مخصماك وابعد عني انا مش طيقاك.. متورنيش وشك تاني.. مخصماك.. مجنون بجد انا مش فهماك.. نيننينينيي.. لالا انا مش حافظه اصلا ف بهبل.. وانا بمسح كده..ثواني نسيت اسألكم المره الي فاتت.. انتم مركزين ولالا.. عشان لو لا نعيد مالاول بق.. لاء.. لاء انا اصلا مش قادره اعيد تاني.. يلا يلا عشان نكمل الحكايه...
____________________________________
دخلت شروق بكل ثقه وجلست بمركز تلك الطاوله الكبيره...نظرت اليه من اعلى الي اسفل وغيرت نظرتها الي اشمئزاز من ملابسه التي تلطخه بالقهوه.. ثم تحدثت بسخريه...
شروق: اي الشياكه دي ي مستر خالد...
خالد بصدمه: شياكه اي..
شروق: ويا تري الشياكه دي قهوه ساده ولا زياده..
خالد وهو يتنظر الي ملابسه اخيرا: ي نهار مهبب.
اخذ المناديل وبدا يمسح بنطاله... لتتحدث فيروز بغضب..
فيروز: انتم بتهزو صح.. دي نكته اكيد.. انتي بتعملي اي هنا..
شروق بثقه وهي تنظر الي اباها وابتسمت: اول مره اشوف واحده بتسأل صحبت المكان بتعمل اي ف مكانها..
فيروز بصوت عالي: صحبت مكان اييييي... انتي بتقولي اي...
شروق بغضب وهي تقف وتخبط علي الطاوله بقوه: صوووووتك ميعلاش ف شركتي... دا اولااا.. و لما تتكلمي معايا تتكلمي عدل احسن لك.. دا ثانيا... ولما تكوني قدامي تقولي حضرتك مش انتي... دا ثالثا..
ثم خفضت صوتها وجلست ووضعت قدم فوق الاخرى واكملت..
شروق بابتسامة: اه والف مبروك ع الجواز دا رابعا..
خالد بصدمه: جواز... جواز اي..
شروق: تؤتؤ والله ازعل.. اي ي عقرب هتخبي عليا ولا اي.. طب اعمل حساب العشره ي راجل دا احنا فضلنا سوا تلت تيام بحالهم.. كلنا وشربنا وضحكنا سوا... اه ولعبت معايا كمان.. sorry sorry.. لعبت بيا كمان.. بس بصراحه..
قامت من مكانها واتجهت نحوه بخطوات واثقه.. ووقفت امامه وامسكت المنديل الذي مسح به خالد بنطاله... ونظرت اليه واكملت..
شروق: بصراحه زعلانه اوي.. ليه بق.. بق ي راجل تبعتلي ورقتين وتكون شايفني و قدامي ومفيش بنا الا كام متر ومتقوليش... تؤتؤ بجد عيب.. دا احنا بنفهم ف الاصول وكنا هنبارك ونوجب معاك كمان.. بس تقريبا انت فكرتني زيك.. اصل قليل الاصل.. فاكر كل الناس زيه.. زباله...
والقت ف وجهه المنديل الملطخ بالبن والقهوه..
نظر خالد اليها بانكسار وغضب ف نفس الوقت.. ولكن صرخ بها..
خالد ف وجهها: شرووووووق... احترمي...
قاطعته شروق برفع حاجب وصوت مرتفع..
شروق: ااااااالززززم حدك وانت قدامي... عشان اقسم بالله ارميك ف الشارع حالا... واخليك تشحت ي خالد بيه.. واسمي شروق هااانم... وتقف تتكلم معايا عدل عشان ممسحش بيك بلاط الشركه دي وافتكر ان كل شغلك من غيري ولا حاجه..
صمت خالد وكتم غضبه حتي تحطم القلم الذي بيده لقطع صغيره وخرج من المكان... لتجرى فيروز تلحق به وهي تنظر لشروق بغضب..
ظلت تقف هي مكانها تعطي الجميع ظهرها وتحاول ان تسيطر علي نفسها من الانهيار..
وهنا تحدث اسر بثقه..
