حرب ووقعت الراء

الورقه الثانيه عشر

هو الي حصل دا حماده والي جاي حماده تاني خالص...هو مين حماده؟ اي دا صحيح هو اشمعنا ف فيلم بلبل حيران قال حماده...سؤال مهم لسه جايلي دلوقتي محتاج تفكير...يختااااي علي رغييي دا وانتم بتسمعوني وخلاص ما تقولوا ادخلي ف الموضوع ي حجه اي حاجه كده نبهونيييي.. خلاص خلاص هكمل.. بس ركزوا معايا.. يلا
___________________________________
خالد: اهدي اهدي خالص خدي نفسك براحه.. بصي ف عيني..
شروق بصراخ: ابص ف عينك اي.. هو انا شايفه حاجه ف السواد دا..
خالد: بتصرخي ليه هو حد قالك اني اطرش..
شروق: بصرخ من الغباء الي انا فيه دااا هو دا وقت محن وبصي ف عيني وبصي ف قفايااااا
خالد وهو يضيء هاتفه ويده الاخرى علي فم شروق لتسكت: ابوس ايدك اسكتي بق شوية...خليني اعرف اتصرف بدل ما تصرخي ف وشي...
هنا عضته شروق بقوه ليصرخ هو من الالم..
خالد: اااااه... ايدي ي بنت المجانين...
شروق: بص هي مش ناقصه غباء بقولك عندي ضيق تنفس ومحبوسين ونور قطع كمان وتحط ايدك علي بوقي انت عبيط.. ولا بتموتنيييييييي...
لم ينتظر خالد شيء اخر وهنا سحبها بكل قوته اليه وضمها بقوه وحنان واخذ ينزل بيده من علي راسها حتي ظهرها وهو يقرأ قرآن بصوت تكاد هي فقط تسمعه...
هدأت شروق هنا و دون وعي منها ضمته هي الاخرى وكأنه مصدر الأمان الوحيد بهذا العالم..كأنها طفله كادت ان تسقط من قمه مكان وهو من انقذ حياتها..
فور ان حس بهدوئها وشعر بيدها تضمم عليه بقوه دق قلبه بشده وابتسم دون وعى ولكن فورا عاد لنفسه واتصل بسكرتيرته..
خالد بصوت هادئ لم تشعر به شروق: الاسانسير وقف وانا جوا...دقيقه ويتصلح مفهوم..
اغلق الهاتف لتجري بسرعه وتتصل بالعمال..وتخبرهم بهذا لترى فيروز جريها بهذا الشكل..
فيروز: في اي..
السكرتيره: خالد بيه ف الاسانسير وعطل بيه..
فيروز بقلق وخوف: ايييي..
جرت بسرعه لتركب المصعد الاخر و تهبط الي أسفل كانت تقف امام المصعد تنتظر بخوف شديد..
وهنا هبط المصعد اخيرا و لم تشعر شروق بهذا ليفتح باب المصعد عند وصوله وترى فيروز والعمال خالد وهو يضم شروق بكل حب وحنان وهي متعلقه به بشده..
واخيرا عادت شروق للواقع وفتحت عيناها لتجد نفسها بين احضان خالد ويدها تمسك به بقوه..وجهت عيناها الي الباب لتجد الجميع ينظر اليهم بدهشه.. لتبتعد هي فورا عنه وبكل احمرار لوجهها وبكل احراج ابتسمت وتحدثت..
شروق: احم... اي... انا... برافووو
اخذت تسقف لهم وهي تنظر اليهم ثم اكملت..
شروق: برافو.. بجد شكرا ليكم جدا... لولاكم كان زماني موت هنا...اقصد يعني عشان عندي ضيق تنفس..
نظرت الي خالد الذي يكاد يقع من الضحك علي هيئتها الخجوله بهذا الشكل..
شروق لخالد: احم...بقول نجري ولا شكلنا يبق اهطل..
خالد وتذكر ما حدث بالاعلى ليمسك يدها ويسحبها مره اخرى.. امام الجميع..فتح باب سيارته و رمي اشيائها بالخلف وجلعها تركب السياره بقوه و لم ينتظر السائق ليركب هو وينطلق بسيارته بسرعه كبيره..
~~~~~~~~~~~~~~~~~~~~~~~~~~~~~~~
روح: الو.. معتز..عامل اي..
معتز: الحمدلله ي روح.. هبق عامل اي يعني
روح: عارفه كلنا تعبنا اوي امبارح ومحدش نام اصلا ومحدش فاهم حاجه.. بس انا عملت حاجه غلط ومحتاجه مساعدتك..
معتز بقلق: حاجه غلط؟! في اي ي بنتي احكي..
روح: بص..طبعا من الي حصل امبارح محدش فينا طايق نفسه اصلا و..
