حرب ووقعت الراء

الورقه الرابعه

طبعا فاكرين اخر حاجه قولتها... اوعوا تكونوا نسيتوا عارفين هسمعلكم كل كلمه قولتها من الاول خالص...اممم صحيح احنا وقفنا فين.. ايوه عند يزن وندي.. طبعا طبعا يعني حبتوني صح.. انا قمر اصلا.. يختاااي مش دا موضوعنا.. المهم نروح لندي ويزن.. لالا خلينا ف القسم...
__________________________________
بقسم الشرطه..
يوسف: انتي كويسه دلوقتي..
ريهام: اه الحمدلله.. انا.. انا بجد مش عارفه اقولك اي.. انا اسفه.. اي دا ثواني انت الي مفروض تعتذر..
يوسف: دا الي هو ازاي معلش..
ريهام: ايوه عشان اولا خبطت عربيتي الصغيوره.. وثانيا عشان كدبت عليا..واستغليت اني معرفش حضرتك مين وسبتني اتكلم كل دا....
يوسف بضحك: طب ي قمر انا اسف...
ريهام بضيق: مسميش قمر علي فكره..
يوسف بابتسامة: اممم بس علي فكره كان لازم يسموكي قمر عشان انتي قمر بجد...
ريهام بخجل: احم طب انا ممكن امشي..
يوسف وهو يفتح درج مكتبه: علي فين..
ريهام.: همشي بق..
يوسف: طب اتفضلي..
كان يمد يده ببعض المال..
ريهام: اي دا..
يوسف: حق تصليح العربيه..
ريهام: لا شكرا..
يوسف: شكرا اي خدي الفلوس انا غلطت ولازم اصلح الغلط..
ريهام: وانا قولت شكرا انا مسامحه ي سيدي..
يوسف: لا مينفعش اتفضلي الفلوس لو سمحت..
ريهام: لا اله الا الله... ما قولت مفيش داعي.. مش هاخدهم..
يوسف وبدأ صبره ينفذ: بت انتي خدي الفلوس انا مش بحب اكرر كلامي كتير...
ريهام بغضب: اولا اسمي ريهام مش بت ثانيا مش هقبل الفلوس حتي لو هتحبسني يلا بق...
ضحك يوسف بشده علي هذا المنظر الطفولي... لتغضب هي اكثر..
ريهام: هو اي الي بيضحك اوي كدا...
يوسف وكاد ان يقع من الضحك: اسف اسف والله بس بجد انتي لو شوفتي شكلك تموتي ضحك..
ريهام بحرج: ليه يعني....
يوسف ومازال مستمر بالضحك: اصل سوري يعني شكلك وانتي قصيره كدا ومتعصبه وبدبدبي ف الارض مضحك اوي
ريهام: انت قصدك ان انا قصيره...
يوسف بضحك: بصراحه اه..
ريهام وهي تكتم غيظها : انت... انت... انت قليل الذوق... انا غلطانه اني واقفه معاك اصلا انا ماشيه...
تحركت لتخرج ليمسك هو ذراعها فورا..
يوسف: طب استني بس..
نظرت اليه في ضيق.. ثم نظرت الي يده التي تمسك ذراعها..
يوسف: انا.. انا اسف مش قصدي... بس كنت هقولك متزعليش والله كنت بهزر معاكي.. وخلاص ي ستي بدال مش عايزه تاخدي الفلوس في حل تاني احسن
ريهام: الي هو اي بق..
يوسف باحراج: الي هو انك تقبلي عزومتي ليكي ع الغدا بكره..
ريهام: غدا..؟! ليه يعني..
يوسف: يعني بدال مش حابه تاخدي الفلوس واعتقد دا حل افضل... ممكن صح..؟
ريهام بتفكير وابتسمت له ابتسامه جذابه: اممم خلاص تمام اتفقنا..
مدت يده ليصافحها... ولكن نظرت هي الي يده وابتسمت ثم خرجت من المكتب..
اغلقت الباب لينظر هو في اثرها وترتسم علي وجهه ابتسامه جذابه.. تزيد من وسامته...
__________________________________
تعالوا بق عندي شويه... اي انا الي بحكي ومش مهتمين تعرفوا انا بعمل اي.. دي اخره تربيتي فيكم.. خلاص خلاص هكمل اهو...
_________________________________
وصلت شروق الي المنزل بعد عناء من زحمه السير..
شروق وهي تدخل الشقه وتصرخ: ماماااااااااااااا
الام وهي تجري بسرعه الي خارج المطبخ: اي اي في ايييييي....
شروق: في اي ي ست انتي خضتيني...
الام: انا الي خضيتك ي بت الهبله...
شروق: تؤتؤ عيب كدا ي ست الكل متقولش علي نفسك هبله دا انتي ست العاقلين...
الام: انطقي قولي بتصرخي ليه... وجايه بدري ليه.. واختك فين...
