حرب ووقعت الراء

الورقه الخامس والعشرون

و ايه يعني هتنساني هتعرف بعدي من تاني.. ليه فاكر اني من بعدك مش هعييش... كأني معرفش مين انت ولا حبيت انا حتي.. خلاص الدنيا هتعوض و برضو هعيييش... عذابي عذاب لا بشوفك ولا احنا صحاب.. اممم كانت اغنيتي المفضله ف الوقت دا.. هو انتم دلوقتي شايفين كل الي حصل؟ اممم معتقدش.. في كواليس.. مش هتبان الا للي حابب يدور ع الي ورا المشهد.. اااااه... لالا متخفوش.. انا اتكعبلت ف السجاده.. ي اختااااااي... خلاص خلاص هكمل هكمل..
_____________________________________
شروق وهي تمسح عينها من تلك الدموع الهابطه: ايوه وانا مطلوب مني اي دلوقتي.. هو حر دي حياته يتجوز يطلق يموووت حتي انا مالي...
نجم وو يقترب منها بحنان: بلاش دموعك دي ي حبيبتي.. دموعك اغلى منه والله..
شروق بغضب: انا برضو معرفش انت هنا ليه.. وبعدين متمثلش انك بتحبني اوي يعني.. دا انت رمتني من غير ما تشوفني..
نجم بتنهيده: بصي ي بنتي انا اه مكنتش أب كويس ليكي ولا لاختك بس والله انا حاولت وكل الي وصلتله دا عشانكم.. و دورت عليكم كتير اوي..
مسح عينيه من الدموع واكمل..
نجم: شروق ي بنتي... انا لما عرفت الي خالد عمله فرحت ف الاول عشان وصلتلك.. بس لما عرفت انك بتحبيه واتعلقتي بيه.. وانه لعب بعواطفك مش هسكت له.. ف انا جاي دلوقتي عشانك ي بنتي.. انتي اه شيفاني اب وحش اوي انا عارف وحقك.. بس انتي عندك اختيارين اختاري واحد منهم.. انتقم انا من خالد ولا تحبي تاخدي انتقامك بنفسك..
شروق: انتقم؟ اي الكلام دا مستحيل.. انت عايز انتقم من واحد عشان محبنيش واتجوز غيري.. هنتقم عشان قلبه متعلقش بيه هو ماله دي حاجه من عند ربنا.. بس صحيح هتعرف الحب منين وانت رامي مراتك وبناتك..
نجم: اسمعيني.. بس.. انا مقولتش انتقمي عشان محبكيش.. بقول عشان لعب بعواطفك انتي.. مش لعبه.. بنت نجم محدش يلعب بيها ولو انتي منتقمتيش انا الي هنتقم.. ونصحتي انتي احسن له.. عشان انا مش هرحمه... وممكن توصل لأجله...
شروق بصدمه: انت.. انت ممكن تموته..
نجم: وبمكالمه تلفون.. ف اختاري..
شروق بتفكير: انا مقدرش.. مقدرش..
نجم: تمام..
اخرج هاتفه وتحدث..
نجم: ايوه.. نفذ.. بكره اسمع خبره..
صرخت شروق بقوه: لالا.. عشان خاطري انا.. انا هنتقم منه.. انا..
نجم وهو ينظر اليها وهي تمسك يده بترجي: خلاص خلاص.. متعملش حاجه.. الغي الموضوع..
شروق وهي تمسح دموعها: هعمل الي تأمر بيه خلاص... بس عشان خاطري متقربش منه..
نجم وهو يطبطب علي يدها بحنين شعرت به شروق بشده ولاول مره تشعر بحنان الاب..
نجم: لدرجه دي بتحبيه ي بنتي..
شروق بتوتر:.. أ... أحبه اي.. انا بس مش عايزه يموت.. لكن مش بحبه ولا حاجه..
نجم بابتسامه: وانا هعمل نفسي مصدق..
شروق: طب.. انا دلوقتي مش فاهمه انا هنتقم منه ازاي.. انا اصلا مش عارفه اشوفه.. ولا اقرب منه معرفش بيته ولا حتي مكان الشركه ولو عرفت مكان الشركه من النت.. هدخل هناك ازاي و بأي صفه اصلا..
