حرب ووقعت الراء

الورقه التاسعه والعشرون

طب اقولكم علي حاجه بجد.. وقت الي حصل دا انا مكنتش عارفه افكر ولا اتصرف... و رغم انكم اكيد هتقولو ارتحنا من فيروز والعيبها بس.. ممكن نفكر من نحيه فيروز شويه.. هو عشان انا الي بحكي شايفين ان فيروز وحشه.. اصل انا فكرت ف الموضوع وقتها يعني ليه مطلعش فعلا انا الي وحشه.. يعني لو فيروز الي كانت بتحكي وقالت الموضوع من وجهه نظرها قالت انها حبت واحد اوي وعاشت معاه قصه جميله اوي اوي و ف يوم كانت زعلانه معاه راحت مع صحبتها يسهروا برا عادي من الخنقه وهي خارجه مع صحبتها اكتشفت ان الخروجه كلها شباب ومن ضمنهم كان حببها دا وانه فهم الموضوع غلط وفكر انها بتخونه ومسبهاش تبرر حتي وعشان مكنش سايب اي امل بينهم خالص وقفل الباب سابته وسافرت واشتغلت و بقت اشهر و انجح موديل ودرست فاشون و لما رجعت اخيرا وقالت اهو في فرصه تاني اشوفه ونرجع تلاقيه حب بنت تانيه وطبيعي تسعى انها ترجع حبها ليها باي شكل يمكن اسلوبها كان غلط بس عارفين جمله مرايه الحب عاميه.. الي بيحب ممكن يعمل اي حاجه عشان الي بيحبه بجد.. و اي حاجه بمعني اي حاجه.. ولما برضو عملت كل حاجه عشانه ومفيش فايده من رجعوهم ليهم انتحرت.. لما حست انها مش مرغوبه و انها بتسعى ورا وهم وسراب و الي كانت بتحبها الوحيده والي كانت سندها صافي يعني تخلت عنها عشان الفلوس... انسانه وحيده جدا ملهاش حد لا ام ولا اب وحتي عمتها اتخلت عنها والوحيد الي حبته فكر انها خانته ولما حاولت ترجعه حتي كصديق فشلت.. ليه مكنش انا الي وحشه فعلا وخدت منها الي بتحبه بس برضو انا مكنتش اعرف كل دا وقتها وكل الي حصل دا مكنش ليا دخل فيه بجد.. بس حقيقي انا وقتها فعلا حسيت بالذنب وكان فيروز بانتحارها دا خلتني افهم انها فعلا مكنتش وحشه فيروز ضحيه... فيروز كانت عايزه صحبه.. اخت... ام حد يوجهها.. كانت ضعيفه لدرجه... لدرجه سابت نفسها لشطانها بانها تنتحر.. لكن انا.. انا كان عندي ام ربتني صح واخت تسمعني وتاخد بالها مني وكان عندي صحاب يسمعوني وينصحوني ويصدقوني سيف و معتز وروح وهاله وحتي ابويا مطلعش بالقسوه دي.. كل حكايه فعلا ليها وشين زي الجنيه ملك وكتابه وكنا بنحب الملك ونادر اوي لو لقيت حد شايف او مهتم بالكتابه... رغم ان كدا جنيه وكدا جنيه... بس طبع البشر كدا شايف جزء بس.. عايزين يشوفوه مين كسب الحرب وميهمش حد الحرب دي حصل فيها اي... يلا نكمل.. عشان نشوف باقي الحكاية..
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
فتح باب السياره لتهبط ريهام وهي تبتسم لهذا الرجل وهي تشعر انها تريد ان تساله شيء..
ريهام: شكرا لحضرتك تعبتك...
.....: ولا تعب ولا حاجه.. حمدلله علي سلامتك..
ريهام: الله يسلمك.. شكرا بجد.. بعد اذنك..
......: اتفضلي..
مشت خطوتين بالتحديد وهو يتابعها لتقف ثم تعود اليه وهي تبتسم..
ريهام بفضول واستأذان: هو انا ممكن اسأل حضرتك سؤال..
....: اكيد اتفضلي..
ريهام: هو انا وحضرتك يعنى شوفنا بعض قبل كده عشان انا حسه اني اعرفك اوي بس مش فاكره خالص شوفتك فين او مش متاكده احنا فعلا نعرف بعض ولالا...
