حرب ووقعت الراء

الورقه التاسعه

مش عارفه اقولكم اي والله...تحسوا ان كل حاجه حصلت ف اول يوم اتخطفت فيه.. بس يسعدني او يؤسفني مش عارفه بصراحه اقولكم ان كل دا كوم والي جاي كوم تااااني.. اصل انا دخلت جحر العقرب.. هوووص محدش يتكلم اسمعوا للاخر.. يلا بينا..
____________________________________
بصباح يوم جديد اشرقت فيه شمس دافئه لطيفه..
كان يقف امام المرآه بعد ان اخذ حمامًا باردًا لعل الماء يطفئ ناره..
خالد وهو ينظر لنفسه بالمرآه: انت اي الي حصلك ليه قلبك دق بسرعه كده.. اياك اياك تفكر فيها حتي..
خرج من الحمام واتجها الي غرفه الملابس وارتدي بدلته ووضع ساعته وعطره الرجولي المميز.. ليصبح نموذج مثالي لفتي احلام كل فتاه..

هبط الي اسفل ليجد تلك التي تقف بالمطبخ وهي ترتدي سلوبت بلون الاخضر وحجاب ابيض وكوتشي ابيض

وتغني مع تلك الاغنيه الطفوليه..
شروق: هاكونااا مطاطا.. حكمه نغمه لذيذ.. هكونا مطاطا ارمي الماضي الي يغيظ.. انساه والمستقبل اديه كل تركييييز.. هذا هو الفهريز الفلسفي... هاكوناا مطاطااااا
خالد بصدمه: هاكونا مطاطا؟؟؟!!!!
شروق بخضه: يخربيتك خضتني..
خالد: انتي بتعملي اي..
شروق بعفويه: بيض بالانشون..
خالد: لا قصدي اي الي بتغنيه دا..
شروق: يخربيتك والبيت الي جنب بيتك.. ازاي متعرفش هاكونا مطاطا..
خالد: مين ي اختي.. و دي مين الي بيغنيها..
شروق: اقول اي شكلك جاهل اصلا.. يلا هكسب فيك ثواب واعرفك.. دي اغنيه تيمون وبومبا ي جاهل..
خالد بغضب خفيف: جاهل؟! انا؟
شروق وهي تضع البيض بالطبق: اه انت..
خالد: انا جاهل..قد كلامك دا..
اخذ يقترب منها ببطئ..
شروق بتوتر: ها..
تراجعت للخلف بحذر.. ووضعت الطبق الذي بيدها علي تلك الطاوله الزجاجيه التي خلفها.. ثم بهدوء.. تكلمت..
شروق: ي نهار دا انا نسيت اقولك..
خالد بجديه: نسيتي اي..
شروق: هقولك.. اي.. اممم.. اه صح.. انت بتحب البيض عيون ولا اوملت... اصل..
وهنا جرت شروق بسرعه الي الحديقه وهي تضحك.. ليجري خالد خلفها بسرعه..
خالد: ي بنت.. ال.. بق كده.. طب والله ما هسيبك..
جرت شروق بسرعه وهي تضحك بشده.. وتتحدث.. شروق: عليك واحد.. ضحكت عليك.. واحد صفر ليا..
خالد وهو يمثل التعب: اه.. حرام عليكي..
وضع يده علي جنبه بتمثيل الألم..
شروق بضحك: انا عارفه الحركات دي ماما عملتها قبلك ي عسل.. هههه..بس المفروض ع قلبك مش جنبك...
خالد: ي بنتي انا تعبان انتي بتقولي اي.. ااااه..
وهنا جرت شروق له بسرعه..
شروق: تعبان.. تعبان ازاي يعني.. عندك اي..
خالد: اااه.. جنبي بيتقطع..
شروق بخوف وقلق: طب..طب انت بتاخد علاج اكيد صح.. ولا انت جاي تموت هنا وتلبسني مصيبه..
خالد: تعالي اسنديني..
اقتربت شروق منه وكادت علي وشك ان تسنده ولكن بخفه هو سحب قدمها بقدمه لقتع ارضا وهي تسحبه عليها..