نجم بابتسامة: بصفتك.. شروق محمود االسيد غالي مديره شركه نجم.. اكبر شركه بيتعامل معاها خالد.. وكل شغل خالد من غير شركتي ولا حاجه..
شروق بعدم فهم: يعني اي.. مش فاهمه..
نجم: امضي هنا..
شروق: دا اي..
نجم: دا تنازل رسمي عن كل ممتلكاتي الي ف مصر و دبي ليكي..
شروق بصدمه: نعم؟.. ازاي لا طبعا.. مستحيل اقبل بحاجه زي دي.. وبعدين لو هقبل دا لازم تكتب لريهام وماما قبلي مش انا بس..
نجم: شروق.. بصي ي بنتي انا بتكلم معاكي بكل وضوح.. انا متاكد ان ريهام و امك هيرفضوا اي حاجه تبعي.. لكن انتي هتقبلي مش عشاني عشان تنقذي خالد مني.. وكمان عشان دا حقك.. وانا بكتبلك كل حاجه عشان واثق ان لو حصلي حاجه هتكوني قد المسؤليه دي وهتدي لامك واختك ورثهم مش هتاخدي حقهم..
شروق: انت لي واثق كدا.. انت متعرفنيش اصلا عشان تحكم عليا..
نجم بتنهيده: قلب الاب و الام مستحيل يخدعهم ف حاجه تخص ولادهم ي بنتي.. ها موافقه..
شروق بعبوس وعفويه معتاده وهي تصرخ به وتمضي..
شروق: علي اساس سبت ليا اوبشن الرفض.. دا اي المصيبه الي انا فيها دي يارب.. اووف.. انت ابويا انت.. والنبي انت اصلا شكلك اصغر مني.. امشي يعم وانت شوجر دادي ف نفسك..
مضت شروق الاوراق لياخدها بابتسامه..
نجم: صحيح الي حصل دا هيفضل بنا.. تمام لفتره..
شروق وهي تنظر لسيف الذي يقف علي باب المطعم ينظر اليها وينتظرها..
شروق: احم.. ممكن طلب..
نجم وفهم مقصدها: مستحيل..
شروق بعيون قطتيه: عشان خاطري.. بليز.. بليز.. بليز
نجم بابتسامة: خلاص ماشي بس.. اياكي حد تاني يعرف هو الشاب دا بس.. عشان بصراحه سألت عنه كويس وطلع ابن ناس واخلاق ومتربي..
شروق وهي تنظر لسيف: دا احلى حاجه حصلت ف حياتي بجد.. كان دايما سندي واخويا وصحبي وكل حاجه ليا.. هو عوض الايام الوحشه بجد..
نجم وهو يضربها بخفه..: ورايحه تقعي ف حب الحيوان خالد اتفو.. عليكي..
شروق: الله يحج.. دا صحبي.. افهم.. اخويا كدا.. وبعدين هو بيحب واحده تانيه اصلا.. وغير كده القلب و ميريد بق.. وبعدين يعني ما انت سبت الناس كلها واتجوزت مديحا عادي.. كنت اتكلمت..
نجم بسرحان: مديحه.. مديحه دي اكتر واحده حبتها.. واكتر واحده اذتها..
شروق: اممم... بص.. انا نفسي بجد اسمع كل الي هتقوله وحقيقي في حاجات كتير عايزه اعرفها منك.. بس انا لازم اطيؤ مع سيوف عشان مديحا هتعمل مننا بسطرمه وتعملها مع البيض ع الفطار..
نجم بضحك: طلعه دمك خفيف زيي ي بنت الكلب..
شروق وهي تغلق باب السياره: دا انتم عيله غريبه بتحبوا تشتمو نفسكم..
سحبت سيف من يده واتجهت الاثنان الي البنايه.. واخذت تروي له ما حدث مع ابيها..
••••••••••••••••••••••••••••••••••••••••••••••••••
وانتي ي حبيبتي ازاي تدخلي بيت شاب اعذب من غير ما يكون في بنكم حاجه رسمي..
كان هذا صوت والدت يوسف التي كانت منفعله وبشده من ريهام..
ريهام باحراج: احم.. انا عارفه ان مينفعش والله العظيم قولت ليوسف كتير وهو...
قاطعها يوسف وهو يتحدث بشده..