معتز: انجزي ي روح من غير مقدمات انتي عارفه بتوتر..
روح: طيب طيب خلاص...دلوقتي انا قولت كلام زفت لهاله وهي زعلت مني جامد وسبتنا ونزلت..
معتز: ي بنتي انتي هتموتيني هو ي تعملي مقدمه قد كده ي تختصري الموضوع ف سطر..
روح: اووف.. حاضر.. الي حصل اننا كنا عند ريهام عشان طنط عرفت وتعبت وبعدين يعني هاله قالت انها شكه ان شروق مش مخطوفه وانها مع الراجل دا بمزاجها وانهم بيحبوا بعض ونفس كلام المقدم يوسف يعني وانا اتعصبت عليها وقولتلها انتي مش صحبه بجد وكلام دا وجرحتها وهي زعلت مني ونزلت ومش بترد علي مكالماتي ومش هترد انت عارف هاله لما بتزعل مش بترد علي حد...
اخذت نفس ثم اكملت..
روح:... غيرك...
معتز بابتسامة: غيري؟ اشمعنا انا يعني؟!
روح: معتز...بلاش الجو دا معايا... انا وانت فاهمين و دفنينوا سوا..
معتز: خلاص خلاص... الواحد ميعرفش يهزر معاكي..
روح: اه... دلوقتي مفيش هزار.. عشان انا اصلا مش عارفه بتحبها وهي بتحبك مخبين علي بعض لي وانا الوحيده الي عارفه الموضوع منك ومنها وانتم الاتنين سبحان الله اخترتوني ف نفس اليوم عشان تعرفوني الموضوع.. لا مش كدا وبس انتم الاتنين تقولولي اياكي تقولي لحد حاجه حتي انتم..
معتز بضحك: بس انتي هبله وعرفتيني من غير ما تقصدي اليوم دا ان هاله هي كمان بتحبني..
روح: من فرحتي اعمل اي لما قولتلي لقيت نفسي بصرخ وبقول احلف الحمدلله مطلعش من طرف واحد..
معتز بتنهيده: مفيش حاجه بتتحس من طرف واحد بس..
روح: يعم الرومانسي... انجز شوف البت فين ولطف الجو علي ما نتجمع عند سيف بليل وانا هرضيها..
معتز: طب خلاص اتفقنا.. سيبي الموضوع عليا.. المهم طنط مديحه عامله اي..
روح: لسه سامعه صوتها دلوقتي بتنادي علي شروق قلبي اتقطع والله..
معتز: ان شاء الله هتبقى كويسه وترجع بالسلامة مفيش حاجه بتحصل من عند ربنا شر لحد خصوصا لو الحد دا طيب ونيته دايما خير زي شروق..
روح: يارب ترجع بق عشان وحشتني اوي يوم واحد من غيرها عمل فينا اي.. جنانها وصوتها وحشني والله.. عارف الحاجه الوحيده الي متاكده منها ان شروق لا يمكن تكون بتحب الراجل دا ولا حتي ممكن تحبه..
معتز: تحب اي...دي مخطوفه انتم بتقولو اي ي جماعه احنا ف مسلسل هنا.. اسكتي اسكتي يلا سلام هشوف هاله..
اغلق الهاتف و اتصل بهاله لم يكمل المكالمه واغلق فورا وابتسم ثم تحدث مع نفسه..
معتز: انا عارفه هي فين دلوقتي..
__________________________________
بكافيه سيف..
كان يجلس بمكانه المفضل الذي يطل علي الحديقه الخلفيه يشرب فنجان من القهوه وينظر بشرود..
....: سيف.. سيف.. يا باشمهندس..
فاق سيف من شروده اخيرا علي وغزه في كتفه..
سيف بضحك ودهشه: عماااااار... اعااااااا
قفز سيف من مكانه واحتضنه بشده وهو يكمل حديثه..
سيف: انت جيت امتي.. وحشتني اووي اووي ي صحبي..
عمار بضحك: جيت امتي مصر ولا الكافى... اي ي ابني بقالي ربع ساعه بنادي عليك وانت مش هنا اصلا..
سيف بحزن: معلش ي صحبي.. سحرت بس..
عمار: في اي ي ابني مالك.. و اي حالتك دي كأنك عندك 100 سنه ليه..
سيف: في الف حاجه حصلت.. وكلهم ورا بعض مش عارفه اعمل اي.. المهم فكك من كل دا وصلت امتي من دبي و متصلتش لي اجيلك..
عمار: وصلت من اسبوع ي سيدي بس كان عندي حاجات بخلصها ولسه جاي البيت امبارح فضلت نايم اليوم كله واهو صحيت نزلت علي طول..
سيف: الحمدلله علي سلامتك ي صحبي
ضمه سيف مره اخرى بحب...
