အချိန်စက်ဝန်းပေါ်က မောင့်မေတ္တာတွေ 🍃

ထောင်ချောက်

Episode -10

''ဝါး
လူတွေတကယ်များတာပဲနော်''

ကားပေါ်က ဆင်းလာချင်းရာဇ်ရဲ့စကားကြောင့်ခွန်းစစ်က​
ဘေးတိုက်ရပ်နေတဲ့ရာဇ်ကိုငုံ့ကြည့်သည်။
အတော်လေး ကွာဟတဲ့ သူတို့နှစ်ယောက်အရပ်ကြောင့်စကားပြောတဲ့အခါသိပ်အဆင်မပြေ...။

ပုံမှန်ထက် ချောမောနေသယောက်ထင်ရသော သူ့အနားသို့လည်း ကပ်မပြောချင်...။
မျက်လုံးဝါတွေက ရာဇ်ကို စူးစိုက်ကြည့်တဲ့အခါ ကြက်သီးထဖို့ကောင်းအောင်လှသည်။

သူကချောမောနေသလောက် ကိုယ့်ကိုကို ငုံ့ကြည့်​တော့ မဆိုးလှပေမယ့် သုခွန်းစစ်နှင့်ယှဥ်သွားရင် သူ့ထည်ဝါမှုက ရာဇ်ကိုဖုံးသွားလိမ့်မည်။

အတွေးနှင့် ဘေးနား ခွာကာ တစ်ဖက်သွားရပ်​တေ့ ဘောင်းဘီအိတ်ထဲလက်ထည့်ကာစတိုင်ကျနေတဲ့ ခွန်းစစ်က ငဲ့ကြည့်လာပြန်သည်။

ဒါ့အပြင် ပွဲထဲရှိသမျှမိန်းကလေးတွေအခြေအနေကိုလည်း မျက်ဝန်းလေးလှုပ်ရှားကာအကဲခတ်လိုက်သည်။

အနီရောင်နှင့်ရာဇ်သည်မြင်နေရသောမိန်းကလေးတွေနှင့်ယှဥ်ရင်
အရောက်တောက်နေလို့သာတော်တော့သည်။

မဟုတ်ရင် လည်ပင်းကနေခြေဖဝါးထိလုံအောင်ဝတ်ထားသောရာဇ်သည် တစ်ခါမှ ပါတီပွဲမရောက်ဖူးသူအလား...။

ပါတီက အထက်တန်းတန်းဆန်ဆန်ရိုးရှင်းလှပနေသည်။ တတ်ရောက်လာသော မိန်းမပျိုလေးတွေကလည်း မျက်စိမလွှဲချင်လောက်အောင် လှကြသည်။

ဒီပွဲမှာ ရာဇ်ရဲ့သူငယ်ချင်းတွေ အများကြီးလည်း တတ်ရောက်ကြမည်လို့မာမီကဆိုသည်။
မာမီပြောသလို အများကြီမတွေ့မိသေးပေမယ့် ရာဇ်တို့အခန်းထဲက မျက်မှန်းတန်းမိလောက်တဲ့ နှစ်ယောက်သုံးယောက်ကိုတွေ့ရသည်။

''ငါ ဟိုကိုသွားမလို့ ဒယ်ဒီတို့နဲ့ကျမှလိုက်ခဲ့''

ခွန်းစစ်က  စားပွဲဝိုင်းတစ်ခုဘက်ကိုမေးငေါ့ပြပြီး ဆိုသည်။
ရာဇ်ကြည့်လိုက်​တော့ သင်္ခါမင်းမောင် နှင့် ဇော်ထက်သွင် ကိုတွေ့သည်။ ဟိုကလည်းအိန္ဒြေမရ လက်လှမ်းပြကာခေါ်နေသည်။