صرخت شروق بفزع ليضع هو يده علي فمها..وهو يضحك..
خالد: بس بس.. كدا واحد واحد ي قطه..
رفع يده لتتحدث شروق بغضب..
شروق: تصدق بالله انت مجنون.. انا غلطانه اني قلقت عليك ما تموت ولا تولع..
خالد وهو ينظر الي عيناها..وبخفه رفع يده الي وجهها لتمسك شروق يده بسرعه..
شروق وهي تركله بقدمها بجنبه وقامت بسرعه: لا الحركات دي ف الافلام والمسلسلات بس..
خالد بضحك عليها.. ثم وقف وعدل ملابسه..
خالد: ضحكتيني فعلا.. شيلي الي ع الطرحه.. انتي فكرتي اني هقرب منك ولا اي.. هههه
تركها ودخل الي الفيلا لتدخل خلفه بغضب منه واحراج..
شروق: لو تقدر اصلا.. غير كده.. شوف مين الي قال عليا امبارح اني هبق مراته.. بتحلم..
خالد بغضب داخلي حاول اخفائه بهدوء وبرود شديد واقترب منها بحذر لتأخذ هي نفس وتحاول الثبات..
خالد وهو امامها مباشرة وينظر اليها من اسفل الي اعلي: كاان نفسي اقولك انك صح.. بس للاسف انتي اصلا مش ذوقي...
شروق باحراج: انت قليل الادب.. وبعدين لو مش ذوقك اي الي قولته امبارح دا..
خالد بضحك: هههه لالا اصل انا بس كنت عايز اضايق الي كانت واقفه دي مش اكتر.. شوفتي دا بق ذوقي..
عاود النظر اليها من قدمها الي رأسها ثم ابتسم واتجه الي الطاوله وهو يكمل..
خالد: شوفي فرق الامكانيات.. ههههه..
♡♡♡♡♡♡♡♡♡♡♡♡♡♡♡♡♡♡♡♡♡
بصوا بصراحه رغم اني وقتها كنت مكسوفه وعايزه الارض تتشق كدا وتبلعني..و رغم برضو انه معاه حق البت كانت مزه اوي.. ثواني اي دا انا اصلا قمر اكتر منها.. ايوه ااجمدي ي بت ي شروق كدا.. ولا انتم اي رايكم.. اووف يلا نكمل ومتخفوش انا جبت حقي.. صحبتكم جامده.. خلوني اكمل...
♡♡♡♡♡♡♡♡♡♡♡♡♡♡♡♡♡♡♡♡♡♡
بكافيه سيف..
اجتمع الجميع بهذا الصباح الباكر وبالاحرى.. ظل سيف ويوسف ومعتز مستيقظين..
سيف: وبعدين ي يوسف بيه.. اي الحل..
يوسف: بعد كلام ريهام امبارح هي كده متعتبرش مخطوفه..
معتز: ازاي يعني..
يوسف: اي انتم نسيتوا كلامها امبارح..
ــــــــــــــــــــــــــــــــ فلاش باك.. ــــــــــــــــــــــــــــــ
وصل يوسف وريهام تصرخ..
ريهام: الووو الووو شروووق.. الووو..
يوسف: في اي ي ريهام... حصل اي..
سيف: مين حضرتك..
يوسف: انا المقدم يوسف الشهاوي.. صديق الانسه ريهام..
ريهام ببكاء: شروق اتخطف ي يوسف...
يوسف: اهدي بس كدا واحكولي اي الي حصل..
روح ومازالت بصدمتها من المكالمه: مخطوفه اي.. دا ولا كأنها ف الملاهي..
هاله: اه والله دي بتقول كلت وشربت وخدت شور وغيرت هدومها كمان..
يوسف: انا مش فاهم حاجه... يعني اي كل دا..
معتز: انا هحكي لحضرتك كل حاجه.
يوسف: ياريت..
خرج معتز مع يوسف واخبره بكل شيء..
يوسف باندهاش: وحلفت انه معملش فيها حاجه..
معتز: اه والغريبه ان صوتها كان طبيعي..
يوسف بشك: اممم...معلش ف السؤال يعني.. هي شروق مرتبطه..
