حرب ووقعت الراء

الورقه العشرون

طب انا راضيه ذمتكم لو انتم مكانهم هتصدقوا ان في خالد و اني كنت مخطوفه ف بيت كبير مليان بكل حاجه اي حد يتمناها و ان الي خطفني رجل اعمال لعب بيا عشان مصلحته و رجع لي ابويا....اكيد لا عشان كده قررت اجريهم واخليهم يصدقوا ان كل الي بقوله من خيالي لحد ما اتاكد انا انه حقيقي.. انا مكنش عندي دليل بس... علي راي ليله مراد.. انا قلبي دليلي...كنت دايما حسه بأنه عايش جوايا حتي لو فعلا طلع كل دا خيال...يلا يلا اي الدراما دي خلوني اكمل عشان انا محتاجه اعرف لو كنتم مكاني كنتم هتعملوا اي....
♡♡♡♡♡♡♡♡♡♡♡♡♡♡♡♡♡♡♡♡♡♡
اغلقت دولابها بعد ان ارتدت ملابسها بلوزه فوشيا وبنطلون مندمج به الابيض والاسود وطرحه بيضاء وكذلك الحقيبه والحذاء..

وهنا تذكرت تلك اللحظات التي مرت بينهم بغرفتها اللطيفه بمنزله ثم وبعد ان ترتسم ابتسامه لطيفه وتلمع عيناها تتحول ملامحها الي غضب
شروق لنفسها: فوقي ي شروق انتي ناسيه انه لعب بيكي وبمشاعرك...وبعدين ثانيه واحده هو بجد الراجل دا ابويا؟ طب لو دا فعلا ابويا مخدنيش معاه ليه مثلا؟ بطلي هبل ي شروق يخدك فين اذا كان رماكي من قبل ما تيجي الدنيا.. بس برضو كان باين علي ملامحه الندم والزعل وكان متأثر اوي.. اووف انا بجد مش فاهمه حاجه.. يارب.. يارب اهديني..
وهنا سمعت صوت تلفون احد وصل اليه اشعار ليرن..
شروق بعيون مندهشه وهي تنظر للمرآه: اذا مجاش ف بالي... ازاي.. غبيه ي شروق..
جرت الي الخارج وهي تصيح..
شروق: تلفوني... تلفوني فين..
ريهام: تلفونك مرجعش...بس متزعليش هنشتري واحد غيره.. استني بس يومين اقبض مرتبي و اجبلك الاحسن منه..
شروق بدهشه: مرجعش؟ انتي متاكده..
ضمتها ريهام بحزن وشفقه وهي تتحدث..
ريهام: شروق ي حبيبتي انا مش عارفه اي الي حصلك ولا مريتي بايه بس عمار لقاكي مرميه ف الشارع بلبس مبهدل و جري بيكي ع المستشفى...
شروق ممثله التأثر: يلهوي انا حصلي كل دا.. شوف ولاد الجزم..عملوا فيا اي.. دا انا صعبت علي نفسي.. طب الدكتور الي كشف عليا قال اي.. لا يكونوا كمان عملوا فيا حاجه..
ريهام: لالا الحمدلله الدكتور قال انه محصلكيش اي حاجه واتعملك كشف كلي ي حبيبتي متخفيش..
شروق ممثله الحزن: اتبهدلت انا.. اه 3ايام مكنتش لا باكل ولا بشرب ومقعدني مع جاموستين ف زريبه..
ريهام بصدمه: ي حبيبتي...لو عرفت مين الي عمل كده انا مش هيكفيني فيه عمره..
شروق: كانوا 3ايام مفيش زيهم ف الدنيا بجد..
وبداخلها: اكيد مفيش زيهم ف الدنيا...دا انا هعيش عمري الي جاي عليهم...
ثم اكملت بصوت عفوي...
شروق: المهم اني رجعت.. اهو زي الفل.. دلوقتي حد يجيب فونه ثواني اشوف حاجه مهمه
وبتلك اللحظه خرجت روح من المطبخ وهي تمسك هاتفها وتضحك لتجري شروق وتسحبه من يدها..
شروق بضحك: نأسف علي مقاطعت متعتكم بس هشوف حاجه ضروري و ارجعه ثواني..
روح بضحك: والله ي بنتي خديه خالص كفايه اشوفك بتضحكي كدا..
شروق: طب يلا شوفي هاله ومعتز وسيف علي ما اعدل الميك اب بتاعي و اشوف الحاجه دي واجي اشطا..
روح: اشطا ي عسل انت..
دخلت شروق غرفتها مره اخري وجلست علي السرير وبسرعه فتحت متصفح جوجل وكتبت خالد الخولى.. واغمضت عيناها وضغطت علي البحث ثم ببطء فتحت عيناها لتصرخ بقوه..
شروق: اعاااااااااااااا....
كتمت صوتها بسرعه واكملت صراخ بينها وبين نفسها
شروق بضحكه واسعه: خالد... خالد اهو هههههه انا صح.. انا كنت واثقه انه موجود..
اخذت تقرأ الاخبار الاخيره عنه والتي كانت..
«وانتصر العقرب مره اخرى..حيث حصل علي اسهم شركه دبي التي كانت تحت يد السيد نجم و رغم معرفه الجميع بأن السيد ايهاب من قام بعرض افضل ولكن انه العقرب لا احد يعلم كيف يفكر ولا يستطيع احد كشف اساليبه..»
شروق: اساليبه.. انا اقولك كدب غش مكر خبث كل حاجه زباله ممكن تتخيلها..
رفعت الخبر التالي لتجد صوره له مع فيروز وهي تضع يدها علي كتفه وهو يبتسم..وكتب تحتها..
«قريبا عودت العقرب الي بيته... فهل سحبت فيروز مشاعره مره اخرى ام انها لم تمت من الاساس»
شروق بغيره: اللهي يتسحب عليها سلك كهربا عريان يكهربها يخليها تموت متفحمه كدا ف الدنيا زي ما هتتفحم ف الاخرى علي لحمها الي باين ف السوق دا
وفورا كتبت ف البحث رجل الاعمال نجم..
ليخرج اليها صور لهذا الرجل الوسيم رغم كبر سنه..