ابتسم ثم تحدث..
.....: نفس الشعور.. بس يعني
صمت للحظات ثم اكمل...
.....: برضو مش فاكر بالضبط شوفتك فين..
ريهام: امممم... تمام فرصه سعيده..
......: انا اسعد..
ريهام بابتسامة: بعد اذنك بق..
.....: اتفضلي ي بنتي..
تحركت خطوه لتعود مره اخري وهي تضحك ليضحك هو ايضا..
....: لا كدا بق رايي تيجي نتمشى سوا ونتكلم براحتنا.. عشان واضح انك عايزه تقولي حاجه..
ريهام بضحك: هههه لالا مش لدرجه دي اخر حاجه والله بجد...
....: بجد
ريهام بضحك: اه بجد..
....: اتفضلي اسالي.. اخر حاجه دي..
ريهام: حضرتك اسمك اي..
....: نجم...
ريهام بتعجب: نجم..؟!
....: اه نجم.. اسم الشهره يعني... رجل اعمال بق وكدا.. ف لازم يبق ليا اسم مميز.. زي العقرب كدا..
ريهام: العقرب؟ ونجم؟ اي دول.. مالها الاسماء العاديه ما انا بيقولولي ي دكتوره عادي بس عشان شغلي مثلا..
نجم: دكتوره ريهام...
ريهام بتعجب: وانت عرفت اسمي منين..
نجم بتوتر: ايييي... انا...
هنا رن هاتف ريهام وكانت امها..
ريهام: ي نهار مهبب ماما هتولع فيا انا و شروق اكيد اكيد هتقوم الحرب دلوقتي... انا اسفه بعد اذنك..
رفع ريهام فستانها قليلا وهي تمسك حذائها بيدها واخذت تجري الي البنايه.. وهي تجيب علي الهاتف وتتحدث مع امها...
راقبها نجم حتي صعدت وهو يبتسم..
نجم: دايما كنتي بتلحقيني ي مديحه.. دايما كنتي بتصلحي ورايا.. حتي كل الي انا فيه دا من دهبك الي خدته منك غضب عنك...يارترى هتسمحيني قبل ما اموت ي مديحه...
اغلق باب السياره وانطلق الي قصره وهو ينوي ان يحسم هذه الامور...
/////////////~~~~~///////////////~~~~~//////////////
وبقسم الشرطه..
يوسف: خالد بيه اي اقوالك علي الورقه دي..
لم ينظر خالد حتي الي الورقه ولم يجيب..
يوسف: خالد بيه.. رد عليا عشان اساعدك.. المحامي بتاع حضرتك برا وعايز يدخل وانا مش هدخله الا لما اسمع منك التبرير... الدفاع الشخصي..
لم يجيب خالد مره اخري فكان عقله في عالم اخر..
يوسف: لا اله الا الله خالد بيه... ممكن افهم حضرتك مش بترد ليه.. قول اي حاجه طيب خليني افهم او اساعدك...
نظر خالد اليه ثم اغمض عينه بألم وتحدث..
خالد: ممكن تاخدوني علي اي مكان تحبوه بس اكون لوحدي.. بعد اذنك ي حضرتك المقدم..
يوسف بغضب وتعجب: خالد بيه حضرتك متهم ف قضيه انتحار ومش بس كدا انت سبب ومعترف بكدا ف فلتك قدام الكل مش هتبرر او تدافع او تحكي الي حصل..؟!
خالد بتنهيده: ممكن الحبس يكون انفرادي..
يوسف بضيق: مفيش فايده مش هيتكلم.. تمام ي خالد بيه انا هراعي الصدمه الي حضرتك فيها وهدخلك غرفه زميلي ترتاح فيها وتكون لوحدك والعسكري هيكون ع الباب.. لحد ما تهدى خالص وبعدين نتكلم..
رمش خالد بعينه دون ان يجيب لينادي يوسف العسكري..
يوسف: انت ي ابني.. خد خالد بيه لمكتب حضرتك الضابط حسن وافضل ع الباب اياك تتحرك مفهوم.. وانت ماشي دخلي يزن بيه اخو خالد بيه..
العسكري: تمام ي فندم..
اخذ العسكري خالد الي المكتب ودخل يزن الي يوسف..
يوسف: اهلا يزن بيه.. مش عارف والله اقولك مبروك ولا شد حيلك.. انا اسف كنت احب اجي ابارك الاول بس اهو اول تعارفنا وش لوش يكون كدا..