عمار: الله يسلمك ي قلب اخوك..بس بجد في اي مالك كده اقعد احكيلي انا مكلمك من اسبوع وكنت كويس يمكن المشكله الوحيده عندك موضوع هدى.. اي الي حصل فجاه.. وصحيح شروق فين و ريهام وحشني اوي بجد خصوصا شروق..
سيف بحزن: ياريتك خطبتها قبل ما تسافر مكنش حصل كل دا..
عمار بعدم فهم: حصل اي.. شروق مالها ما تتكلم..
سيف: اتخطفت..
وقف عمار بصدمه وهو يصرخ..
عمار: ايييييي؟ ازاي..وامتي وليه اصلا..
سيف: اقعد اقعد ملوش لازمه الزعيق انا مش قادر...
جلس عمار وهو يشعر بالحزن والخوف والقلق..
عمار: انا مش فاهم حاجه..
تنهد سيف و بدأ يروي له ما حدث..وكل شيء مر عليه من خطف شروق و شجاره مع هدى..
___________________________________
وصل امام منزله وهبط من السياره واتجهه الي باب المنزل وهي لم تتحرك من مكانها..
خالد: محتاجه عزومه ولا حاجه.. ما تنزلي..
هزت راسها نافيه وخفضت جسدها بداخل السياره اكثر..
خالد واتجهه اليها وفتح باب السياره: انزلي..
شروق: لا..
خالد: لاء ازاي يعني..
شروق: هو كده لا يعني لا..
خالد: شروق انزلي انا مش بهزر..
شروق: مش نازله ي خالد..
خالد: هتنزلي ي شروق وقولت يلا...
شروق: مش نازله واعمل الي تعمله..
خالد: اممم بق كده.. طيب تعالى بق..
فك خالد حزام الامان الخاص بها وحملها علي كتفه لتصرخ هي وتظل تركل بقدميها بكل قوتها ولكن لا حياه لمن تنادي..
شروق: نزلني انت عايز مني اي نزلني بقولك...
القى خالد بها علي سرير غرفتها وعدل شعره الذي تبعثر من حركتها وبغضب شديد صرخ بها..
خالد: هو انتي كمان ليكي عين تتكلمي.. انتي تخرسي خالص..
شروق بغضب هي الاخرى: انا مسمحلكش تتكلم معايا بالشكل دا.. وانا معملتش حاجه غلط عشان اخاف منك.. وبعدين انا عندي سؤال حتي لو انا وحشه وعملت الزباله بتقول عليها دي معلش يعني انت مالك..
خالد بغضب وضرب الكرسي المجاور له بقدمه: شوفتك بعيني واقفه قدامه بتضحكي وهو عريان عيزاني افهم اي..ولا انتي كمان مش عجبك وبتقولي انت مالك..
شروق: ااااه انت مالك انت واصي عليا... انت مين اصلا ها انت مين عشان تعمل فيا كدا وتخطفني وتحبسني..
خالد وتمالك اعصابه: صح انتي صح.. انا مالي بيكي.. انتي صح.. انتي هنا مجرد وسيله عشان اوصل للي انا عايزه..
شروق بعدم فهم: وسيله؟!
خالد: اه انتي مفكره انك هنا ليه..هو بس يخلص الي انا عايزه و هرميكي مكان ما خدتك...انتي مين اصلا عشان اهتم بتعملي اي ومع مين.. واحده زيك زي غيرك يعني..زباله..
نظر اليها باشمئزاز وخرج من الغرفه لتجلس هي علي الارض وتسند ظهرها علي السرير وتبكي بشده.. حتي نامت مكانها..
_________________________________
ايوه ي فندم لقينا كاميرا جايبه وش الانسه شروق وهي بتتخطف اخيرا..
كان هذا صوت المخبر الذي أمره يوسف بتفتيش الكاميرات..
يوسف: فين بسرعه..
المخبر: مطعم لسه فاتح ي فندم قدام الكليه بشويه بس مركب كاميرات عاليه يعني ف جايب المكان ولما عملنا زوم وشها بان..
يوسف: طب كويس اوي كده نقدر نعمل محضر وندور عليها بأمر رسمي..
اخذ يوسف مفاتيح سيارته واتجه الي ريهام وهو يتصل بها..
يوسف: الو اي يي ريهام عندي خبر كويس..مهم انتي فين دلوقتي عشان محتاج اعرف كذا حاجه كدا.. اه عارفه خلاص تمام هبق عندك حالا..
__________________________________
ي بنتي افتحي بق.. طب قوليلي اي الي حصل مالك بس.. بطلي عياط وفهميني بطلي توجعي قلبي..
كان هذا صوت والده هدى التي لا تعلم ماذا اصاب ابنتها لتظل بغرفتها تبكي دون توقف وتغلق علي نفسها..