اسر: والتمثليه دي هتخلف امتي..
شروق وهي تنظر اليه بحاجب مرفوع: تمثليه اي..
اسر بضحك وهو يجلس مكانه: طب يعني بصراحه كدا هدفك انتقام بس.. ولا انتقام وتأخديه.. عشان نلعب سوا..
شروق: اولا انا مسمحلكش تتكلم معايا كده.. ثانيا.. انا هدفي دلوقتي شركتي بس.. ثالثا.. اتفضل الاجتماع انتهى..
قام اسر من مكانه ووضع الكارت الخاص به امامها..
أسر: اوكي.. بس هتكلميني عشان هتحتجيني.. مصلحتك معايا ي شيري هانم..
غمز بعينه وخرج من غرفه الاجتماعات.. لتجلس شروق بعدها بضعف وانهيار وتبكي بشده..
نجم: بتعيطي ليه..
شروق بانهيار: انا... انا... انا مش عارفه عملت كده ازاي.. انا ركبي كانت بتخبط ف بعضها شوف.. شوف ايدي..
نجم وهو يقف امامها: بنت نجم متخفش من حد غير الي خلقها..
شروق ببكاء شديد: بس.. بس.. انا بجد قلبي كان.. كان بيتقطع.. انت.. انت..
سحبها اليه وضمها واخذ يطبطب عليها بحنان شديد..
نجم: صدقيني ي بنتي.. انا واثق اني بعمل الصح.. انتي مش وحشه.. ومبسوط من الي عملتيه.. كنت خايف فعلا متعرفيش تقفي قدامه بس.. واضح انك فعلا خدتي طبعي.. تعرفي امتي تبقي جامده وصلبه وامتي تبقي لينه وقلبك كبير..
شروق وهي تضمه: انا اول مره اعمل كده..
نجم: وانا مكنتش وحش مع امك الا ف الضروره ي بنتي.. والله ما حبيت غيرها.. ومكنتش اتخيل اني اعمل فيها كده بس.. في اوقات القسوه ع الي بنحبهم بتكون الحل.. مش معنى اني بحبك اني هستحمل منك تيجي عليا وتظلمني... دا المثل بيقولك ان كان حبيبك عسل متلحسوش كله..
شروق وهي تبكي اكثر: انا.. انا قلبي وجعني اووي اووي ي بابا.. انا معرفش بجد عملت كده ازاي.. انا كنت هموت والمسه... كنت هموت واعاتبه واصرخ فيه اقوله ليه عملت كده.. بس معرفش بجد معرفش القوه دي جاتلي منين..
نجم بضحك وهو يمسح دموعها: مني ي بنت المجانين انتي.. انتي بنت نجم.. ارفعي راسك كده وامسحي دموعك دي..
مسحت شروق دموعها وهي تضحك..
شروق: برضو بتشتم نفسك انت ومديحه مفيش فايده فيكم..
ضمها نجم اليه وتحدث..
نجم: طب يلا بق عشان نروح نتغدا سوا وبعدين هنروح البيت
شروق: بيت اي..
نجم: بيت اي ازاي بيت ابوكي.. الي هو بيتك ي بنت الك*لب انتي..
شروق: مهو.. مهو مش هينفع.. اصل..
نجم: بس بس متخفيش.. هتروحي من غير ما امك تحس بحاجه وعد..
شروق: اممم بعدل كدا يبق اشطات ويلا بسرعه عشان هموت مالجوع..
نجم: طب ثواني بس.. ن...
قاطعته شروق..
شروق: بقول يلا يلا جعاااااانه...
سحبته من يده وجرت...
___________________________________
وهنا دق جرس الباب لتفتح تلك السيده التي بمنتصف الاربعين اخذت تنظر لريهام من اسفل الي اعلى والي ملابسها..
أنت تقرأ
حرب ووقعت الراء
Romanceالبدايه هي الاجمل بكل شيء والنهايه هي نتيجه للبدايه... الجميع يتفق علي هذا... ولكن هل هذه القاعده صائبه دائما... كلا ي عزيزي ف لكل قاعده شواذ كانت البدايه حرب ووقعت منها الراء ف اصبح..... ♥🦋
