البدايه هي الاجمل بكل شيء والنهايه هي نتيجه للبدايه... الجميع يتفق علي هذا... ولكن هل هذه القاعده صائبه دائما... كلا ي عزيزي ف لكل قاعده شواذ
كانت البدايه حرب ووقعت منها الراء ف اصبح..... ♥🦋
وحشتوني وحشتوني وحشتوني..... لالا انا مش بقولكم دي الاغنيه الي صحيت عليها تاني يوم بسبب حب امي للفنانه ورده... وحشتوني وحشتوني وحشتوني... اهلا... اهلا.. اهلا. اهلا بأعز الحبايب اهلا..... __________________________________ شروق: اييييي ي فنانه ودني بااااظت.. الصوت عالي اووي... الام: ودنك باظت من ورده ي جاهله.. يالي مش بتفهمي غير كلام المهرجانات.. شروق: علي الاقل كلام طبيعي مش واحده راجعه من السفر.. هو اي الي وحشتوني وحشتوني وحشتوني... الام: اسكتي اسكتي ايش فهمك انتي ف الفن.. شروق: صح.. انا اصلا كفايه عليا افهم منهج الطب الي كله انجليزي دا.. الام: روحي ي اختي شوفي الي وراكي يمكن تنفعي.. شروق: ي وليه انتي هنفع اي اكتر من اني دخلت طب.. وبمجهووودي السخصي.. الام: بت ي شروق تعالي اقولك.. شروق وهي تقترب من امها وتوطي اليها راسها: ها قولي هنقتل مين.. الام: ي بت بق اسمعي هتجبلنا مصيبه.. شروق: طب قولي انتي قتلتي مين وانا هداري عليكي.. الام: يختااي مبتتكلمش جملتين جد ف حياتها.. المهم.. البت اختك رجعت امبارح من برا عماله تضحك كدا ومبسوطه وكل شويه بتبتسم ابتسامات مش مريحه كدا.. لا و اي بق بتقولي بكره هروح اتغدا برا بقولها ليه قالتلي معزومه ع الغدا.. شروق بهمس: لحد دلوقتي مش فاهمه فين المشكله الام: ي بت فتحي مخك معايا.. شروق: انتي طمعانه ف الغدا ولا اي.. الام: ي غبيه.. دكتوره ازاي دي ي ربي.. يبت اقصد يعني باين عليها بتحب.. شروق وهي تشهق وتضرب علي صدرها بخضه مصتنعه: بتحب... لالا العار ولا الطار ي ولدي... الام: في اي ي بت هو انا بقولك بترقص.. شروق بضحك: ما انا مش فاهمه اي المشكله بنتك كبيره ي مدام من حقها ترتبط وتحب عادتشي يعني.. الام: وانا يعني مش عارفه.. مانا مبسوطه ي بت بس الفكره هو مين بق وليه مقالتش.. شروق بتفكير: اممم يمكن لسه الموضوع جديد ومش متاكده منه.. الام: تفتكري.. طب ما تتكلمي معاها هي مش اختك. شروق: ي وليه سبيني ف حالي انا ورايا امتحان.. اتجهت شروق الي الحمام لتتوضئ وتصلي ثم اخرت مصحفها الذي تحبه بشده فهو مصحف جدها الذي كانت تعشقه والذي توفي منذ فتره ليست طويله.. قرأت به بعض الايات الكريمه.. ثم فتحت دولابها لتخرج منه ملابسها المكونه من بنطلون اسود كلاسك وتوب ابيض و بليزر وردي وحجاب اسود🤍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شروق وهي تنظر الي المرآه: عليا الطلاق ما شوفت احلي مني ي جدع... دخلت ريهام بهذه اللحظه.. ريهام: عليكي الطلاق.. هي وصلت لدرجه دي.. شروق: تنكري اني قمر.. ريهام: بصراحه لا منكرش بس بما انك اختي القمر ف انا جايه اعترفلك بحاجه.. دخلت ريهام الغرفه واغلقت الباب ببطيء وبخطوات سريعه احتضنت شروق من ظهرها وهمست في اذنها ريهام: انا رايحه انهارده اقابل واحد.. شروق بتمثيل: نهارك اسود واحد... واااحد ي ريهام.. العار ولا الطار ي ولدي.. مين فين اسمه اي قمور ولا لا اسكوزمي عنده اخوات ولا لا... غني ولا لا بيشتغل اي ها انطقي قولي اعترفي... ريهام: اييي اييي اهدي انا معرفش حاجه غير اسمه وشغله بس.. شروق: نعم ي اختي رايحه تقلي واحد متعرفيش غير اسمه وشغله.. ريهام: ي بنتي انتي مش فاهمه حاجه.. شروق: بصي هو من خبرتي كدا انك وقعتي ومحدش سمى عليكي... ريهام: اي دا ليه يعني في اي.. هو