سيف بتعجب: لا.. بس ليه..
يوسف: وحضرتك تعرف منين..
سيف: انا وشروق متربين سوا وصحاب اوي واعتبر اقرب واحد ليها ومش بتخبي عني اي حاجه.. ف انا اكتر واحد اقدر اجاوب علي سؤالك دا..
يوسف: وانتي ي انسه هاله او روح مش عارفين..
ريهام بغضب: انا اختها وبقولك لا.. شروق بجد حياتها محصوره ف الكليه والبيت والكافيه دا وصحابها الي هما روح وهاله وسيف ومعتز.. مفيش غيرهم..
يوسف: يمكن هي مش معرفه حد..
ريهام: تقصد اي..
يوسف: انا اسف بس يعني.. هي ممكن تكون هربت مع حببها دا مثلا..
ريهام بغضب: انت مجنون.. انت بتقول اي.. مستحيل مستحيل شروق تعمل حاجه زي دي..
يوسف: اهدي بس ي ريهام.. انا مش قصدي.. بس يعني فسري ازاي مخطوفه وتقول انها بخير وصوتها طبيعي.. وبتقول كلت وشربت وغيرت لبسي كمان.. اي الي خطفها ملاك من السما.. ولا احنا ف روايه و دا فارس الاحلام...
ريهام بغضب: يوسف.. لمره واحده هقولها.. شرووووق مش كداااا.. وهي دلوقتي مخطوفه والله اعلم عمل فيها اي او هددها بايه عشان تقول كده..
يوسف: طب اهدي ي ريهام احنا بنفكر..
ريهام: انا مش هفكر.. انا بقدم بلاغ ان اختي مخطوفه..
يوسف: طب لو سمحت اهدي.. اصلا لازم يعدي ع اختفائها 48ساعه.. يعني هي لحد دلوقتي متعتبرش مخطوفه قدام القانون.
ريهام: يااارب.. اعمل اي...احنا ملناش حد يارب..
بكت ريهام بشده.. لتحتضنها روح وهاله..
يوسف: طب ممكن تروحي ترتاحي وانا اوعدك ان اختك هتكون بخير..
ريهام: اروح و اقول لماما اي..
هنا تذكرت ريهام انها اخبرت والدتها انها تذهب الي الصيدليه.. لتصرخ..
ريهام: ي نهار اسود.. انا.. انا قولت لماما اني رايحه الصيدلية عشان انزل.. يلهوي زمنها هتموت من القلق..
قاطعها سيف بسرعه: لالا اطمني.. انا كلمتها و قولتلها ان اتصلت بيكي تيجي المستشفى عشان لقيت بنت مغمي عليها ف الشارع وبما انك دكتوره جيتي..
ريهام بهدوء نوعا ما: وهي صدقت..
سيف: اه اطمني ودعت للبنت دي كمان...
ريهام: ي حبيبتي ي ماما هتعملي لو عرفتي موضوع شروق..
يوسف: طب يلا قومي روحي عشان ترتاحي.. وتغيري هدومك..
ريهام: انا عايزه شروق ي يوسف لو سمحت..
يوسف: والله هرجعها سليمه وبخير ثقي فيا ممكن..
هزت ريهام راسها موافقه..
معتز: روح هاله يلا عشان اوصلكم..
ريهام: ايوه يلا عشان اهلك ي هاله.. وارتاحي انتي وهي شويه عشان نعرف نفكر...
هاله: ماشي يلا ي معتز..
روح: نتقابل عند سيف ف الكافي..
سيف: انا اصلا مفروض عندي حصه 3ثانوي الساعه 7الصبح..هروح ارتاح شويهو انزل ولما هخلص هكلمكم..
خرج سيف لوحده وخلفه معتز وهاله وروح.. وظل يوسف مع ريهام..
مد يوسف يده ليسندها وتمسكت ريهام بها بشده.. حتي انه بتلك اللحظه اصبح مسؤل عنها... ــــــــــــــــــــــــــــــــ باك ــــــــــــــــــــــــــــــــ
معتز: انا دماغي هتنفجر بجد..
سيف: انا مش فاهم برضو لو هي مش مخطوفه.. دا يبق اسمه اي..
