حرب ووقعت الراء

الورقه السابعه والعشرون

انا زهقت.. لالا بجد انا زهقت منكم.. اقولكم انا هسمع لكم من اول صفحه بق ما انا مش فاهمه فين البروبلم.. اقولكم البروبلم فين.. انتم مش مركزين انتم لو مركزين وبتسمعوا كلامي وانا بنبه عليكم مكنش حصل الايرور دا.. بس مش هقولكم برضو الموضوع من الاول كان اي عشان.... احم خلاص خلاص هكمل وهتعرفوا.. مين الي هيقولكم الموضوع.. يلا بينا...
××××××××××××××××××××××××××××××××
بقصر الخولي..
صافي: اتفضلي فهميني اي الي حصل..
فيروز ببكاء شديد: انا معملتش حاجه.. الزباله الي اسمها شروق دي هي السبب طلعت بتمثل علينا كلنا وبتلعب بينا...
صافي: مش فاهمه حاجه... انجزي قولي من الاول اي الي حصل..
فيروز: روحنا شركه نجم عشان عمل اجتماع مفاجئ و زي ما انتي عارفه.. انه المسؤل عن كل الشغل ولازم كل حاجه تمشي بعد توقيعه..
صافي بغضب: بقولك انجزي ي فيروز..
فيروز: روحنا لقيناه بيقول....
روت فيروز ما حدث معهم ف شركه نجم.. وبعد ان انهت الحديث..
صافي بصدمه: يعني دلوقتي المسؤل عن كل حاجه شروق..
فيروز: تخيلي واحده من الشارع بقت مسؤله عن كل كبيره وصغيره..
صافي بتفكير: طب ما كده كل حاجه هتروح مننا لو شروق زعلت او حاجه ضيقتها..
فيروز: مهي عملت كل دا عشان هتموت من الغيظ اني اتجوزت خالد..
نظرت اليها صافي بحاجب مرفوع وابتسامه ساخره وتحدثت..
صافي: طب متتأثريش اوي كده لاحسن كنت هصدق انكم متجوزين بجد..
وقفت فيروز بسرعه وتحدثت بخوف..
فيروز: وطي صوتك.. ممكن حد يسمعك وانتي بتقولي كدا..
صافي: حد يسمع اي.. انت بتقولي اي وانا بقول اي..
فيروز: لو حد سمعك هيقول لخالد وخالد هيسبني غير الي ممكن يعمله فيا..
وقفت صافي تفكير لعده دقائق ثم اعادت النظر الي فيروز وتحدثت..
صافي: فيروز.. انا عرفت الحل اي..
فيروز بتساؤل: اي؟..
صافي: شروق لازم تعرف الحقيقه..
فيروز بصدمه وغضب: تعرف اي.. حقيقه اي الي تعرفها انتي بتقولي اي ي عمته.. مستحيل انتي عارفه هتعمل اي لو عرفت هتجري ع خالد.. لالا ابدا
صافي: مهو دا الي انا عايزه انها تجري علي خالد..
فيروز بعدم فهم وخوف: مش فاهمه انتي قصدك..
صافي بصلابه وابتسامه: قصدي انك خلاص.. راحت عليكي.. وانا فكرت لقيت ان شروق انسب واحده لخالد.. هو احنا هنلاقي احسن من نسب نجم بيه.. وكمان الاولاد كانوا مع بعض من فتره وحبوا بعض..
فيروز بصدمه واخذت تضحك بهستريا: انتي... هههه انتي بتقولي اي.. لالا حلوه ضحكتني النكته دي..
نظرت اليها صافي بجمود وربعت يدها امامها...
فيروز بغضب وصوت مرتفع: يعني اييييي... يعني ايييي الي بتقوليه دا... انتي اللي بتقولي كده.. مش انتي الي كنتي عايزه خطه عشان تخلصي من شروق وخلتيني اعمل كل دا عشان ارجع خالد وابعده عن شروق..
صافي: اه انا... بس مكنتش اعرف وقتها ان شروق تبقى بنت نجم.. كنت فاكره انها بنت من الشارع لا ليها اصل ولا فصل ولا حسب ونسب ولا.... فلوس.. ف كنتي انتي وقتها الانسب عشان من العيله وعندك اسهم ف الشركه وتعليمك ف باريس.. وكدا بس دلوقتي تؤتؤ هل ينفع اسيب دكتوره ومش اي دكتوره دي بنت نجم.. واخدك انتي ي فيروز.. انا ام و بدور علي راحت ابنها واهم حاجه سعادة خالد.. وهو زي ما انا وانتي والكل عارف بيحب شروق...