يزن برسميه: البقاء لله ربنا يرحمها..
يوسف: يارب.. ممكن اسال حضرتك شويه اسئله عن انسه فيروز..
يزن بتعجب: انسه؟!
يوسف: اه انسه.. دا الي ف التقرير قدامي.. انسه فيروز.. في مشكله ولا اي..
يزن بصدمه: في مشاكل...
يوسف: اي هي.. خير..
يزن: فيروز تبقي مرات خالد... اتجوزوا من كام يوم... او اسبوع تقريبا او اكتر كمان...
يوسف: ثانيه بس.. انت بتقول متجوزين؟! فيروز وخالد..
يزن: اه متجوزين... والي اعرفه كمان انهم اتجوزوا عشان فيروز يعني... احم.. بقت مدام بسبب خالد ف كان لازم يتجوزوا عشان الي حصل بنهم..
يوسف: لالا براحه كدا واحكيلي من الاول...
بدأ يزن يروي ما يعرفه عن اخوه وفيروز منذ البدايه حتي النهايه.. وهو يزداد توتر واندهاش..
وبعد اكثر من ساعتين...
يزن: بس.. ف المفروض ان قدامك فيروز مدام شرعا وقانونا...
يوسف بابتسامه ساخره: احب اعرف حضرتك ان فيروز هانم انسه بنت بنوت محدش قرب منها دا اولا و دا من النحيه الجسديه والشرعيه.. بالنسبه لنحيه القانونيه مفيش ورقه رسميه تثبت ان فيروز وخالد متجوزين اصلا.. والورق الي لقناه كله مزور وباين جدا حتي شوف..
اخرج يوسف ورق الجواز الي يزن وبله بنقطه ماء..
يوسف: كله فيك.. مش حقيقي.. شايف بيدوب ازاي الحبر والورق دا غير انه مش متسجل اي حاجه علي الكمبيوتر.. بس دا معناه حاجه واحده ان فعلا خالد بيه السبب ف موتها..
يزن بصدمه: نعم ازاي.. خالد خالد مستحيل يعمل كدا..
يوسف باستهزاء: يزن بيه الموضوع واضح.. فيروز لعبت علي خالد حكايه انه حصل بنهم حاجه واتجوزوا وخالد كان لسه بيحب شروق ولما عرف لعبه فيروز هددها بالقتل عشان تبعد عنه ويرجع لشروق و فيروز من خوفها انتحرت الموضوع بسيط وعشان كدا خالد بيه جاتله نوبه هلع لما شافها وفضل يقول انا السبب انا السبب وسامحيني وانا اسف.. عشان مخه رفض يصدق انها فعلا انتحرت بسبب تهديه ليها.. و كلامك وكلام فيروز ف الورقه و الي اعرفه ف حكايه شروق واعتراف خالد وعدم دفاعه عن نفسه كل دا تأكد اتهام خالد بيه وكدا الموضوع منتهي...
سمع يزن الحديث وهو لا يتحرك قيد انمله.. يشعر ان الكلام منطقي للعقل ولكن عنده يقين داخلي ان خالد مستحيل ان يفعل هذا.. مستحيل ان يكون السبب بموت فيروز..
يوسف: اتفضل ي يزن بيه وياريت تناديلي دكتوره شروق وحضرتك خارج..
يزن: اه.. اه حاضر...
••••••••••••••••••••••••••••••••••••••••••••••••••
وبعد مرور عدت ايام.....
حكمت المحكمه حضوريا علي المتهم خالد الخولي بالسجن 7سنوات لاثبات انه كان المتسبب بانتحار الانسه فيروز السعيد المتولي...
ونظرا لانه لم يعطي اي اعتراض علي ما توجه له من حكم وانه لم ينكر اتهامه خفف الحكم من سبع سنوات الي اربع سنوات مع الاعمال الشاقه..
رفعت الجلسه...