يوسف: انا مقدرش اعمل حاجه الا لما اتاكد انها هناك غصب عنها.. لانها مش قاصر وكمان انتم بنفسكم قولتوا انها اتكلمت عادي..
سيف: المصيبه كلها.. ان الخط اتقفل بعدها..
يوسف باحراج: معلش ي جماعه هسالكم تاني.. متأكدين ان شروق مكنش ليها اي علاقه مع اي حد..
سيف بغضب: يوووه احنا قولنا لا شروق متعرفش حد غيرنااا..
معتز: اهدي ي سيف مش كده.. احنا بنفكر..
سيف: فكروا انتم بق انا عندي حصه..
تركهم سيف بغضب واتجها الي مقر الدرس..
________________________________
وصل سيف الي الدرس ليجد بعض الفتيات ومنهم هدي تقف بالخارج و صوت ضحكاتهم مرتفعه..
سيف بغضب: اتفضلي انتي وهي.. مش في حصه ولا دا كباريه ي انسه منك ليهااا..
منه صديقه هدي: احنا اسفين ي مستر سيف بس..
سيف بصوت مرتفع: اسفين ع المسخره وقله الادب.. وقفين تضحكوا قدام الشباب..
هدي بغضب من صوته المرتفع: باشمهندس سيف.. احنا معملناش حاجه غلط..
سيف وهو يقترب منها: لا عملتي ي انسه واتفضلي ادخلييي..
دخلت هدي وهي تشتغل غضبًا وخلفها اصدقائها..
وقف سيف اعلى المسرح.. وكتب عنوان الحصه والتي باسم تدريبات علي الدرس السابق.. واخذ يضع المسائل واحده تلو الاخري ويطلب من الطلاب الاجابه عليها ويا ويله من يخطئ..
وهنا نظر الي هدى ليجدها تتحدث مع زميلتها وتضحك لينادي بصوت مرتفع..
سيف:هداااااااا...
نظرت اليه هدي بخوف.. واندهش الجميع من هذا النداء الغريب..
هدي بخوف وتوتر: انا؟؟
سيف: في هدي غيرك ولا اي.. حد هنا اسمه هدى.. او يمكن انت ي علي غيرت اسمك لهدي..
ضحك الجميع بسخريه عليها.. ليزداد توترها وتتجمع الدموع ف عيناها..
سيف: اتفضلي حلي..
اخذت هدي كشكولها والقلم لتحل المسأله وهي بمكانها ليتجه اليها سيف ويسحبه منها..
سيف: بتعملي اي ي باشمهندسه..
هدي بتوتر:بـ.. بـ.. بحل....
وضع سيف الكشكول خلف ظهره ونظر الي السبوره وهو يتحدث..
سيف: اتفضلي.. السبوره هناك والقلم..
هدي: ما الكل حل مكانه اشمعنا انا..
سيف: مزاجي.. اتفضلي بقول...
اخذت هدي نفسا عميقا ثم اتجهت بخطوات ثابته نوعا ما الي السبوره وكانت علي وشك ان تصعد اعلى هذا المسرح الخشبي ولكن خانتها قدمها و داست علي هذا الفستان الطويل الذي كانت ترتديه وكادت علي وشك ان تسقط ليلحق بها سيف بسرعه ويسحبها اليه..
نظر الي عيناها البنيه وكأنه سقط بفجان قهوه داكن.. مرارته يزيده انتباها ويقظه..
شعرت هي باحراج شديد لتعتذر.. وتبعد يده عنها..
هدي: انا.. انا اسفه..
وبسرعه صعدت الي المسرح وبدأ في حل المسأله وهي ترتعش وقلبها يدق بشده..
لم يمر سوا دقيقه واحده و رفع صوته..
سيف: كل دا ومسأله مخلصتش..
هدي بدهشه: انا.. انا لسه بدأه..
سيف: انتي فاشله.. مش هتنفعي.. يعني اي مسأله هبله زي دي عده دقيقه ونص ومخلصتهاش..
هدي بغضب: حضرتك المسأله دي محتاجه 3دقايق ع الاقل..