كانت فيروز تستمع وتنهار وتغضب وتحقد بنفس الوقت...
فيروز ببكاء وجلست ع الارض وامسكت يد صافي بترجي وحزن شديد..
فيروز: عشان خاطري.. عشان خاطري ابوس ايدك متعمليش فيا كده.. انا بنت اخوكي.. عمته عشان خاطري انا مليش حد غيرك.. متقوليش حاجه ليهم انا بحب خالد اوي مقدرش اعيش من غيره حرام عليكي... انا مصدقت رجعته حتي لو بالكدب المهم انه يكون معايا.. عشان خاطري ي عمته... مستعده اعيش خدمه عندك بس متعرفيش شروق ولا خالد حاجه.. انا بحبه هي لا هي ذلته انهارده  ف الشركه انما انا لو طلب عنيا هدهاله... عشان خاطري ي عمته
صافي بملل: فيروز... فيروز خلاص انا قولت الي عندي خلاص كده انتي وخالد بح انا هعرف خالد كل حاجه انهارده وبكره هروح لشروق حتي لو ف اخر الدنيا عشان اعرفها الحقيقه..
تحركت صافي من غرفه المكتب وكادت ان تخرج لتصرخ فيروز..
فيروز: لو قولتي لخالد حاجه هموت نفسي...
نظرت اليها صافي بسخريه وقالت جملتها الاخيره ورحلت..
صافي: شغل مراهقين اوي ي فيري...
خرجت صافي تاركه فيروز ف انهيارها...
_____________________________________
حل الليل علي الجميع ووصلت شروق الي اول الشارع بتلك السياره..
شروق: يلا سلام ي بابيتووو..
نجم: خليكي عارفه اني زعلان... فضلتي تلهيني ف الكلام والوقت اتاخر ومجتيش تشوفي القصر بتاعك..
شروق بمرح وهي تقبله من خده: لسه الايام جايه كتير ي حبيبي بق.. 
فتحت باب السياره وكادت ان تنزل لينادي عليها..
نجم: شروق..
شروق: ايوه..
ضمها اليه بشده وكاد ان يبكي...
واخذ يعتذر منها عن كل ما حدث ف غيابه...
نجم: حقك عليا ي نور عيني انتي... انا اسف ي بنتي عن كل دقيقه عدت من غيري...
كان سيف يقف علي باب الكافيه الخاص به بضيق ولمح هذا الموقف المؤثر بشده حتي دمعت عيناه حول بصره الي الجانب الاخر ليجد مديحه تأتي باتجاه الشارع وهي تحمل بعض الفاكهه..
سيف بصدمه: نهار ابيض... يعني بقالك 160سنه مبتنزليش ي مديحه وجايه تنزلي انهارده وترجعي دلوقتي..
جرى بسرعه وسحب شروق من حضن ابيها...
سيف: اسف اني بقطع اللحظه الشاعريه دي بس.. مديحه جايه..
شروق بصدمه: اي.. فين
سيف: انتي لسه هتتصدمي وتسألي يالى ي اختي..
سحبها بسرعه الي الكافيه الخاص به واغلق نجم باب السياره وظل ينظر الي مديحه يتابعها من خلف الزجاج..
نجم لنفسه: لسه زي القمر ي مديحه.. يارتني سمعت كلامك وفضلت معاكي.. مكنتش اتحرمت من بناتي كل دا..
~~~~~~~~~~~~~~~~~~~~~~~~~~~~~~~~
دخلت شروق مع سيف الي الداخل و روت له كل ما حدث معها وهو كذلك روي اليها يومه وقراره النهائي ف موضوعه مع هدى...
شروق بفرحه: اخيرا اخيرا ي سيف.. ي ابني دا انا كنت ببوس ايدك عشان تأخد خطوه وانت تقولي مش دلوقتي..
سيف بتوتر: انتي اصلا مش عارفه انا متوتر قد اي.. اسكتي اسكتي والنبي..
شروق: كتك داهيه انا غلطانه.. خليهم يعملولي قهوه زياده بق..
سيف: ما تطلبي انتي.. انتي اتشليتي..
شروق بغرور مصتنع: لالا.. انت دلوقتي بتكلم شروق هانم.. بنت نجم.. اتكلم معايا عدل..