باين عليا اني متغيره ولا اي.. شروق: احم يؤسفني اقولك الست الي برا دهي واخده بالها من امبارح وهي الي مفطماني ع الفوله.. ريهام: ي نهار.. بتهزري صح.. شروق: لا بتكلم بجد والله.. ريهام: يختااي دي ما هتصدق.. طب بصي داري عليا بق وانا برا لو اتاخرت لحد ما اجي اشطا. شروق وهي تعدل من هيئتها: احم هتدفعي كام.. ريهام: تصدقي انك عيله واطيه ي بت دا انا ي اما داريت علي مصايبك... شروق: مليش دعوه عليا النعمه ما هتنازل عن انك تديني البرفيوم الجديد بتاعك انا بقولك اهو... ريهام: طب خلاص بس عليا النعمه ي شروق لو ما ظبطي الدنيا لتاخدي بالجزمه.. شروق: عيب عليكي.. يلا اطير انا بق عشان هعدي ع الواد سيف وبعدين هطلع ع الكليه.. ريهام: خلاص اشطا نتقابل ف الكليه بق.. شروق بتقديم العسكريه: تمام ي فندم.. ريهام: لشمال دور... شروق: خلي بالك من نفسك ي موزتي.. قبلت شروق ريهام من خدها وجرت الي الخارج.. الام: بت بت رايحه فين الفطار.. شروق: بعدين ي ديحه عندي امتحان ومتاخره يلا باي ادعيليييييي... الام: ربنا يحفظك ي بنتي وينور طريقك ويقرب منك كل عباده الطيبين والخير ليكي... ريهام: وانا ي ديحه.. الام: يارب ليهم الاتنين عشان مش قادره ادعي تاني بق.. ريهام بضحك: طب ماشي ي ديحه بق كدا... انا هفطر بق وانزل عشان اشوف شغلي.. الام: خلاص اقعدي يلا الاكل يستاهل بوقك العسل دا ♡♡♡♡♡♡♡♡♡♡♡♡♡♡♡♡♡♡♡♡♡♡♡ وهنا كان هو يخرج من الحمام بعضلاته البارزه القويه المثيره... فقط يلف حول خصره منشفه وقف امام المرآه ينظر الي نفسه... خالد لنفسه: انت بتهرب منها...؟ اكيد لا اي الي بتقوله دا مستحيل.. اومال مش عايز تشوفها ليه.. عشان بكرها عادي يعني.. اممم تفتكر.. بس انت كدا... هنا رن هاتفه.. خالد: ها.. الرجل: لسه خارجه اهو ي باشا.. خالد: انهارده تكون عندي انت فاهم.. لازم قبل الاجتماع يكون كل حاجه جاهزه.. الرجل: تمام ي خالد بيه اي اوامر تانيه.. خالد: لا ارجع بليل القيها عندي.. الرجل: اعتبره حصل.. اغلق خالد الهاتف ونظر الي المرآه مره اخري.. ثم ابتسم بخبث واتجه الي غرفه ملابسه... ارتدي خالد ملابسه وهبط الي اسفل... الخادمه: خالد بيه كدا كل حاجه خلصت.. خالد: تمام.. عملتي اكل يكفي اسبوع صح.. الخادمه: اه ي فندم جاهز ع التسخين بس.. خالد: مش عايز حاجه ناقصه الخادمه بابتسامة: متقلقش ي خالد بيه طبعا عارفين ان حضرتك بتحب كل حاجه منظمه جدا.. خالد: برافو.. اجي تكون كل حاجه جاهزه زي ما اتفقنا.. انا ماشي حسابك ف ظرف عند الباب.. الخادمه: كتر خيرك ي خالد بيه.. خرج خالد خارج المنزل و فتح السائق باب السياره له ليركب سيارته بالخلف والسائق بالامام معه ليقود السياره.. خالد لنفسه: كدا كل حاجه برفكت... ♡♡♡♡♡♡♡♡♡♡♡♡♡♡♡♡♡♡♡♡♡♡♡♡ بالضبط كدا يعني نربع الطرفين عشان نطير الجذر التربيعي من الاتنين وكدا المعادله تتساوى.. و كان هذا صوت الباشمهندس سيف مع طلابه.. دخلت شروق بضحك: وكدا يبق نودي الموجب النحيه تانيه باشاره سالبه.. سيف بضحك: وكدا ناخد الدكتوره شروق كليه الهندسه مش الطب... ضحك الجميع عليهم ثم دخلت شروق ووقفت بجوار سيف علي المسرح الذي يقع اسفل السبوره ليزيد ارتفاع الذي يقف عليه رغم طول سيف الشديد الا انه يقف عليه ليكون ظاهر لمن يجلس باخر المدرجات فهو مهندس ممتاز ومدرس رائع و دائما فتراته مزدحمه... شروق: بزمتكم مش الاحياء احسن.. بعض الفتيات: لا معلش اي حاجه مع البشمهندس تحفه... شروق: اخص عليكم يعني البتاع دا احسن من الجهاز الهضمي والانزيمات والجهاز التنفسي.. تؤتؤتؤ..