•••••••••••••••••••••••••••••••••••••••••••••••
اممم لو هتسألوني عن موقفي هقولكم انا مدتش اي رد فعل من يوم الحادثه.. و رغم اني متاكده ان خالد برئ الا اني مكنتش عارفه اتصرف ولا اعمل اي.. هو مكنش عايز يتكلم دخل ف صدمه عصبيه وانا... انا مكنتش قادره ادافع بصراحه... كنت حسه اني استاهل الحبس معاه.. مهو برضو الموضوع مش سهل دا انتحار وحده نهت حياتها بسببي انا وهو.. وكلام فيروز ف الورق الي سابته فوقنا كتير.. لحد.. لحد اليوم الي حصل فيه حاجه تغير كل حاجه....
////////////////////////////////////////////////////////////////
بعد مرور 6اشهر..
ااااه مش قادره خالص كان يوم صعب اوي..
كان هذا صوت هاله التي القت بنفسها علي الكرسي بكافتيريا المستشفي...
روح: اكل العيش مر ي اختي..
هاله: استني اشوف معتز خلص ولالاء..
روح: مهو اكيد لو مخلصش مش هيرد ي ذكيه..
هاله: مش قادره اتخيل انه خلاص بكره كتب كتابنا هبق مراته رسمي ي روح خلاص كدا هعيط من الفرحه بجد...
روح: يلا خلينا نخلص منكم..
هاله: بس ي بت برضو قاعده علي قلبك..
روح: طب اسكتي بق عشان مش فيقالك..
قالت هذه العباره وهي تنظر الي الهاتف وتتصل باحد
هاله: بتعملي اي.. وريني بتتصلي بمين..
روح: ي اسقع خلق الله انتي.. هاتي الموبايل..
هاله: ي بنتي ارحمي الراجل.. دا انتم لسه قافلين..
روح: وانتي مالك انتي.. وبعدين علي فكره متكلمناش بقالنا 36 دقيقه بحالها شوفتي بق..
هاله: ياااه 36دقيقه لالا انتي ازاي عايشه كل المده دي من غيره وبقولي عليا انا الي محن.. والله محد محن غيرك..
هنا جاء شريف ومعه لمياء..
شريف:  ازيكوا ي شباب..
هاله بضحك: ازيكم انتم ي عصافير الحب.
لمياء: شوف شوف مين الي بيتكلم الي مش مبطله نظرات وهيام..
هاله: جوزي ي حبيبتشي.. ي ماما وابصله براحتشي..
روح: طب بس انتي وهي وهو كدا عشان ارد..
لمياء بغمز: ايوه بق من لقي احبابه نسى صحابه..
قفزت روح من مكانه مبتعده لترد علي هاتفها..
وهنا جاء معتز يجري بفزع..
معتز: شروق شروق... شروق فين..
هاله بفزع: في اي.. اي الي حصل مالها شروق..
معتز بصراخ: شروق فيييين...
شريف: لسه مجتش في اي..
معتز: مطلوبه دلوقتي حالا لقسم الطوارئ في حاله خطره و مش عايز حد يدخل فيه الا هي..
هاله: ايييي؟؟
لمياء: طب يلا يلا نتحرك بسرعه وحد يتصل بشروق عشان تيجي فورا..
سحبت هاله يد روح وهي تصرخ...
هاله: اقفلي بسرعه في حاله خطر ف الطوارئ..
اغلقت روح الهاتف وجرت هي الاخرى معهم
وبعد مرور ربع ساعه...
جائت شروق تجري بسرعه..
روح: انتي كنتي فين..
شروق وهي تنهج اثر الجري: ان.. انا كنت مع ريهام بنشوف... اوووف دا وقته اي الي حصل بسرعه..
روح: جايه مصابه ف الصدر قرب القلب ومصمم محدش يقرب منه غيرك..
شروق بتعجب: مين دي؟؟ وتعرفني منين.. وبعدين احنا هنا تدريب لسه انا الي اقرب منها ازاي..؟ متاكدين انها عيزاني انا.
كانت تتحدث وهي تجري بسرعه وهي ترتدي القفاذات الطبيه..
دخلت شروق وفتحت الستائر لتجدها غارقه بالدماء وتتنهد بصعوبه بالغه..
توترت شروق بشده واخذت تجمع ملامح المرأه حتي تتعرف عليها ولكن لا يأتي شيء ف بالها الان من هذه المرآه المصممه عليها وهي بهذا الوضع....
لم تنطق شروق بكلمه وشعرت انها نست كل شيء يخص الطب بالاربع سنوات الماضيه..
صرخت روح..
روح: دكتوره شروق فوقي.. شرووووق...
ثم نظرت الي المريضه واكملت..