شروق: شوف شوف بتقول اي.. بدل ما تخديني بالحضن وتقولي وحشتيني ي شري و اعملك حاجه تكليها..
الام: بت... هتنطقي وتقولي جايه بدري ليه ولا اقلع الشبشب اضربك بيه..
شروق: لا اله الا الله... شبشب اي بس دا انا عندي 21سنه اتقي الله...
الام: كبرتي اي.. طب تعالي...
رفعت الام ما تلبسه في قدمها(الشبشب) وجرت خلف ابنتها...
شروق وهي تجري: اعاااااااااااا استني بس نتفاهم طيب... استني هقولك بس...
امسكت الام شروق واخذ تضربها بالشبشب ولكن تضربها هذا الضرب الحنون الذي لا يؤلم.. فهي تمزح معها بالفعل...
هنا طرق باب الشقه..
الام: روحي روحي افتحي اعملي حاجه عدله..
شروق وهي تتجه الي الباب: علي النعمه انتي لو مرات ابويا مش هتعملي كدا... ي ظاااااالمه...
طرق الباب اكثر لتصرخ شروق.
شروق: اييييييي براحه احنا قاعدين جنب الباب...
فتحت الباب لتجد جارتهم وصديقه امها منذ 10سنوات (حنان)
حنان: اي ي جزمه مش عايزه تفتحي ليه..
شروق: جرا اي ي طنط حنان مش كدا خبط خبط خبط ايي مش نايمين جنب الباب احنا..
حنان: وسعي كدا اما ادخل.. كتك داهيه انتي والبغل التاني..
شروق: تؤتؤتؤ ليه الغلط دا بق.. انتي بتشتمي صوحبي علي فكره..
حنان: اتنيلي انتي وهو..
مديحه(ام شروق): تعالي ي حنان عشان انا خلاص هتنقط منها..
حنان: وانا هتنقط من الي عندي
احتضنت مديحه حنان بحب.. ثم تحدث..
مديحه: ليه عمل اي هو كمان..
حنان: البيه مش راضي يروح الكليه وانا تعبت معاه خلاص..
شروق بجديه: ليه كدا اي الي حصل..
حنان: مش عارفه... ومش راضي يقولي حاجه..
مديحه: طب في اي يعني فجاه كدا..
حنان: اه والله بقاله يومين مش بيروح ومعاند معايا..
شروق: طب هو فين دلوقتي..
حنان: هيكون فين قاعد ف الكافي..
شروق: طب انا هروحله...
مديحه: اه ي اختي مبتنزليش الا عشان صحابك..
حنان: سبيها والنبي يمكن يقولها ماله...
اخذت شروق هاتفها وفتحت الباب وهي تضحك..
شروق: اكيد صوحبي مش بيخبي عني حاجه..
نزلت شروق ووضعت الايربودز في اذنها ورفعت صوت الموسيقي وذهبت الي الكافي الذي يوجد بأول الشارع عندهم...
كانت تدندن مع نفسها (اغنيه شريين)
♡حبه جنه انا عشت فيها قربه فرحه حلمت بيها دا الي بيه حلو عمري دا الي انا هديله عمري ياما ليالي بتمني لقاه مهما قولتله واتحكاله مستحيل اوصف جماله رقه الدنيا ف عيونه قلبي كان الله ف عونه مالي انا حسيته معاه♡
وصلت الي الكافيه..نظرت الي الكافيه الذي حقا قمه ف الرقي والاناقه.. كان تحفه فنيه الوانه ممزوجه بين الكافيه والبني ودرجاتهم....قبل بابه يوجد سلم مكون من7سلمات فقط والحوائط الخارجيه مرسومه عليها لوحه لام كلثوم وعبد الحليم وشاديه وسعاد حسني.. ومن الداخل كانت رائحه القهوه اكثر شيء يملئ المكان... والحائط بالتراز الكلاسيكي الهادي الاضائه خافته.. موسيقي اسبانيه قديمه صوتها هادئ بشده.. كان هذا الكافي قطعه فنيه بكل المقاييس ومكان رائع لاتقاط الصور و سحري للنفس والاسترخاء والابتعاد عن ضوضاء المدينه...
دخلت هي وهي تشتم رائحه القهوه التي تريح النفس وترخي العقل....
نظرت حولها تبحث عنه لتجده يجلس بهذا الكورنر الذي يطل علي الحديقه الخارجيه التي توجد بالكافيه...
كان ينظر في هاتفه يقلب في صورها وبحزن كان يتعمق بالنظر لعيناها..
هجمت شروق عليه بعفويه..
شروق: قفشتااااااك....
فورا قفز هو من مكانه بفزع..
سيف: يخربيتك انتي طلعتي امتي...
شروق وهي تجلس علي الكرسي المجاور له: من ساعه السرحان ف عنيها.. اي ي روميو..
سيف: والنبي سبيني ف حالي..
شروق: في اي ي بومه انت مبوز ليه..
سيف بضيق: مش عارف اعمل اي..
شروق: في اي بس انطق انا هشحت منك الكلام..