يوسف: امي.. لو سمحت.. اولا ريهام خطيبتي.. و..
قاطعته امه..
والدت يوسف: لسه مبقتش خطيبتك ي حضرتك المقدم.. دا اولا.. ثانيا ولو حتي خطيبتك.. هل دا يشفع انها تدخل بيتك وانت لوحدك ويتقفل عليكم باب واحد والشيطان شاطر بق..
نظرت لريهام بحاجب مرفع لتقف ريهام وتتحدث بغضب..
ريهام: بعد اذنك اتكلمي باسلوب احسن من كده.. انا دكتوره جامعيه.. ف كليه الطب.. مش واحده من الشارع عشان اسمع كلام زي دا.. و امي مربياني احسن تربيه.. ومن تربيتها ليا.. علمتني اني لو ف وسط مليون راجل اعرف ابق ارجل منهم كلهم.. وانا ساكته من اول ما حضرتك جيتي عشان خاطر تربيه والدتي ليا وعشان خاطر يوسف مش اكتر.. بعد اذنك...
اخذت حقيبتها من امامها واتجهت لباب الشقه فتحته وخرجت بغضب..
نظر اليها والد يوسف باحترام وثقه واعجاب شديد..
والدت يوسف بغضب: شوف شوف البجحه بتكلمني ازاي.. لا صحيح الي اختشوا ماتوا.. دي مش مكسوفه وبدل ما تعيط وتعتذر بترد عليا..
يوسف: امييي.. انا مسمحش لحد يتكلم علي ريهام كلمه واحده وحشه.. انتي متعرفهاش.. بعد اذنك..
جرى يوسف خلفها بسرعه ليحلق بها...
والدت يوسف: شوفت.. شوفت ابنك بيكلمني ازاي.. وعشان مين عشان دي.. هي دي الي فضل يتكلم عنها ووجع دماغي بيها.. طب دي لو اخر بنت ف الدنيا مش هوافق عليها.. انا بقولك اهو..
والد يوسف: خلصتي.. انا البنت عجبتني.. وانا ادرى بالناس عنك.. ولو جبتي ملكه جمال الدنيا مش هاخد غير البنت دي لابني فاهمه وكلمتي الي هتمشي..
والدت يوسف: ادرى بالناس مين؟.. وهتاخدها.. عجبك فيها اي دي ي حضرتك اللوا...
والد يوسف: اه ادرى بالناس منك.. عشان اخر كلمه قولتيها انا مش اي حد وافهم ف الناس كويس انا لوا ف الدخليه ي حضرت الباشمهندسه.. والبنت دي متربيه.. وبنت ناس.. و باين عليها.. مش زي ما انتي فهمتي خالص.. بطلي تحكمي ع الناس من موقف بق..
تركها ودخل الغرفه يبدل ملابسه ويرتاح..
والدت يوسف: بق كده عجباك انت وابنك.. طيب هنشوف مين الي هيكسب..
____________________________________
كان يهبط السلم وهو يرتدي التيشرت الخاص به..
فيروز: خالد رايح فين.. انت مش قولت هتنام..
خالد وهو يتجه الي السياره: ندي مختفيه.. مروحتش و ماما ويزن ميعرفوش عنها حاجه..
فيروز: طب استنا هغير واجي معاك..
خالد: لا خليكي متاخر..
فيروز وهي علي الباب: طب هلبس واحصلك..
انطق خالد بسيارته يبحث عن اخته..
∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆
وبهذا المبني المظلم والقديم بشده.. كانت تضحك وهي تشرب كوب من الشاي الساخن..
ندي: بجد اقسم بالله وقتها موت من الرعب.. اي الي عملته فيا دا..
....: انتي الي جبانه اوي.. وحبيت العب معاكي عشان تتجرئي حبه..
ندي: الفكره ان المكان بجد يخوف..
....: انا متعود ع الاماكن دي.. انتي اكيد لا.. عايشه حياه الاغنيه بق..
ندي بضيق: اوووف انا بجد زهقت هو ليه كلكم شايفين انه ذنب عليا.. انا عملت اي..
....: مش فاهم.. قصدك اي.. بتتكلمي علي اي اصلا..