صعد سيف الي المسرح وسحب قلم اخر من ع السبوره وبأقل من دقيقه.. كتب الناتج الاخير..
سيف بثقه وهو ينظر اليها: لازم تتعلمي السرعه.. التركيز.. الثقه بالنفس.. لو عايزه تبق مهندسه شاطره.. دا لو نفعتي اصلا..شكلي كنت غلطان لما قولت ان يجي منك.. لا انتيي اخرك المطبخ..
وهنا تعالت اصوات الضحكات علي هدي وتكلم هو بكل برود..
سيف: اتفضلي ادخلي..
دخلت هدي والدموع تهبط من عيناها بهدوء...
سيف: الكل يحل دي لحد ما اجي..
خرج سيف الي الخارج واخذ يوبخ نفسه بشده وهو يضرب بقدمه اي حجر و اي شيء امامه..
سيف: غبيييي... غبيييييي.. اي الي انت هببته دااا شوف هتصل المصيبه دي ازااااي...
اخذ نفسا عميقا.. وحاول ان يهدأ ثم اتجه الي الداخل مره اخري..
___________________________________
اتفضل..
كان هذا صوت شروق وهي تضع له القهوه..
خالد وهو يعمل علي اللاب توب: شكرا..
شروق وجلست امامه: وبعدين...
خالد وهو مستمر بالعمل: وبعدين اي..
شروق: زهقت.. اتخنقت.. مليت..
خالد: بمعني..
شروق: اي الغباء دا.. بقول زهقت.. اي الي مش مفهوم..
خالد: عندك التليفون.. والتلفزيون.. والحديقه فيها مرجيحه.. ف اوضه كامله فوق مليانه كتب و روايات عربي وانجليزي و فرنسي...عندك المطبخ في كل حاجه لو بتعرفي تطبخي.. اه عندك كمان البسين واوضتك فيها مايو.. ولبس يعني عندك كل حاجه..
شروق بتريقه: تصدق صح.. هحتاج اي اكتر من كدا.. خالد بيه.. انت نسيت حاجه مهمه جدا..
خالد بانتباه: اي هي..
شروق بصراخ: انا مش جايه اصيف.. انا مخطوووووفه..ا? Are you understand me
خالد ببرود: ايوه ماانا الي خطفك.. شكرا ع المعلومه.. عايزه اي بق..
شروق: لا انا كدا هتشل.. انا عايزه افهم انا بعمل اي هنا..
خالد ونظر الي ساعته: بصي لو عايزه تخرجي كلميني..
اخرج من جيبه هاتف واعطاه لها..
شروق: شكرا معايا فوني..
خالد وتركه امامها: الفون دا مش عليه غير رقمي.. هتتصلي تقوليله انك عايزه تخرجي هقولك اجهزي وبهدوء جدا رجالتي برا هتركبي معاهم العربيه توصلي لاي مكان عايزه..
شروق باندهاش: اي مكان..؟ حتي لو البيت..
خالد بابتسامة: لا للاسف مش اي مكان اوي.. اولا هتروحي مكان متعرفيش حد فيه.. ثانيا مش هتكلمي اي حد من اهلك غير قدام عيني.. ثالثا و دا الاهم.. انتي مش مخطوفه انتي ضيفه عندي لحد ما اقولك امشي..
شروق: طب.. ثواني بس.. بدال انا مش مخطوفه وضيفه هنا.. ممكن اكلم حد من صحابي..
خالد: شروق.. انا مش عايز حد يعرف انك هنا مفهوم.. انتي مش بتتفسحي.. انا محتاجك ف شغل..
شروق: شغل اي انا مش فاهمه حاجه.. انا دكتوره والله العظيم حتي لسه متخرجتش.. اي الشغلانه الهباب دي.. هل مثلا انت عندك حد عيان عايزني اخذ بالي منه.. او حد فهمك اني اتخرجت وعايزني اعالجك.. ولا..
خالد: باااااس انتي اي ما بتصدقي.. بت مسمعش صوتك قولت..
اتجه نحو باب المنزل لتجري شروق خلفه..
شروق: طب.. طب بص.. ممكن اجي معاك.. مش هعمل صوت والله هفضل ساكته بس انا مش بحب افضل لوحدي..