روح: دكتوره شروق اهي ممكن بق نشوف وضعك..
رفعت هذه المرآه قناع الاكسجين عن وجهها وهمست..
السيده: قربي..
روح: لا بق.. كدا كتير يلا ي شروق.. يلااااا..
فاقت شروق اخيرا من افكارها وبدأت مع روح ف الاسعافات الاوليه وبعد استقرار الوضع نوعا ما..
تحدث المرآه بضعف: عايزه دكتوره شروق لوحدها..
نظرت شروق الي روح وهزت راسها موافقه..
جلست شروق ونظرت اليها..
السيده بضعف: معاكي تلفون..
شروق: اه اه اهو عايزه اتصل بحد..
السيده: لا صوريني فيديو وانا بتكلم عشان الي هقولك عليه دا مهم جدا..
شروق بتعجب: فيديو.. فيديو اي..
السيده بضعف..: اسمعي الكلام..
شروق: انا مش فاهمه حاجه انتي مين وتعرفيني منين اصلا..
السيده: افتحي الفيديو بسرعه.. مفيش وقت
فتحته شروق وتركته يسجل..
السيده: انا... انا نجلاء وهبي.. كنت عشيقه ايهاب ابو الدهب رجل الاعمال المشهور... اكيد ملامحي مش واضحه اوي بس.. بس دا من الي عمله فيا... مش مهم الي عمله فيا لانه واضح اني استاهل الي حصلي لاني خنت اعز صحباتي مرات ايهاب خونتها مع جوزها.. ف انا استاهل كل شيء وندمانه وبتمنى مني صحبت عمري تسامحني.. الاهم من كل دا.. ف.. فيروز.. فيروز منتحرتش.. فيروز اجبرت تنتحر طبعا كلكم عارفين الموضوع دا.. بس الي متعرفهوش ان العقرب مظلوم خالد الخولي مظلوم.. الي هدد فيروز وخلاها تكتب الكلام واجبرها تنتحر كان.. كان ايهاب.. ايهاب عمل كل شيء قذر عشان يخلص من خالد و ميبقاش قدام نجم بيه الا هو يديله كل حاجه يديرها و... و دا عشان.. عشان نجم بيه او محمود بيه ف ايامه الاخيره.. وبناته الاتنين دكاتره وكان ناوي بعد ما شروق تربي خالد بانتقامها يكتب كل حاجه لشروق بس يخلي خالد المدير الرئيسي و دا لانه متاكد ان خالد بيعشق شروق زي ما شروق بتعشق خالد...صح ي دكتوره...
نظرت الي شروق التي كانت تستمع بصدمه افقدتها النطق.. لتكمل..
نجلاء: انا.. انا مكنتش هتكلم و اقول كل دا وهفضل ساكته بس ايهاب.. ايهاب خلف كل الوعود الي قدهالي ولاني ماسكه كل شغله وعارفه كل مصايبه هددته وكان دا حالي.. ممكن محدش يتعرف عليا بعد الي حصلي بس.. بس انا معايا دليل لكل حاجه.. الدليل ف خزنه البنك باسم شروق... انا بعد كل الي حصل حطيت الدليل ف خزنه باسمها هتلاقوا فوني والاوراق وحتي الفيديو الي متصور لفيروز من كاميرات بيت خالد الي ايهاب بعد رجالته خدوها وهددوها... كل حاجه ف الخزنه.. خالد... خالد الخولي برئ... سامحني ي خالد معرفتش اهرب منه الا امبارح بليل وعلي ما وصلت هنا كان ضربني بالنار ولحقت نفسي بالعافيه.. سامحيني ي شروق.. سامحيني ي مني.. سمحوني كلكم... سامحني يارب.. ياااااارب....
وهنا تعالت اصوات الاجهزه النابضه بقلبها لتعلن توقفه النهائي....
كانت شروق تبكي وتصرخ وتجلس بالارض بصدمه عصبيه مما سمعت وهي تحاول سد اذنها قد الامكان جري الاطباء ومعهم روح وهاله ومعتز وشريف ولمياء.. سحبت هاله شروق بقوه لتصرخ شروق بشده وهي بحاله انهيار عصبي ليجلب شريف حقنه مهدئه لتهبط منهم ارضا فاقده لوعيها.. هاربه من العالم القاسي الي عالم خيالها واحلامها....
يتبع....