دق جرس الباب لتدخل هذه الفتاه المرحه واللطيفه بشده..
هند: الله الله علي الروايح الحلوه الي جايه اخر الشارع دي..
وفاء (والده هدى): تعالى ي هند ي بنتي الحقيني..عشان هيرجالي حاجه..
هند: اي بس ي فيفي مالك..بنت الناس الطيبين دي عامله فيكي..
وفاء وهي تحتضنها: مش راضيه تبطل عياط ومش راضيه تقولي مالها.. هي بتحبك ادخلي اتكلمي معاها..
هند: طب ي فيفي انا شامه ريحه بشاميل جامده روحي جهزي طبقين وشويه زيتون اسود مخلل وشيبسي وانا هاكلها وهاكل معاها طبعا..
ضحكت وفاء وتحدثت..
وفاء: ي حبيبتي تاكلي كل الي نفسك فيه.. بالف هنا
اخذت تخبط علي الباب وهي تغني..
هند: اول ما عرفت انك عايزني جيت اوام.. مقدرش استغنى عنك ي معلمني الغرام..
هدى بصراخ: هند انا مش عايزه اسمع صوت سبيني ف حالي..
هند: طب افتحي عندي ليكي موضوع مهم محدش هيسمعني غيرك.. انتي عارفه ان مليش غيرك احكيله.
هنا رق قلب هدى وفتحت الباب وبمجرد ان رات صديقتها ارتمت باحضانها واخذت تبكي بشده..
هند وهي تمسح علي ظهرها: طب اي الي حصل زعلك اوي كده..
هدى وهي تشهق بشده: انا... انا.. بكرهه مش عايزه اشوفه تاني..
هند: بس بس اسكتي امك جوا ادخلي..
ادخلتها الغرفه واغلقت الباب وجلست بجوارها..
هند: اي الي حصل بق.. فهميني..
هدى: قالها.. قالها وبعدين وجعني اووي اوي ي هند..
هند: طب براحه كده فهميني..
هدي: بصي...هحكيلك..
روت هدى ما حدث معها لصديقتها
_________________________________
سيف وهو يمسح دموعه: انا دلوقتي كسرت قلبها اوي.. احرجتها... وهي اكيد دلوقتي مش هتنزل وتيجي الدرس.. دا مش بعيد اصلا تسيب الدرس وتروح لحد تاني..
عمار: ي ابني انت بتعيط عشانها مفيش راجل بيعيط عشان واحده..
سيف: بحبها اوي اووي اوي ي عمار مقدرش اتخيل يوم من غير ما اشوفها بجد.. دي لو تعبت ومجتش بتصل بيها عشان اسمع صوتها بحجه مينفعش حصه رياضه تفوت وانا والله ما فارق معايا غير اني اسمع صوتها بس..
عمار بتنهيده: اي الوقعه دي ي صحبي وبعدين يعني مش اخر واحده ف الدنيا..
سيف: انت بتقول اي ي عمار...بقولك بحبها لو هي اي كدا بحبها بحب ضحكتها وابتسامتها وعصبيتها.. بحب عنادها.. لم بتتكلم بحس ان صوتها دا موسيقي ملهاش زيي... لما بتعاند وهي واثقه انها صح بعرف اني ربتها صح...دي مش بس حبيبتي دي بنتي واختي وكل حاجه ف الدنيا.. دا اانا مستعد تاخدو مني كل حاجه فلوسي وشغلي وتعليمي وتسبوهالي..
عمار: حاسس بيك والله ي صحبي بس...
تنهد بشده واكمل..
عمار: بس انا للاسف معرفتش اعمل حاجه عشان كده مش عارف انصحك..
سيف: انت غلطان ي عمار مكنش ينفع تسافر وتضحى بكل حاجه..
عمار: اعمل اي افضل ازاي هنا وانا مش قادر اعمل حاجه.. سافرت عشان اشتغل واكون نفسي عشان اعرف اخد خطوه..
سيف: عمار...علي الاقل كنت تعرفها ي سيدي يمكن كانت تفضل علي تواصل معاك..
عمار: اه اقولها شروق انا بحبك ومعلش استني اتخرج و اشتغل كام سنه ف مصر عشان اقدر اتقدملك بس..
سيف: وانت دلوقتي سافرت عملت اي بق..هي فين دلوقتي... مخطوفه ومش عارفين عنها حاجه..
عمار: هترجع والله هترجع.. انا عملت كل دا عشانها و فالاخر اسبها مستحيل.. دا انا اشغلت كل حاجه عشان اقدر اقف علي رجلي واعمل شركتي دي و دلوقتي عندي 4قرى سياحيه ف مصر و عندي شركه ف دبي و جاي افتح الفرع الجديد بتاعي مع شريكي هنا ف مصر..
سيف: مين دا..
عمار: خالد الخولي..
يتبع....