خالد بغضب: تيجي معايا فين.. انتي ليه مش عايزه تفهمي انك مش بتتفسحي هنااا...
صمتت شروق ليفتح هو الباب ويخرج بانفعال..
ركب سيارته ليأتي له اتصال..
خالد: ايوه..
السكرتيره:................
خالد: نعم؟ ازاي يعني؟
السكرتيره:..........
خالد: بقي كده... طيب...حلو اوي....
هنا هبط خالد من سيارته واتجه الي الداخل مره اخري.. ليجدها تجلس وهي تربع قدميها امام التلفاز..
خالد باحراج: شروق...
شروق وهي تمثل الحزن ولم تجيب اكتفت بنظره حقيره من عيناها..
خالد: احم...انا فكرت وبصراحه صعبتي عليا.. قومي تعالي معايا..
هنا قفزت شروق من مكانها ووقفت علي الكنبه وهي تصرخ..بفرح..
شروق: اولااااااااااااي....... يلا...
خالد وهو ينظر اليها: يلا اي..
شروق: مش بتقول هاجي معاك..انت ملبوس ي ابني.. ولا دا انفصال ف الشخصيه ولا شيخوخه مبكره ولا اي...
خالد بضحك: لالا مش قصدي بس هتيجي كده..
شروق: اه اي المشكله..
خالد وهو يبتلع ريقه باحراج: ان انا مدير شركه كبيره.. ومينفعش امشي مع طفله عندها 13سنه بالشكل دا..
شروق: علي فكره بق انا عندي 21سنه..و بعدين مش لازمي تمشي معايا همشي وراك عادي..
خالد ووقف امامها وهي مازال علي تقف ع الكنبه وتحدث..
خالد: بصي من الاخر كده عايزه تيجي معايا هتلبسي الي انا اختاره غير كدا براحتك خليكي..
شروق: اوووف..يعني اي يعني..
خالد: زي ما سمعتي..ها يلا عشان معاكي خمس دقايق...
شروق: لا.. انا الي هلبس..
خالد: خلاص براحتك خليكي..
شروق وجرت خلفه: خلاص خلاص والله ماشي موافقه.. صبرني يارب..
خالد: اتفضلي قدامي..
صعدت شروق الي اعلي بسرعه وهو خلفها وبعد عدت دقائق اشار خالد الي بعض الملابس..وانتظر بالاسفل..
وبعد 7دقائق بالضبط..
خالد: علي فكره انا قولت معاكي خمس دقايق بس.. انا همـ......
لم يكمل حديثه لتقطع شروق صوته بصوت كعب حذائها العالي... باللون الابيض.. وبدله كلاسيك باللون الاحمر وحجاب وتوب من اللون الابيض..
خالد وهو يبتلع ريقه من جمالها و رقتها: اييييي...
شروق: اييي.. شكلي.. اي..
خالد بصوت غير مسموع: جامد.. اموت ف الاهلي..
شروق: اي.. مش سمعه حاجه..
خالد: لالا بقول حلو.. حلو اوي..
شروق باحراج: بجد...
خالد: اه يلا..
سارت شروق خلفه بعد ان اخذت الهاتف الذي اعطاه لها فقط..
خالد: فين شنطتك..
شروق: يختاااي نستها..
خالد: لا بصي هبل من اولها مبحبش..
شروق: رهوان هجبها..

جرت شروق الي اعلي واخذت حقيبة بيضاء اللون تتناسب مع حجابها..
كانت تجري علي السلم لتسرع ليخونها كعبها العالي..
وكادت ان تسقط ليلحق بها بسرعه ويحملها بين احضانه..
رفعت عيناها بهدوء لتتلاقي بعيناه التي مثل ظلام الليل الداكن..
شروق: انا.. انا.. اصل... مش متعوده ع الكعب العالي والجو دا..
خالد: اممم
شروق: بس.. هتعود.. هتعود..
خالد واقترب من اذنها: واضح انك هتتعودي ع الكعب.. بس اتعودتي علي حضني..
هنا تلون وجه شروق باللون الاحمر وصرخت به..
شروق: نزلنيييييييي...