سيف: يعني بنت نجم الدين ولا حاجه.. ي شيخه اجري..
شروق بضحك: الي صحيح هما مسمينه نجم ليه..
سيف بضحك: مستتقلين محمود ع لسانهم باين..
عم الصمت للحظات ليكسره سيف..
سيف: صحيح.. كلمتي روح..
شروق: دي عيله حيوانه اصلا يعني.. معبرتنيش من الصبح ولا سألت عليا..
سيف بتعجب: ازاي دا اتصلت بيا وانا معرفتش اقولهم انتي فين ف بعتلها رقمك الجديد تكلمك..
شروق باندهاش: محدش اتصل.. طب رن من عندك عليهم كده شوفهم فين..
اخرج هاتفه وقبل ان يتصل فتح الباب لتدخل هاله و روح يضحكان..
شروق: الله الله.. بتضحكوا من غيري ي جزم.. انطقي انتي وهي سر السعاده اي..
لتغني هاله بمرح...
هاله: سر السعاده في بتك تعالى وسط ناسك تعالى وافرح هنا.. املا قلبك حنان هتملا المكان سعاد وهنااا..
شروق: الله ي سيدي ي سيدي.. المهم انطقوا بسرعه ماذا حدث..
روح: اممم مش هنقولك الا لما تعترفي بكل حاجه..
شروق: اعترف بايه ي اختي..
سحبت روح وهاله الكراسي وجلسوا جميعا..
سيف: صحيح متصلتيش بشروق ليه..
روح: مين قال اني متصلتش.. اتصلت.. اتصلت بس..
شروق: اتصلي امتي.. بت احنا هنحور..
هاله: شوفي شوفي هتداري ازاي..
ثم غمزت بعينها واكملت..
هاله: قولي هو مين ومش هنسيح احنا صحابك برضو..
شروق بعدم فهم: هو مين اي.. انتم بتقولو اي..
روح: طب افجر القبله بتاعتي الاول ولا نقررها الاول.
سيف: لا بدال في قنبله يبق العصابه تكمل بق.. نتصل بمعتز..
هاله: اتصل ي اخويا يمكن يكون ف ايدك الشفا ويرد.
سيف: ومش هيرد ليه..
هاله: ابق اسأله بق..
سيف: هيرد..
هاله: مش هيرد..
سيف: ولو رد..
هاله: هقوم اعملكم كل الي هتشربوه..
سيف: باااس هي الي حكمت..
اخرج الرقم وضغط ع زر الاتصال وفتح مكبر الصوت امامهم..
اخذ يرن الهاتف للحظات..
هاله: قولتلكم مش هيرد... انا عر...
لم تكمل جملتها ليأتي صوت معتز..
معتز: اي ي غالي..
سيف بضحك مكتوم: حبيبي.. فينك..
معتز: مفيش بشتري حاجات كدا ومروح..
سيف: لا مروح اي دا العصابه ملمومه.. يلا عشان في قنبلتين وديناميت صغير كدا
معتز: اممم.. كله موجود يعني..
سيف: نقصينك ي صحبي..
معتز: اممم كله كله..
نظر سيف الي هاله وضحك... ثم تحدث..
سيف: هاله هنا ي معتز انجز..
ضربته هاله بقوه وضحكت روح و شروق..
معتز: اممم خلاص جاي..
سيف: قال عامل تقيل وبتفكر.. يعم دا انت بتنام تحلم بيها اتوكس..
شروق: شوف شوف مين الي بيتكلم... بس ي بتاع هدهد انت.. وميزو..
صاحت روح بمرح: اي ي خالود ما تهدى علينا...
تحولت ملامح شروق لغضب وحزن وصمتت..
سيف: احم.. طب. نطلب الحاجه ع ما ميزو يوصل..
روح: في اي انا بهزر.. في اي ي شروق انتي زعلتي بجد.. احنا بنضحك..
شروق بابتسامة باهته: لا مفيش حاجه عادي.. بس يعني احب اقولكم خالد اتجوز ف ملوش داعي تيجي سيرته تاني..
روح وهاله ف نفس اللحظه بصدمه: ايييييييييييي؟!
شروق: اي انتي وهي الناس اهدوا.. بقول اي اقفوا الموضوع دا خلصنا..
روح: اس... استني بس.. فهمينا.. انتي عرفتي ازاي دا مفيش خبر ع النت حتي.... انتي متأكده..
شروق: اه متأكده.. باركتله بنفسي كمان..
