حرب ووقعت الراء

الورقه الاولى...

هي اسمها اي...
اسمها شروق جابر الصفتي....
شروق جابر الصفتي... اممم كام سنه..
عندها 21سنه...
شروق 21سنه حلو اوي بكره تكون عندي..
امرك ي باشا اي اوامر تانيه..
لا طير انت يلا....
___________________________________
استووووب لالا استنوا مش فاهمين حاجه طبعا... اممم طيب اهو هاجي علي نفسي و اقولكم الحكايه من الاول بس ركزوا معايا عشان انا كفايه عليا افكاري الغبيه...
اي دا انا نسيت اقولكم انا مين... انا شروق بنت عاديه جدا ف كليه الطب...لالا متخدوش عني فكره وحشه انا مش كئيبه وبدح بس وكدا لا انا التفاهه بنفسها بس انا كنت بذاكر شويه صغننين وفضل ورا حلمي والحمدلله حققه بفضل ربنا طبعا والست الي هحكلكم عنها دي... اوووف برضو مش ببطل رغي المهم اسمعوا الحكايه بق عشان زهقت منكم رغايين اووي...
الحكايه بدأت من هنا....
ثواني نسيت اقولكم ماما ست رغايه برضو متخدوش ف بالكم.... بس دا بنا اشطا...
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
والله انا ما شفت حد تنح كدا اصحي ي بت انتي بق انا لو بصحي قتيل كان قام....
كان هذا صوت الام التي فاض بها الكيل من هذه الفتاه...
الفتاه بكلام غير مفهوم: شويه بس هو الدكتور قال 8سنين نوم و 3ولاده طبيعيه...
الام: 3سنين ولاده اي دي ولاده فيل قومي قامت قيامتك ي بت الساعه 9قوووومييييي...
رنت هذه الكلمات ف اذنها بشده... 9.. 9... 9..
قفزت فورا من مكانها...
شروق وهي تعدل شعرها المقلوب الذي يغطي وجهها من الامام: هي اي الي تسعه ي ست انتي...
الام: ست انتي... والله انا ما ربيت انا اصلا معرفش انا خلفتك ازاي لالا مستحيل تكوني بنتي انتي اكيد اتبدلتي ف المستشفى هو في واحده تقول لامها ي ست انتي...
شروق: بااااااااااااس ايييييييي انا نسيت كنت بسالك علي اي اصلا...اي دا انتي ست رغايه اووي..
فورا رفعت الام شبشبها والقته عليه.. لتقفز شروق من مكانها وتجري الي الخارج وهي تصرخ...
شروق: اعاااااااااااا الحقوناااااااااااااي
اخذت شروق تجري حول ترابيزه السفره بسرعه وامها خلفها...
شروق: ي اهلييييي ي صحاااااابيييي ي احباااااابي اي حد يلحقني من الوليه دييييي انا قولت انك مرات ابويا محدش صدقنيييييي....
هنا خرجت ريهام من غرفتها وهي تمسك الدبوس بفمها والاخر تضعه بالطرحه...
لجري الام وتاخد الدبوس من فمها ثم تصرخ بها هي الاخرى
الام: قولت ميت مره متحطيش الدبابيس بين شفيفك هتيجي مره تبلعيهااااا انتم هتموتوني ناقصه عمر... ااااه صحيح ع راي المثل ي مخلفه البنات ي شايله الهم للممات....
شروق بردح هي الاخري: اه و علي راي المثل بتاع الوليه ام محمد الي بتبيع رمان دي.. و الدحرج و اجري ي رمان وتعالى ع حجري ي رمان...
ريهام بردح هي الاخري: اه واقلب القدره ع فمها تطلع البت لامها...
قالت هذا المثل وهي تشير علي شروق و امها...
الام وهي تجري وراها: تقصدي اي ي بت الجزمه انتي... خدي هنا...
جرت ريهام ع غرفتها بسرعه واغلقت الباب...
الام: افتحي ي بت...
ريهام: لا وحياه عيالك ي ماما... حرمت خلاص...
الام: بق كدة طيب خدي انتي ي بت..
جرت خلف شروق مره اخري لتجري شروق الي الحمام وتغلق الباب بسرعه...
شروق وهي تجري: الله... وانا مالي ي لمبي طاااه...
الام وهي ع باب الحمام: اطلعي ي بت..
شروق: انا عملت اي طاااه... دا انا حتي طلعت طلعالك ي قدره.... يختاااااي قصدي ي ماماااا...
ضحكت الام علي جنان بناتها ثم دخلت لتعد لهم الفطور...
بعد مرور عده دقايق خرجت شروق من الحمام و دخلت غرفتها ادت فرضها ثم وقفت امام دلابها لتصرخ...
شروق: ي ماماااااا
الام: اي ي بت الهبله... ما تنادي زي الناس لازم تصرخي..
شروق: اااه عشان انا متاخره اصلا ومش لاقيه حاجه البسها...
الام: لا دوري براحتك لسه بدري..
شروق: لسه بدري.. اي مش بتقولي الساعه 9بقالك ساعه يعني زمانها بقت عشره..
دخلت ريهام الغرفه وهي تاكل خياره...
ريهام بضحك: وانتي صدقتي صح... دي ماما يعني هي لازم تعمل فينا نفس المقلب...
شروق: مقلب... كدا ي مديحه...
ضربها امها علي فخدها...
الام: ي بت اسمها ماما...
ريهام بمرح هي الاخري وهي تطبل ع دولاب شروق: افتحي ي مديحه ديحه لجبلك الفضيحه ضيحه..
لترقص شروق بهبل: عادل امام لبس فستان فضله بروكه ويبقي مدام.. احمد مزهر قبل ما يظهر كان شغال ع باب الازهر...
الام: لا لا انا كدا اروح عند خالتكم احسن انا هيجرالي حاجه منكم...
شروق: اهاااااا انتي الي طلبتي تتطلقي اهاها وتسيبي بيتك وتفلقي اهاهاهااا...
ريهام بضحك علي اختها: بس بق يخربيتك قلبي هيقف يلا عشان هنتاخر كدا بجد...
شروق: طب خدي الست الكبيره المسنه دي ف ايدك ويلا برا عشان اغير...
الام: الست.. والكبيره..
ريهام: والمسنه عادي معاكي..
الام: صبرني يارب.. اه مهو يا مخلفه البنات...
شروق وريهام ف نفس النفس: ي شايله الهم للممااات
ضحكت الام عليهم..ثم خرجت...
ريهام: يلا ي اتفه دكتوره شافتها عيني عشان نمشي سوا..
شروق: اه بق عشان عندها عربيه هتذلناااا... سوري ي مدام.. احنا مبنشحتش منيكم...
ريهام: انا هروح الحق البطاطس سخنه خليكي ف الدراما بتاعتك...
شروق: لا الا بطاطسياااااااااااااااتي... هلبس رهوااان..
فورا جرت شروق واخذت هاتفها لتفتح مشغل الموسيقي علي اغنيه عمرو دياب
(عادي اهي خلصت)وتقف امام المرآه باندماج وهي ترتدي ملابسها.. المكونه من جيبه وبلوزه وحجابها الجميل...