خالد بضحك: حاضر حاضر.. اهو كأني مغرم اشيلك مثلا..
شروق بتريقه: نينينيينينيي.. ظريف اوي..
خالد بضحك: يلا ورايا..
سارت خلفه وركبت السياره بجواره.. لتخرج السياره من هذا القصر الصغير وتتجه الي الشركه تحت مراقبه شروق لطريق بدقه...
وهنا قطع خالد شردها..
خالد: متحفظيش اوي عشان لو حفظتي وقررتي تمشي من الطريق دا هترجعي تاني..
شروق بعدم فهم: يعني اي..
خالد: لا دي اسطوره زي كدا الحجر الاسود لو تسمعي عنه..
شروق: تؤ.. معرفوش..
خالد: دا ي ستي..حجر الانسان لو داس عليه بيرجع للمكان الي فيه الحجر دا تاني...وغالبا مش بيمشي من المكان دا ولو مشي بيرجع تاني..
شروق: معتقدش في حاجه كدا... الانسان لو ماشي وهو فاهم ومقتنع ان دا مش مكانه مستحيل يرجع..
خالد: بيرجع...عارفه لي..
شروق باستهزاء: عشان الحجر ملعون مثلا..
خالد: لا عشان قلبه بيكون اتعلق بشخص معين ف المكان دا...
نظرت شروق اليه لتتلاقي عيناهم لبعض دقائق في صمت.. ويقطع هذا صوت السائق..
الساائق: وصلنا ي خالد بيه..
هبط خالد من السياره واتجه الي الباب الاخر وفتحه لشروق لتهبط هي وتنظر الي تلك الشركه الرائعه والكبيره بشده والتي باسم KHKH
شروق: واو.. دي شركتك..
خالد: شايفه اي..
شروق: حلوه اوي.. دا...
قاطع لحديثها صوت تلك الفتاه المثير للغضب بالنسبة لشروق..
فيروز: اخيرا.. وصلت.. اول مره تتأخر علي شغلك..
خالد: وانت مال اهلك..
فيروز: خالد..اولا اتكلم معايا باسلوب كويس.. ثا..
قاطعها خالد..
خالد: هوووص انتي فكره نفسك واحده ليها قيمه عشان تتكلمي معايا ولا اي.. اوعي.. كدا وسعي..
فيروز بغضب: وبعدين دي جايه تعمل اي هنا..
نظر خالد الي شروق بابتسامة ثم امسك يدها وسحبها خلفه..
خالد: يلا ي حبيبتي عشان اعرفك علي كل تفاصيل حياتي.. ي حياتي..
وتحت نظرات شروق المندهشه.. سارت خلفه وهو متمسك بيدها.. وهي لا تنطق بكلمه واحده..
وصل الي المصعد ليضع يده علي خصرها باحكام.. وينظر في عيناها.. بشده..
لتضع فيروز قدمها وتركب معهم المصعد..
كانت تتابعهم بنظرات غضب شديد.. لتحدث خالد
خالد: شيري..الليبجلوس بتاعك مش مظبوط ي روحي.. ثانيه.. كدا..
اخرج منديل من جيبه وبلطف اقترب من شفتاها واخذ يمسحه..
كانت شروق لا تنطق بكلمه حتي تحدثت تلك الحربايه الصغيره..
فيروز: واضح انها اصلا ملهاش ف الميك اب..
شروق وهي تنظر اليها ببرود نوعا ما: بصراحه اه.. لان انا قمر من غير نقطه ميك اب.. صح ي روحي..
نظر خالد اليها بابتسامه متمالك نفسه من الضحك ثم تحدث..
خالد: اكيد..من غير اي حاجه احلي بنت ف الكون..
شروق: ميرسي ي قلبي.. لكن انتي..
نظرت اليها من اسفل الي اعلي ثم تحدثت..
شروق: اولا روحي استري نفسك.. ثانيا.. اكيد لازم تكوني ليكي ف الميك اب.. عشان تحاولي تخلي ملامحك دي تبان..
فتح المصعد لتسحب شروق يد خالد هذه المره وتمشي بكل ثقه..لتظل فيروز تشتغل غضبا منها..
يتبع..