هاله: لالا ويت كده معايا ي عسل.. مالاول بق عشان مش فاهمه حاجه..
وبعد نص ساعه من الحديث روت لهم شروق كل شيء بالتفاصيل وصل معتز. اخيرا..
روح: انا مش مصدقه بجد كل دا حصل ف يوم.. يوم سبناكي يحصل كل دا..
شروق: تخيلي بق.. يوم واحد تتقلب فيه كل الموازين.. وبعد ما كنت شروق عادي كده بقيت شروق هانم وبعد ما كنت مش عارفه هشتري تلفون ازاي.. شوفي ايفون اهو.. وبق عندي املاك وشريكات.. وقصر كبير وشاليهات وعربيات و فلوس تعيشني ملكه لحد ما اموت.. لا ومش كدا وبس.. قصاد اني اترزقت بكل دا بعد كل الي شوفته ف حياتي.. الشخص الوحيد الي حبيته والي عرفت اصلا معني الحب معاه.. خسرته.. وقسيت عليه وعاملته زي الحشره رغم اني هموت والمس ايده بس هموت واعاتبه.. واعيط قدامه.. بس للاسف معتش ينفع..
هنا اشتغل نظام الموسيقي علي اغنيه بعد الفراق لفريد...
♡♡♡♡♡♡♡♡♡♡♡♡♡♡♡♡♡♡♡♡♡♡♡
بعد الفراق الاشتياق بيزيد وجوده.. وكل واحد شرط يستقوى ف ردوده... بعد الفراق لازم نبان اجمل واحسن من زمان... بس الحقيقه البعد نار والشوق بروده.. ومهما عندنا وكبرنا وقولنا دا خير.. حببنا يبق مع غيرنا اكيد هنغير... ووجع القلب باستمرار دا كان للاشتياق انذار... محدش في مشاعره زورار محدش ضامن التغير..
♡♡♡♡♡♡♡♡♡♡♡♡♡♡♡♡♡♡♡♡♡♡♡
هبطت دموع شروق... ثم مسحتها ورجعت لعفويتها ولكن هذه المره كانت مصتنعه...
شروق: ايوه بق اي الغم دا... ي بنتي السنجله جنتله والارتباط احباط معروفه.. المهم بق.. يلا اول قنبله من عندك ي روح.. ها..
روح: لا قنبله اي بق.. دا القنبله طلعت عندك انتي..
هاله بحزن: انا بجد مش قادره اصدق..
شروق: في اي انتي وهي محسسني اني كنت عايشه قصه حب بقالها 10سنين وباظت لي.. ما خلصنا شخص عابر وحكايته خلصت..
نظر معتز لهاله وتحدث وهو ينظر الي عينها..
معتز: الحب مش محتاج سنين ي شروق.. الحب محتاج صدق مشاعر.. والصدق دا ممكن يجي من اول نظره.. مش محتاج سنين ولا شهور.. دا نصيب ولما بيصيب.. خلاص السهم نفذ...
اكمل سيف...
سيف: صح.. وللاسف.. مش بايدك تغير حاجه.. مهما حاولت.. هو دا الشخص الي السهم وصله.. ملكش رايي ولا قرار.. وكأنه عامل زي الموت.. لما بيختار حد مش بيسيبه...
لتكمل روح..
روح: الحب رزق.. زي الفلوس والشغل والصحه.. ممكن فجأه تتعب وممكن فجأه تشتغل وفجأه تتطرد.. هو كده برضو بيجي فجأه.. مبتكونش عارف ولا متوقع.. وبتقول لنفسك طب امتي.. وفين وليه.. بس.. مش هتلاقي رد..
ظلت هاله تنظر لمعتز واكملت..
هاله: هتلاقي رد.. بس الرد هيكون وجع قلبك.. لما ميكونش الشخص دا معاك ولا قدامك.. هتلاقي رد.. والرد هيكون زعلك علي زعله وفرحتك وانت شايفه مبسوط.. هتلاقي الرد من جواك لما تعمل حاجات عمرك ما كنت تتخيل انك تعملها...