سيف: ما انتي عارفه ي شروق اي الجديد يعني هدي.
شروق: اممم نفس الموال يعني.. طب في اي المره دي..
سيف: سمعت ان متقدملها عريس..
شروق بصدمه: ازاي يعني دي لسه تالته ثانوي..
سيف: مهي دي المشكله انا مش عارف ازاي ابوها يوافق علي حاجه زي دي..
شروق: طب وهي موافقه..
سيف: مش عارف..
شروق: طب انت عرفت ازاي ان متقدملها حد..
سيف: سمعت البنات بيتكلموا انهارده..
شروق: طب ما الموضوع بسيط..
سيف: ازاي بق..
شروق: قولها..
سيف: اقولها اي ي شروق احنا هنهزر مستحيل طبعا..
شروق: هو اي الي مستحيل انت خايف من اي انا مش فاهمه..
سيف: خايف من رد فعلها وشكلي قدامها..
شروق: اي الهبل دا.. ليه يعني..
سيف: في اي ي شروق... انتي محسساني ان الموضوع عادي.. حضرتك انا المدرس بتاعها وفرق السن بنا..
شروق: اي ي بشمهندس انت لسه هتم 22سنه و هي 18سنه فرق السن كام معلش اقل من 4سنين.. وانت مش مدرس انت مهندس ي بيه.. يعني مكانتك كويسه فرق السن كويس اي المانع بق..
سيف: المانع ان انا المدرس بتاعها.. انها لما بتكلمني بتقولي مستر سيف.. انها تالته ثانوي ولازم تركز ف دراستها...
شروق بانفعال: اه نفكر ف كل دا بق ونسبها لحد ما تتخطب وتتجوز وتموت انت من الحسره بق..صح..
سيف: مانا مقدرش اتكلم عشان لو رفضت شكلي هيكون زفت قدامها ومش هعرف اشوفها ولا اكلمها..
شروق: لا حول ولاقوة الابالله العلي العظيم.. ي ابني انت هتشلني ليه.. هي بتحبك وانت ملاحظ وانت بتحبها ما تقولها بق..
سيف: بتحبني اي هي عشان بتهتم بالماده بتاعتي ومش بتغيب ولا حصه بقت بتحبني..
شروق: ولا مش عليا انا الكلام دا.. دي واضحه زي الشمس.. معلش يعني بتكلم حضرتك كل يوم علي حاجات تافهه.. وكل شويه وهي معديه من هنا بتبص علي مكانك... و كل شويه تيجي الدرس تفضل تسالك ف مسائل ممكن تسالك فيها ف الحصه عادي.. ولما نزلت استوري واتس وكتبت علي البوست بتاع احسن مدرس خدت عنده وقالت مستر سيف دا العشق دا احسن باشمهندس ف الدنيا قدوتي ف الحياه و بلابلابلابلااااا
سيف بغضب وهو يخبط الترابيزه بيده: دا كله عشان انا زفت المستر بتاعهااا افهمي مش عشان حاجه تانيه...
شروق: بطل استهبال ووطي صوتك..
سيف: الكافي بتاعي وانا حر فيه..
شروق بتفاهه كالعاده واسلوب غناء:الكافيه بتاعي وانا حر فيه بتاعي اغسله اكويه...اااه..
ضحك سيف تلقائيا علي صديقته المجنونه...
سيف: بس بق انتي كمان مش ناقصه جنانك.. تعرفي ي بت ي شروق..
شروق: اه اعرف..
سيف: هو انا لسه قولتلك الي تعرفيه..
شروق: لا بس اعرف انك عيل مهزأ عشان انا بقالي ساعه متزفته قاعده ومجبتليش حتي كبايه مايه ي معفن..
سيف: وانتي قولتي عايزه حاجه ي بت وانا مجبتش.
شروق: وانت مستنيني اقول اه مهو الاهتمام مبيطلبش.. بـ
سيف مكمل جملتها: بس انا بطلبه عادتشي..
ضحكت شروق ثم ضربته بخفه..
شروق: ايوه كدا اضحك.. وتروح الكليه ي فاشل عشان انت قدوه ها قدوه لانسه هدى.. وبعدين روح عشان امك متجيش تصوت لنا ف البيت كفايه عليا مرات ابويا الي عايشه معانا دي..
ضحك سيف بشده ثم تحدث...
سيف: والله انتي ظالمه دا مفيش اطيب ولا احن من ديدي..
شروق: الله يرحمك ي حج كان بيقولها ي دوحه.. تعالي شوف دوحه بقت ديدي
سيف بضحك: اقسم بالله مجنونه قوم ي بت شوفي هتشربي اي..
شروق: لا انا جعااااانه
سيف: اي الجديد ما انتي طول عمرك جعانه..
شروق: طب هات حاجه تتاكل بق وسيب حوار هدى عليا..
سيف: بجد..
شروق: عيب عليك..
سيف بضحك: الموضوع باظ خلاص..
يتبع...