ندى: يعني انا مش فاهمه.. هل هو ذنبي اني اتولدت لقيت نفسي بكبر ف قصر طويل عريض.. و ان اي حاجه بطلبها تيجي وتتوفر قدامي.. هل دا ذنب.. هو مش دا رزق من ربنا..
....: اكيد رزق ولازم تحمدي ربنا عليه.. ومهما كنتي غنيه... الله اغنى.. و زي ما اداكي ممكن ياخد منك..
ندى بحزن: تعرف.. الصبح انا كنت بعيط عارف بعيط ليه..
....: بصراحه مش عارف بس يعني الي فهمته انك زعلانه مع سلمي صحبتك باين..
ندى: اممم اه زعلانه.. بس انا معيطش عشان خناقتي مع سلمى عشان بتحقد عليا وكدا..
....: اومال عشان اي..
ندى بسرحان والدموع تهبط من عيناها ببطئ: عشان.. عشان هي بتقولي انتي عندك كل حاجه.. و اني معنديش اي مشكله و كل حاجه متوفر قدامي.. بس.. بس دا مش حقيقي..
.... بعدم فهم: مش حقيقي ازاي
ندى: انا عندي كل حاجه اه.. بس... بس معنديش اهم حاجه..
....: الي هي..
ندي: معنديش أب.. فاهم يعني اي اشوف ابويا بيموت قدام عيني وبسببي..
....: بسببك؟؟!
ندي وهي تمسح تلك الدمعه الهاربه: مش بسببي بالمعنى الحرفي.. الموضوع باختصار.. ان ف يوم فضلت ازن عشان عايزه ايس كريم ومكنش فيه.. بابا قالي هبعت حد يجيبه.. بس انا صممت نروح سوا انا وهو.. وفضلت اعيط وعشان ميزعلنيش.. شلني و ركب العربيه وساق وجبنا الايس كريم وبعد ما كلته طلبت انه ينزل يجبلي تاني.. سمع كلامي ونزل.. و..
....: و.. اي..
ندى: وهو بيعدي النحيه التانيه.. جاتله مكالمه وقف ف نص الطريق عشان يرد وفجأه جات عربيه بسرعه و...
....: لا اله الا الله..
ندى: قدام عيني شوفت المنظر... وفضلت اتعالج نفسيا بعدها.. وبعد كل الي شوفته ف السن الصغير دا.. بتقولي انتي عايشه مرفهه و كل حاجه مجابه ليكي.. متعرفش ان كل حاجه مجابه عشان بيحاولوا يعوضوني عني حاجه ويعالجوا فيا حاجه.. مستحيل مستحيل تروح.. مش كل الي الناس بتشوفه صح.. ولا كل الي قدامك صوره كامله.. الي اتعرض علي المسرح السيناريو الكوميدي.. بس انت مشفتش بق كام مره ادرب الممثل دا عشان يوصلك الاداء الرائع ولا قد اي تعب المؤلف ف التفكير عشان تشوف ابداع.. ولا عارف اتصرف كام علي الديكور.. ولا شايف قد اي الكاست تعب و زهق عشان تشوف صوره حلوه قدامك... التكاليف كتيره.. بس الربح قليل.. قليل اوي..
....: تحبي تروحي دلوقتي..
ندى: نهار اسود.. احيه.. انا اتأخرت اوي.. دا زمانهم قلبين الدنيا عليا..
خرجت لتمشي ولكن لا تعلم الطريق لتسحبه من يده وتجرى... ليضحك هو بشده ويجريان سويا..
~~~~~~~~~~~~~~~~~~~~~~~~~~~~~~~~
اممم صباح الخير... هو انا منمتش.. بس.. صباح الخير برضو.. مش عارفه بصراحه...مضايقه وزعلانه.. بس في جزء جوايا متحمس و في جزء مبسوط..
مش فهمني صح.. بصراحه ولا انا.. مبطلتش عياط طول الليل.. خالد اتجوز.. احنا اه مش قصه حب جامده دامت سنين.. بس انا بجد عرفت ف التلت ايام دول مشاعر كتيره اوي مكنتش اعرفها.. خالد علمني الحب.. و زي اي واحده مستحيل تنسى حبها الاول حتي لو حبت بعده.. بتفضل فكراه.. انا بق خالد كان حبي الاول ف السن دا.. ومتاكده انه الاخير..