخطرة تا نقاد بلاناتي
رحمة: (شافت فهيام اللي متبعاها و تا هيام صوته كان كايوصلها كاتفرز كلامه) و عرس ختك قرب و تا الوراق د هيام و عمر...
شعيب: (بجدية) وراقهم وجدو شحال هذا غير انا مافيا مانجي موراهم عندي مايدار و مشغول تا نلقى الوقت، الواليدة يلاه غانقطع
قطع و رحمة علات عينيها فهيام اللي سمعات الشي اللي تقال، خاطرها تزير عليها و بلا ماتنطق ناضت من بلاصتها البكية شاداها، خرجات للجردة كاترجف و جلسات فالارض فوق العشب كاتمتم بحدة
هيام: اصلا شكون قاليه انا باغا نمشي معاه مزال! انا مرتاحة هنا ن نمشي نسافر لمدينة اخرى بعدما يجي، نطالقو و يعيش حياتو بالطول و العرض مانبقاوش معلقين فعناق بعضنا (عبسات كاتهزهز فرجليها بقوة قريبة طرطق) تفووووو على زمر تفو
..................
في مكان آخر و بالضبط فغرفة طبية مجهزة بأحدث الاجهزة، ممرضة كانت واقفة جنبه كاتقادليه السيروم و هو ناعس ماحاسش بالعالم حواليه
دخل للغرفة شخص فسن الشباب دياله .. طويل و عريض، ملامحه تنبع بالرجولة و الوسامة و عينيه منقضة كايدورهم يمين و شمال و شاف فالممرضة
الشخص: مكاينش تجاوب منه؟
الممرضة: (حركات راسها بالنفي) مزال ماعطى تا اشارة ولا تجاوب
الشخص: (تنهد) تقريبا خمس شهور و هو فغيبوبة بزاااف هادشي
الممرضة: دابا يتعافى و يفيق
ت
نهد الشخص كايشوف فيه كي ناعس مغيب .. زاد عقد حواجبه اكثر مزير عل قبضة يده و تمتم بجدية بنبرة صوت منكهة بالرجولة
الشخص: بنت دمراتك يا ودي يا ايوب، اخرتك مغيب خمس شهور على يديها (غزز سنانه) كانتسناك تفيق خلاص، حسابك خاصو يتخاد و انت فايق .. قوتك ماغاتلاشاش بهاد السهولة، دير عقلك و رجع خلاص راني باغيك فايق و حاضر و عقلك معاك باش نكملو ما بديناه (غزز سنانه للحالة اللي واصل ليها و تفكر فالشخص اللي بسبابه هو هاكا .. كرز سنانه بقوة كاينطق بحروف سميتها بنبرة متشددة) هووويااامممم
أنت تقرأ
أهل لغرام 💍 ❤
Romantizmقررت نحط هاد القصة هادي! هي جزء ثاني لقصة القابلة رحمة و لكن غانشير لنقطة مهمة نتمنى تقراوها! الناس اللي ماقراوهش الجزء الاول يقدرو يبداو معانا هاد الجزء حيت قصة مغايرة تماما، احداث بعاد على الجزء الاول و اي حاجة غاتحتاجو تفهموها غاتفهملكم مع الاحدا...