شروق بسرحان وهي تتذكر كل لحظه مرت مع خالد
شروق: ومش بس هتعمل حاجات عمرك ما عملتها.. لا انت كمان هتحس بحاجات عمرك ما حستها.. هتلاقي نفسك وانت قدامه طاير ف السما ونفسك العالم يفضى عليكم.. وعايز الوقت يقف هنا.. بمعنى اصح هتلاقي نفسك.. هتحس انك قبله كنت ملكش لازمه ومكنتش عايش.. وكأن ربنا خلق الشعور بالحب دا لشخص دا بس.. هتحس ان ربنا بيقولك ي عبدي.. يلا عيش.... جمله الي يحبه ربه يحبب فيه خلقه.. بجد الي ربنا ينعم عليه بالحب الحقيقي.. يفضل طول عمره يشكر ربنا.. لان هيعرف ان فعلا ربنا بيحبه... هتلاقي روحك ف روح حد تاني.. كلمه ي روحي دي مش عاديه بجد... روحي دي كلمه فيها عالم تاني...  مش اي حد يستحقها... ♡
ظل الصمت للحظات ثم جاء النادل ليضع المشروبات ويقطع هذا الحوار الملامس للقلوب...
ابتسمت روح ثم طرقت ع الطاوله ووقفت..
روح: احم احم.. اتنشن بلييز اتنشن بليييز... بصوا بق عشان المفاجئه جايه..
شروق: هيييح واخيرا... يلا بق هموت من الفضول..
نظر الجميع اليها لتكمل بحماس..
روح: انا... انا... خطوبتي بكره...
شروق: اييييي.. نعم ي اختي..
روح بخوف وتراجع من تحول صديقتها: اي.. عليا الطلاق ما عملت حاجه.. صلي ع النبي ي متدحت هقولك..
شروق: دا انا هولع فيكي... خطوبه مين.. ومين دا.. و بكره ازاي يعسل.. بكره دا الي هو امتي.. شهر كام سنه كام..
روح بتراجع خلف هاله: بكره.. الي هو.. كمان كام ساعه دا..
شروق: بكره الي هو كمان كام ساعه.. وانا.. انا صحبتك بقالي 8سنين لسه عارفه حالا... و دا جه امتي دا.. و ازاي اصلا تتخطبي لواحد من غير رايي.. اسمه اي انطقي انطقي..
روح: اسمه.. اسمه.. ايييي..
نظرت الي هاله بتوتر...
هاله: ونعرف ليه ها.. ما الهانم معرفتناش من بدري عليه وعامله مفاجاه خلاص نخلي اسمه كمان مفاجاه بق.. هي جات علي اسمه..
روح: صح.. مفاجاه..
شروق: انتي بتهزري ولا بجد..
روح: لا والله العظيم بجد..
شروق: هو اي الي بجد.. هو مين دا وبيشتغل اي وعرفتيه امتي..
روح: بصي.. هو بصراحه كده انا معرفوش اوي لاني شوفته مرتين..  والتالته طلع صاحب ابن عمي وشافني وانا عنده وطلبني يعني.. ف انا بصراحه وافقت..
شروق بعدم اقتناع: انتي هتتخطبي صالونات؟!
روح: اه اي المشكله..
شروق: اي المشكله.. انتي الي بتقولي كده انتي ي روح..
روح:  مهو مش صالونات اوي يعني.. بصراحه انا معجبه بيه يعني واممم..بصراحه حسه اني بحبه وكل صدفه جات بنا حسستني اننا نصيب بعض بجد.. وانتم لما تشوفوه هتحبوه اكيد..
شروق: اممم مع اني مش مرتاحه بس..
ضحكت شروق وجرت عليها واحتضنتها بقوه..
شروق: الف مبروك ي رووووووووحيييي...
روح: الله يبارك فيكي ي شيري..
شروق: طب يلا نروح بق عشان ورانا حاجات كتير بكره بق عندنا عروسه... لولولولولولولولولييييي...
ضحك الجميع علي زغروطه شروق الفاشله وباركوا لروح.. واتجه كل منهم الي المنزل..
___________________________________
صباح يوم جديد بدأ بشجار..
يزن: ي امي كل حاجه جاهزه والله..
صافي: خطوبه اي الي فجاه دي.. مستحيل يعني مستحيل..
يزن: بصي بق ي ماما انا عمري ما كسرت كلمتك بس المره دي انا هعمل الي ف دماغي الخطوبه الساعه 6اناا ماشي..
صاافي بغضب: بق كده ي يزن.. ماشي.. بس انا مش جايه وهتشوف..
ندي: ي ماما انا مش فاهمه انتي مزعله نفسك ليه ما تسبيهم هما مش صغيرين..
صافي:انا مش مشكلتي ف تصرفاتهم مشكلتي اني اخر من يعلم بتصرفاتهم.. وبعدين خالد فين ها قوليلي اخوكي فيين....
ندي: تلقيه مع الحربايه مراته هيكون فين.. اما انا همووت واعرف خالد ازاي رجع لام اربعه و اربعين دي... تكونش سحرتله.. اه والله تلقيها سحرتله..
صافي: اتصلي باخوكي بطلي زن..
اتصلت ندي بخالد وفتحت مكبر الصوت ليجيب..
ندي: خالود.. انت فين كده..
خالد: رايح البيت اجهز عشان الخطوبه..
صافي: دا البلد كلها عارفه وانا امه لسه عارفه حالا..
خالد: سلاام عشان تعبان شويه هاخد شور واجهز..
صافي: خالد انا عيزاك ف موضوع مهم..
خالد: سلام ي ندي عشان تعبان بجد..
وصل خالد لمنزله واتصلت ندي باحدي الاتليهات لتحجز فستان فوري وجرت لتجهز...
دخل خالد منزله بحاله يائسه بشكل مبالغ فيه.. جرت فيروز اليه وضمته..
فيروز: خالد حبيبي.. قلقتني عليك.. كنت فين ي روحي
خالد بملل وهو يبعدها: هو انتي اي.. لا بجد انتي اي انتي معندكيش دم ولا كرامه.. انا ضربتك وهنتك وجبتك من شعرك وبقولك بكرهكك ومش بقرب منك وكل دا ومش بتمشي ولا بتبعدي انتي اي بجد..
فيروز وهي تحاول لمسه: انا بحبك ي خالد بحبك اوي.. وانت عارف اني مستحيل ابعد عنك الا بموتي..
خالد: بصي انا هتكلم معاكي بصراحه... انا مش طايقك حتي.. والفتره الي فاتت دي كنت ف حاله زفت وعشان شكلي بس... مقولتلكيش نطلق.. بس انا بكرهك ي فيروز.. مش عايزك.. هو انتي مش ملاحظه حاجه بس.. اي عرسان جداد بيحصل بنهم علاقه ولطافه ف اول اسبوع جواز دا اساسي انا حتي مبكلش معاكي.. ليه بق لاني اصلا مش معترف بالجوازه دي.. انا مكنتش ف وعي وحتي مش فاكر اني اتجوز.. انتي. متخيله..
فيروز ببكاء وصراخ: انت لي مش فاهم اني ندمت ع كل حاجه.. انت كنت بتعشقني ي خالد كنت بتتمنى نفضل سوا..
خالد بغضب وصراخ: كوووووووووونت خلااااااص مااااضي انا دلوقتي بعشق شروووووق شروووووق بسسسس.... مش شااايف غيرها.. بحلم بيها.. دي الي بتمنى نظره واحده منها... بندم ع اليوم اللي انقذتها فيه لاني ه عن: خالد ابوس ايدك لا متعملش فيا كده... انا انا ممكن اعمل اي حاجه.. طب بص انا موافقه تتجوزها وتفضل معايا انا مقدرش اعيش من غيرك... مقدرش..
خالد وهو يبعدها عنه بضيق: اخر كلام عندي ارجع ملقكيش هنا احسن..
خرج مره اخري واتجه الي اتليه خاص برجال ليرتدي بدلته ويذهب لخطوبه اخيه دون رغبه ولكن.. مجبر
••••••••••••••••••••••••••••••••••••••••••••••••
الساعه 6مساء...
وصل الجميع الي المكان المقصود...
هبطت شروق من السياره مع سيف وابيها...
سيف: نجم بيه.. ممكن اخطف الاميره منك..
نجم: ولد... بنتي هتدخل معايا..
شروق بضحك: تؤتؤ هتموتوا بعض عليا.. ندخل سوا
نجم وهو ينظر الي المكان:شروق انتي عارفه القاريه دي بتاعت مين..
شروق بلامبالاه: لا معرفش..
نجم بشك: هو العريس اسمه اي..
شروق: والله ي والدي كان نفسي افيدك بس برضو معرفش بس ليه..
نجم: القاريه دي بتاعت العقرب.. فتحها السنه الي فاتت وكان قال ان اول فرح فيها هيكون واحد من العيله ف استغربت..
شروق بصدمه: بتاعت خالد...؟!
نجم: اه..
شروق بشك ثم اكملت: عادي يمكن حد معرفه معرفش بصراحه..
نجم: صحبتك ومتعرفيش يلا يلا...
دخلت شروق بجمالها الملفت الراقي لينبهر الجميع بها...